Isaya 14:3 - Bhiblia Yo Sawuleka

³ Se ku na humelela tito, ngu ditshiku di Mkoma a nota kuninga kuhumula ka mthumo wako, ni ka kuthava kwako, ni ka mthumo wo nemela, wule va nga kuthumisa,

Isaya 14:3 Referans Kwoze

Jeremiya 30:10

U nga thave koko, awe txithumi txangu Jakobe, kuwomba Mkoma, kambe u nga xamale, awe Israyeli; nguko ni na kuhumisa ka matiko a kule, ni vanana vako, ngu ditikoni ka wukhumbi wawe; se Jakobe a na wuya, e ta humula, kambe a na zumbiseka, kha ku na mbi vaho wo m'dhukisela.

Isaya 32:18

Vathu vangu va na zumba ditikoni ka kudikha, ka tinyumba to tsana ngutu, ni ka makhalo o humula ngu kuthutha,

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Mtuletelo 18:20

Tsakani ngu mhaka ya dona didhoropa diya: “Awe nzuma ni nanu vasawuleki, vapostoli ni vaprofeti, nguko Txizimu, ngu ku di lamulisa tiya, txi mi lamulete.”

Ezekhiyele 28:24

Se nyumba ya ka Israyeli, kha yi na mbiswa kambe yi di ni mpa wa ku yi tholetela, hambi mpa wo pfisa kupanda, ka ni wihi wa wule a va pelako madhawani kwawe: Va na tiziva taku ani ngani Mkoma Txizimu.

Jeremiya 50:34

Aniko Mtiruli wawe mbwa mtamo, Mkoma wa Mabutho a Tiyimbi i ditina dakwe; ngu ditshuri a na emela mhaka yawe, ku va a txi na ninga kuhumula ha mafuni, ni kumalata vazumbi va Bhabhilona.

Isaya 12:1

Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Dhewuteronome 28:48

Na nawe u na khozela valala vako, avava Mkoma a no va rumela, kasi ku ta kuwukela u di ni nzala, ni ditora, ni wusakato, ni kupwata sotshe; a na va ruma va txi sanzeka dikange da simbi thamoni kwako, kala u txi loviswa.

Zakariya 8:2

A womba tiya Mkoma wa Mabutho a Tiyimbi: Ni wonelete Siyoni, ngu kuwonelela ka hombe, kambe ngu kuhenya ka hombe, ni kuhiseka.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Jeremiya 17:4

Ngu mnandu wako wutumbu u na mwalelwa ngu thomba yako ayi ni nga kuninga; ni na kumaha u thumela valala vako, ka ditiko di u si di ziviko. Nguko mi dhivete mndilo wa kuhenya kwangu awu wu no tura kala kupinduka.

Jeremiya 30:8

Nguko ka ditshikwedo, kuwomba Mkoma wa Mabutho a Tiyimbi, ni na funya dikange thamoni kwako, ni bhenula majoke ako, kha va na mbiswa ve fumwa ngu vamatiko.