Isaya 15:3 - Bhiblia Yo Sawuleka

³ Va ambate masaka tinzilani ka hombe; txitimwi ka tinyumba tawe, ni mitendelani kwawe, votshe va keta, kambe va dila ngu txiviti.

Isaya 15:3 Referans Kwoze

Matewu 11:21

“Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Jeremiya 19:13

Tinyumba ta Jerusalema ni tinyumba ta vafumeli va ka Judha, ti nava ni nzambwa, nga wukhalo wa Tofeti; kumweko ni tinyumba ti di nga hiselwa txitimwi ka tona dibaselo ka dotshe dibutho da nzuma, eho va nga ningela miningelo ya so sela ka simwani sizimu.

Isaya 22:4

Ngu toneto, ni khani: Mi nga ni woneteleni, ni na dila ngu txiviti; mi nga karaleni ngu ku ni thavelela, ngu kuhaxulwa ka mwanana wa muhorana wa vathu vangu.

Isaya 22:1

Mahungu a mkova wa Txiwoniso. Wo va ni txani konkuwa, koza u kwela txitimwi ka tinyumba kani?

Isaya 15:2

Vaaki va Bhajite ni Dhibhoni, va kwelela ka makhalo o guleka, kuya dila kona; Mowabhi wa peka huwa ngu mhaka ya Nebho ni Medhebha; yotshe misungo yi na maha tigwayi, ni sotshe siletu si na va si di yotwe.

2 Vafumeli 6:30

Se mbimo yile mfumeli a nga pfa mapswi awu wamsikati, a to vharula syambalo sakwe, e londisela diguma, se vathu va ti woni ku a ti ti ni syambalo so dhimba ngu mndani, ha nyamani kwakwe.

2 Samuwele 3:31

A to khene koko, Dhavhidha ka Jowabhi ni ka vathu vale a nga ti ti navo: Vharulelani syambalo sanu; mi sunga tinguwo ta masaka mi mdila Abhineri. Se mfumeli Dhavhidha a to londisela txithathe txi txi nga ti rwate txirumbi.

Dhewuteronome 22:8

Ngako u txi aka nyumba ya yiphya, u na bhiyela liangwa la kona; kasi ku nyumba yako yi si ku manisi mnandu wa mnoha, ngako ku txi wa m'thu ngu txitimwi ka yona, a txi fa.

Jakobe 5:1

Engisani, anu vanyatithombe, dilani mi txi peka tihuwa ta hombe ngu makhombo awa ma no mi wela.

1 Samuwele 5:12

Se vathu vale va nga huluka kufa, va to xaniswa ngu sithunye, aha koza huwa ya didhoropa yi kwelela kala nzumani.

Isaya 3:24

Se ku na maheka taku, wukhaloni ko bhumula, ku nava ni kununga; se wukhaloni ka libhande, ku nava ni ngoti; wukhaloni ka misisi, ku na maneka tipala; wukhaloni ka syambalo sa mibuso, ku na ambalwa masaka; wukhaloni ka kutshura ngutu, ku nava ni sibawa so hiswa ngu mndilo.

Jeremiya 48:37

Nguko wotshe msungo wu na va ligwayi, otshe maletu ma di hungutwe; kotshe manzani ku na sehelelwa, ni masaka siwununi kwawe.

Sidilo 2:10

Sekoko madhota a dihorana da Siyoni ma khalahatshile ha ka mafu, ma txi dwe; me ti theletela lithulu ha misungo ma txi ambala masaka; votuma va Jerusalema va namisile misungo ha mafuni.

Ezekhiyele 7:18

Kambe va na phamba masaka, kudhudhumela ku na va fenengeta; ka totshe tikhohe tawe ku nava ni tingana, misungo yawe yotshe yi na va tigwayi.

Amosi 8:10

Na phindula mibuso yanu yi maha txidilo, kotshe kuembelela kwanu ku na maha kutitsetsa, kuhumelela masaka ka makata anu ni ligwayi ha misungo kwanu, ni maha ti to a siya si txi nga mizila ya mwanana mmweyo wa dizambi, se magwitelo akwe ma na nga ditshiku da kupandiseka.