Isaya 15:5 - Bhiblia Yo Sawuleka

⁵ Mbilu yangu ya dila ngu mhaka ya Mowabhi; vahombe vawe va tutumile veya Zowari, kufana ni dirole da malembe mararu, nguko va dila va txi kwelela Luwiti, nguko, nzilani ka Horhonayi, va wusa kudila ka hombe ngutu.

Isaya 15:5 Referans Kwoze

Jeremiya 48:5

Nguko aha va no kwela Luhite va na engetekelana kudila; nguko kutxhika kwawe ngu Horonayime, valala va Mowabhi va pfite kudila ka hombe.

Jeremiya 4:20

Kuhuwelela ngu kuloviswa txitimwi ka kulovisa, nguko ditiko dotshe di hasamutwe. Matenda angu ma khundumutwe ngu txidhukisa, ni midhuti yangu ngu mbimwanyana.

Jeremiya 17:16

Ani kha na lamba kuve m'dyisi wu kambe i ku didhota, kha na verela ditshiku da dikhombo; awe wa tiziva. Ati ti nga huma ngu txisofuni kwangu, ti wombilwe masoni kwako.

Jeremiya 13:17

Aniko mi si engisi, ni na dila txihunjani ngu mhaka ya wugwili wanu, maso angu ma na dila ngutu, me humisa mirongo, nguko vathu va Mkoma va yiswa wukarawani.

Jeremiya 9:10

Ni na theketa mirongo ni peka huwa ngu mhaka ya mimango, ni dilela wudyiseloni ka txiwula, nguko ku hyite; kha ku ngadi ni m'thu a pindako ngu kona, hambi kupfa kubhoma ka tihomu; sinyana sa nzuma ni sihari si tutumile, si tsute.

Isaya 22:5

Nguko ditshiku da xomulo, ni da tingana, ni da pfilu-pfilu, ngu dona diya da kuta ngu ka Mkoma, Txizimu txa Tiyimbi, mkovani ka Txiwoniso: Kukhundumuswa ka maguma, ni huwa yo hoka ni mimangoni.

Isaya 16:14

Aniko, konkuwa, Mkoma a wombile, a txi khene: Mndani ka malembe mararu, ma fanako ni malembe a m'thu wo holelwa, wudhumo wa Mowabhi wu na maha wa kale, ni dotshe dibutho dakwe da hombe; se miboti ya kona yi na va yidotho, kambe kha va na mbiba ni mtamo.

2 Samuwele 15:30

Se Dhavhidha a to kwelela ngu mmango wa miolivha, na a txi dila, a di fenengetile msungo, a to tsimbila asi ya ambala txilo mikondoni; se votshe vathu vale a nga ti nayo va to ti fenengeta misungo yawe ve kwelela va txi dila.

2 Samuwele 15:23

Se mbimo yile vathu votshe va nga txi pinda, ditiko dotshe di to dila ngutu, nene mfumeli a to pinda ngu txinambwanani ka Cedroni, se vathu votshe va to pinda ngu nzila yo ya txiwulani.

Genesisi 19:22

Kuluveta u txi thavela koneyo, nguko kha ni sikoti kumaha txilo u sanzi kuhoka koneyo.” Ngu mhaka ya toneto didhoropedo di nga ningwa ditina di do i Zowari.

Genesisi 14:2

vafumeli vava va to xoma yimbi va txi yalwa ni Bhera, mfumeli wa Sodhoma, ni Bherisa, mfumeli wa Gomora, ni Senahabhi, mfumeli wa Adhama, ni Semebheri, mfumeli wa Zebhoyimi, ni mfumeli wa Bhela, i ku Segori.

Genesisi 13:10

Loti a to gula maso e wona lotshe libala la Jordhani, lotshe li ti ni mati amangi, na Mkoma asanzi kuhaxula Sodhoma ni Gomora, ku ti fana ni thembwe ya Mkoma, kufana ni ditiko da Egipta di gwitelako Zowari.

Mitengo 21:29

Ddikhombo kwako awe Mowabhi! U timete awe ditiko da Kemosi! U ningete vanana vanu ve tutuma, ni mahorana anu ka wukhumbi wa Sihoni, mfumeli wa Vaamori.

Isaya 59:7

Mikondo yawe yi tutumela wubihi, kambe va kuluvetela kuya theketa mnoha wo mbi na mnandu; mipimiso yawe mipimiso ya wubihi; kuhoxota ni kukhundumusela si tinzilani kwawe.

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Jeremiya 48:3

Ka pfala tihuwa kona Haronayime: Ta dirumbi ni kuhasamulwa ka hombe!

Jeremiya 50:46

Ka diguwa da kutekwa ka Bhabhilona, ma dhudhumete mafu; se huwa yi pfate matikoni.