Isaya 14:18 - Bhiblia Yo Sawuleka

¹⁸ Votshe vafumeli va matiko, vona votshe, va tshotshilwe ngu txithavo, mmweyo ni mmweyo m'tini kwakwe.

Isaya 14:18 Referans Kwoze

Isaya 22:16

U ni txani hawa kani? Mwendo i mani u ku nayo hawa, aku u kelako dithitha, u kela ka wukhalo wo guleka dithitha dako, u ti mahela dizumbo upune amu ka dirigwi!

Jobe 30:23

Nguko ani na tiziva taku u na ni yisa kufani, ni nyumbani mu kuverelako votshe vo hanya.

2 Makronika 24:25

Se va to khukha va mu siya atxi lwala ngutu, tikhumbi takwe ti to sunga txikungo txo m'daya, ngu mhaka yaku a nga daya mwanana wa mphaxeli Joyadha, se va m'daya ha m'bhedhuni kwakwe. A to tshotshwa didhoropani ka Dhavhidha kambe va ka mtshotsha ka mathitha a vafumeli.

2 Makronika 24:16

Se va to mtshotsha Didhoropani ka Dhavhidha, kumweko ni vafumeli vamwani, nguko a ti ti mahile to lulama masoni ka va ka Israyeli, ni ka Txizimu, ni ka nyumba ya txona.

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

Ekleziyaste 6:3

Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

Isaya 14:17

Ngene a nga maha ti to ditiko di maha txiwula, e xasela madhoropa a dona, kani? Awu a nga lamba kuleka tikhumbi takwe ti ti tshulela mitini ka tona kani?

Isaya 14:19

Aniko awe u tshotshilwe kule ni mathitha ako, u fana ni didhavi di di si vhuniko txilo, kufana ni txyambalo txa va va nga dawa ngu ditxhari, nga vale va relelako ka diphala do tala ngu marigwi, kufana ni txirumbi txi kandetelwako.

2 Vafumeli 9:35

Se va to tsula diyivani; aniko kha va mmana, hahanze ka txikwakwa, ni mikondo ni syanza.

Jobe 3:14

Ni vafumeli ni madhota a ditiko, va nga txi ti akela tinyumba ka makhalo a sisapa,