Isaya 14:2 - Bhiblia Yo Sawuleka

² Se vathu va na va amukela ve va yisa makhaloni kwawe, sekoko nyumba ya va ka Israyeli, yi na va fumela, amu ditikoni ka Mkoma, veva tikhumbi ta txiwamna ni ta txisikati. Va na maha tikhumbi ta vale va nga ti va mahile tikhumbi, ni kufumela vale i nga ti vaxanisa vawe.

Isaya 14:2 Referans Kwoze

Isaya 61:5

Kambe ku nava ni valuveli va va no dyisa mitxhambi yanu, se vathu va matiko mamwani, va na maha vadimi vanu, ni vaxayisi va mivhinya yanu.

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Jeremiya 30:16

Votshe ava va ku kakatxulako va na kakatxulwa ni vona, ni votshe valala vako va na yiswa wukhumbini, ava va ku handako va na handwa ni vona, ni vale va ku honyolako va na honyolwa ni vona.

Dhaniyeli 7:18

Kambe va sawuleki va Nyatxitimwi va na amukela mfumo, kambe va na lumbwa ngu mfumo ngu ha ku si gwitiko, ni kala kupinduka ni kala kupinduka.

Isaya 49:23

Se vafumeli va na va vaxayise va vona, ni vasikati va kona va na va vamamisi vawe; va na namisa tikhohe hahatshi masoni kwako, ve dazela lithulu la mikondo yako, se u na tiziva ti to ani ngani Mkoma, ni ti to avale va ni thembako kha va na mbi wiswa tingana.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Varoma 15:27

Va mahile ngu kuranda, ina, aniko i ti ku va tshungula, nguko vamatiko, ngako va di vhunwi ngu vona moyani, ni vona va fanete ku va tshungula ngu tithomba tawe ta ha mafuni.

Isaya 18:7

Ka yona yile mbimo, va na tisa txiningo ka Mkoma wa Mabutho a Tiyimbi, vathu vo lapha ni kutshura, i ku vathu vo thisa, kukhukhela ve tumbunuka; ditiko da vathu va mtamo ni tingana, ditiko da kona do abaniswa ngu minambo; ka wukhalo wa ditina da Mkoma wa Mabutho a Tiyimbi, mmangoni ka Sinayi.

Masalmo 68:18

Awe u kwete txitimwi u tsulisile khumbi wukhumbini, u amukete nduwo ka vathu; hambi ni vaeyisi va khozile kwako, Mkoma!

Vaefesu 4:8

nguko Mibhalo yi womba tiya: “Ditshiku di a nga txhatukela txitimwi, a tekile va va nga ti sungilwe e tsula navo, se e avela sihiwa ka vathu.”

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

2 Vakorinto 10:5

ni wotshe mtamo wa kutikulisa wu wu lwako ni kuziva ka Txizimu. Ha khozisa mialakanyo yotshe yi txi maha ya kuengisa Kristu.

Ezra 2:65

se sithumi sakwe sa vavamna ni sa vavasikati i ti ti 7.337; kambe ku ti ti ni 200 wa vaembeleli, vavamna ni vavasikati.

Luka 12:45

Aniko, ngako txithumi txile txi txi pimisa mbiluni ka txona, txi txi kha txona: ‘Nyamne wangu wa swela kubwaka’, txi khata kupeketela sithumi sa mazambi ni sa mahorana, txi dya, txi sela, se txi leva,

Isaya 31:8

Se Asiriya a na wiswa ngu ditxhari, na i si nga ngu m'thu; ditxhari di di si lumbiko m'thu di na mlovisa, kambe a na tutuma masoni ka ditxhari, ni mazambi akwe ma na xulwa.

Isaya 45:14

Mkoma a wombisa tiya: Mthumo wa Egipta, ni dibhindu da Vaetiyopiya, ni Vasabhi, vathu va txiemo txo lapha, si na pinda sita kwako, si na kulumba; va na kulondeta, va nata va di sungilwe ngu titxhini, kambe va nata khizama masoni kwako; va na maha mikombelo yawe kwako, va txi kha vona: Kha ditshuri Txizimu txi kwako, kha ku na tximwani txizimu kambe.

Isaya 49:22

Mkoma a womba tiya: Wonani taku, ni na guleta dianza ka matiko, ni na gwimbela m'jeke wangu vathu; sekoko va na tisa vanana vako mawokoni, ni vanana vako vamahorana va na va pakata hamakata.

Isaya 49:25

Aniko Mkoma a womba tiya: Ngu ditshuri, tikhumbi ti nga thaviswa ka ndena, se sile si nga handwa ngu wa mtamo si na huluka; nguko ani ni nalwa ni vale valwako ni nawe, Kambe ani ni na hulukisa vanana vako.

Isaya 54:3

Nguko u na nava u txiya ka dianza da txinene, se liveleko lako li na lumbwa ngu matiko, li txi wusa madhoropa ale ma nga sala i di marumbi.

Jeremiya 49:2

Ngu toneto, mata masiku, kuwomba Mkoma, aha ni no pfalisa diguwa da yimbi ya Rama yo wukela vanana va Amoni, a na maha mmumbu wa marumbi ni makhalo ya a ma fumelako ma na hiswa ngu mndilo; Israyeli a na lumbwa ngu vale a nga txi va lumba, kuwomba Mkoma.

Ezekhiyele 39:10

Kambe kha va na mbi tisa tikhuni ngu txitingani, hambi kuganga txipoponi, aniko va na turisa mndilo ngu matxhari; va na pa ka vale va nga va pela, ni kuhanda ka vale va nga va handa. Kuwomba Mkoma Txizimu.

Joyeli 3:8

Kambe ni na xavisa vanana vanu va mazambi ni vamahorana ngu manza a vanana va ka Judha, va no ya va xavisela ka va Sebha, ditiko da kwa mbi alakaywa, nguko Mkoma a wombile.

Obhadhiya 1:17

Kambe mmangoni ka Siyoni ku nava ni vahuluki, se mmango wu na va wo sawuleka; va nyumba ya ka Jakobe va na teka tithomba tawe.

Zakariya 2:9

Nguko wonani taku, ni na guleta dianza dangu txitimwi kwawe, se vona va nata maha sikarawa, sa va va nga va thumela. Ngu kumaha keto, mi na tiziva tito, Mkoma wa Mabutho a Tiyimbi a ni rumile.

Levhi 25:44

Khumbi ya wamwamna mwendo ya wamsikati, ayile mi yi lavako kasi kuzumba nayo m'tini kwanu, mi fanete kuya yi xava ka matiko a vaakelani vanu.

Isaya 60:4

Gula maso ako, u ma rendelekisa ka madhawa otshe, u wona; votshe vava se va sengeletani va ta kwako; vanana vako va majaha va nata ngu kule; ni vanana vako vamahorana va na wunjeka didhawa kwako.

Isaya 66:12

Nguko Mkoma a womba tiya: Wonani ti to ni na ateta kudikha kufana ni mnambo, ni wudhumo wa matiko kufana ni txinambwana, txi txi thekelelako; sekoko mi na mama, va na mi gulwa, va txi mi khutarela.

Zakariya 2:13

Yothse nyama yi na malale masoni ka Mkoma, nguko ene a wukile ka wukhalo wakwe wo sawuleka.