Isaya 14:23 - Bhiblia Yo Sawuleka

²³ Ni na di maha wukhalo wa sikhovha, ni txiziva txa mati a kusina, na di hiyela ngu diphiyelo di di lovisako, kuwomba Mkoma wa Mabutho a Tiyimbi.

Isaya 14:23 Referans Kwoze

Zefaniya 2:14

Se hagari ka dona ku na zumba mitxhambi, sotshe sifuyo sa vathu; disekwa ni nungu si na zumba tiphandeni kwawe; mapswi a kuemba ka sona ma na pfala ngu mu ka mafasitela, kuxasela ku nava mitshunzutini ka dona, nguko tiphande ta mikedhari ti sate hakubasani.

Mtuletelo 14:8

Yimwani ngelozi, ayi ya wumbidi, yi to ya masoni ngu kuwomba, yi txi kha yona: “A wite, a wite, Bhabhilona wa hombe, awu a nga levisa yotshe mifumo ngu vhinya ya txiviti txa wugelegele wakwe.”

1 Vafumeli 14:10

se ni na tisa dikhombo nyumbani ka Jerobhowamu, se ni na va abanisa kukhukhela ka wamwamna kala ka mfana, hagari ka txikarawa ni wo txhatxheka amu Israyeli, se ni na tshotsha hahanze liveleko la nyumba ya Jerobhowamu, nga tile si tshotshiswako tona sinoniso, kala ku va heta votshe.

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

2 Vafumeli 21:13

Ni na gwimba ngoti ya Samariya txitimwi ka Jerusalema, ni txidinganiso txa nyumba ya ka Akabe; ni na kuwula Jerusalema ku nga tile a mahisako tona wule a kuwulako mbiya, e gwita e yi fenengeta.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

Isaya 13:20

Kha ku na mbi ngadi ku txi akwa kambe, hambi kuwusetwa ngu liveleko ni liveleko; hambi Muharabhi kha na mbi gwimba ditenda dakwe kona, hambi vadyisi kha va na mbi dyisa sifuyo sawe kona.

Isaya 21:1

Mahungu a txiwula txa linene. Kufana ni sihuhuri sa Wulambwe, si wisetela sotshe, a nata ngu txiwulani, ka ditiko do thisa.

Jeremiya 50:3

Nguko a wuketwe ngu ditiko dimwedo da Wuphemba, di no maha ti taku ditiko dakwe di maha txiwula, kha ku na mbi maneka wo zumba ka dona: Vathu va tutumile kumweko ni sifuyo sawe, va tsute.

Jeremiya 50:26

Ngonani mi txi ta lwa nayo, anu va magwito ka ditiko, tulani sisangala sakwe, mtshanzuketeleni e maha tinyanda, mi txi mkhundumusela e guma, a nga salelwe ngu txilo.

Jeremiya 51:62

Kambe u na khawe: Mkoma! Awe u wombawombile ngu wukhalo wuwa, ti taku u na wu fuvisa, ku na za ku si sali ni wammweyo wo zumba, hambi m'thu mwendo txihari, aniko ku na maha marumbi o gwita.