Isaya 14:6 - Bhiblia Yo Sawuleka

⁶ Ayile va nga ti peka vathu ngu yona ngu txiviti, ngu txiruko txa kwa mbi guma, va txi fumela matiko ngu tshofu, se konkuwa, va tutumiswa, kusina wu a va tsivelako.

Isaya 14:6 Referans Kwoze

Jakobe 2:13

Nguko kulamulwa kha ku na mbi va ni wumbilu, ka wule a ku si nga ni wumbilu; aniko wumbilu wa humelela kulamulani.

Jeremiya 50:31

Wona ti taku ani na kuwukela awe nyakutikulise, kuwomba Mkoma, Txizimu txa Mabutho a Tiyimbi, nguko di hokile ditshiku dako, i ku mbimo yi ni no kuendela ngu yona.

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Jeremiya 25:26

ni vafumeli votshe va Wuphemba, va hafuhi ni va kule, mmweyo ni mmweyo, ni mifumo yotshe ya mafu, yi kuho ha mafuni, ni mfumeli wa Xexaki, a na sela ngu didjingo diya, msana kwakwe.

Jeremiya 25:9

ni na rumela kuya dhana tixaka totshe ta vathu ta Wuphemba, kuwomba Mkoma, ni ka Nebhukodhonosori, txithumi txangu, i ku mfumeli wa Bhabhilona; ni na va leka velwa ni ditiko diya, ni vazumbi va kona, ni matiko otshe o gwatamelana nado; ni na va lovisela magwito, ni na va maha txidiwukiso, ni txiruko, ni marumbi a kala kupinduka.

Isaya 33:1

Dikhombo kwako u handako na u sa handwa, awe u kanganyisako vale, va nga mbi kukanganyisa! Mbimo yi u no heta kuhanda, u na handwa; u txi na heta kukanganyisa, u na kanganyiswa nawe.

Isaya 10:14

Dianza dangu di mani tithomba ta vathu, di txi nga do rola txisaka; se ni sengeletile mafu otshe ku nga no sengeleta manda o lekwa; ku si nga ni wo nawuluta tibhapi, mwendo kutula txisofu, mwendo kungunguruka.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Jobe 9:13

Txizimu kha txi na mbi leka kuhenya ka txona; hahatshi ka txona, va nama votshe vavhuneteli va mabava.

2 Makronika 36:17

Nguko a to va rumela mfumeli wa va Kaldheya, awule a nga daya majaha awe ngu ditxhari, nyumbani kwakwe ko sawuleka, kha pfela wusiwana, majaha, hambi mahorana, ni sikosana, votshe a to va ningela manzani kwakwe.

Isaya 14:5

Se Mkoma a funyile ndonga ya vakubiha, ni ndonga ya wukoma ya vafumeli.

Sidilo 1:21

Va tipfa to na kuma, aniko kha ni nga nayo wa ku ni xanguta. Votshe valala vangu ava va nga ziva kuxaniseka kwangu, va tsaka ngu ti u nga ni mahela; aniko u txi na wuyisa ditshiku dile u ngadi womba, ni vona va na fana ni nani.

Habhakuki 1:17

Ina a nga maha taku e tshakunuta likoka lakwe, asi leki kusimama e dayela vathu kani?

Mavingu 28:15

Kufana ni ngonyamo yo bhonga-bhonga, ni ursu yo pfa nzala, ngu toneto a mahisako tona muonhi wule a khozisako sisiwana.

Jeremiya 48:17

Xanisekani kumweko nayo, anu motshe mi ku madhawani kwakwe, ni nanu motshe mi zivako ditina dakwe.

Habhakuki 2:5

Kambe ngu ditshuri, ngu kutiningetetela ka vhinya, wa leka mlayo; m'thu wo tikulisa, asi ti vekisiko, a anamisako minavelo yakwe kufana ni dithitha, wa kwa mbi khura kufana ni lifo, wa tshanganisa kwakwe otshe matiko, ni kusengeleta kwakwe votshe vathu.