Isaya 14:4 - Bhiblia Yo Sawuleka

⁴ sekoko u na embelela ndando yo tseketsela mfumeli wa Bhabhilona, u txi khawe: A gwitete hayi mxanisi, ni didhoropa da nzalama di gwitisile kutxani!

Isaya 14:4 Referans Kwoze

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Mtuletelo 18:16

va txi kha vona: “Ayiwe, ayiwe, Didhoropa da Hombe! Adi di nga ti ambala linya ya lisima; disilika ni nguwo yo bhilivila, di nga ti ti bombisa ngu nzalama, marigwi a lisima ni tidhayimana!

Mtuletelo 17:6

Se ni to wona ti to wamsikati a ti levile ngu mnoha wa vasawuleki ni mnoha wa tifakazi ta Jesu. Ngako ni txi mu wona ni to tala ngu kuxamala ngutu.

Habhakuki 2:17

Nguko kulwa ko wukela Libhanoni ku na kufenengeta, ni kuloviswa ka sihari sa tshofu ku na kuvangela kuthava, ngu mhaka ya mnoha wa vathu, ni kulwa ngu mhaka ya mafu, didhoropa ni votshe va zumbako ka dona.

Dhaniyeli 2:38

Se ni hani ha kuzumbako kona vanana va vathu, sihari sa txitinga ni sinyana sa nzuma, Txizimu txi si ningete manzani kwako, txi kumaha u fuma txitimwi ka sona sotshe; awe u msungo wa silivhela.

Ezekhiyele 5:15

Se awule wa txisekiso ni wa txibwebwe, va na va vagondisi ni txixamaliso ka matiko ale ma nga kurandela, mbimo yile ni no kulamula ngu kuhenya ni txiviti, ngu sitsayiso sa txiviti.

Sidilo 4:1

Hi nga wona ati nzalama yi nga khurumbelisa tona, yi luzeketwe ngu kudikha ka yona! Marigwi a wukhalo wo sawuleka, ma hangalasilwe kotshe mabhudhulani.

Jeremiya 24:9

Ni na va ningela kasi ku veva txidhukiso, ni dikhombo ka matiko otshe a mafu, va na va txisekiso, ni divingu, ni txipoyilo, ni txiruko, kotshe amu ni no va hangalasela kona.

Isaya 51:23

Aniko ni na di veka manzani ka vale va ku henyisako, va ku kha vona moyani kwako: Nama, kasi ku hi pinda ngu txitimwi kwako; se msana wako u wu mahile ku nga mafu, wu txi nga nzila ya vale va pindako.

Isaya 47:5

Awe mwanana wa muhorana wa Vakaldheya, wulela txidemani, u khalahatsha u txi dwe, nguko khu na mbiswa u dhanwa taku, u mfumeli wa txisikati wa mifumo.

Isaya 14:17

Ngene a nga maha ti to ditiko di maha txiwula, e xasela madhoropa a dona, kani? Awu a nga lamba kuleka tikhumbi takwe ti ti tshulela mitini ka tona kani?

Isaya 14:6

Ayile va nga ti peka vathu ngu yona ngu txiviti, ngu txiruko txa kwa mbi guma, va txi fumela matiko ngu tshofu, se konkuwa, va tutumiswa, kusina wu a va tsivelako.

Isaya 13:19

Se Bhabhilona, ditiko do tshura, kupinda matiko otshe, adi Vakaldheya va ti dhumisako ngu dona, di na fana ni Sodhoma ni Gomora, mbimo yi Txizimu txi nga ma haxula.

2 Makronika 36:18

Se siya sotshe sa Nyumbani ka Mkoma, sa hombe ni sa sidotho, ni thomba ya Nyumbani ka Mkoma, ni thomba ya mfumeli ni ya vathangeli vakwe, sotshe a to teka e tsula naso Bhabhilona.

Isaya 9:4

Nguko awe u funyile dikange dile di nga ti nemela txitimwi kwakwe, ni limhika lile li nga ti va peka makatani kwakwe, ndonga ya mxanisi wawe, kufana ni disthiku da Vamidhiyani.

Isaya 13:1

Mahungu ya ma nga woniswa Isaya mwana Amosi, madingano ni Bhabhilona.

Isaya 14:5

Se Mkoma a funyile ndonga ya vakubiha, ni ndonga ya wukoma ya vafumeli.

Isaya 16:4

Va na luvele kwako awe Mowabhi, vale va nga tovelwa, uva wuthavelo wawe masoni ka mxaseli; nguko m'thu wo xanisa a na va ni magwito; kukhundumuswa ka hangalaswa, se vaxanisi va mwalatwa ha mafuni.

Isaya 51:13

Kambe wa divala Mkoma wu a nga kuvanga, awu a nga nawuluta nzuma ni kumaha makhato a mafu, u zumbela kuthava masiku otshe, ngu mhaka ya tshofu ya mxanisi, a txi ti longisela kuya haxula kani? Ku hani kuhenya ka wule a nga ti kuxanisa kani?

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Jeremiya 48:17

Xanisekani kumweko nayo, anu motshe mi ku madhawani kwakwe, ni nanu motshe mi zivako ditina dakwe.