Isaya 13:9 - Bhiblia Yo Sawuleka

⁹ Wonani, ditshiku da Mkoma data, do dhukisa, da tshofu, ni kuhenya ko tura, kasi kuhaxula ditiko, ni kulovisa vaonhi va dona.

Isaya 13:9 Referans Kwoze

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

Nahume 1:2

Mkoma i Txizimu txa txiluse ni kuphota; Mkoma wa ti photela ni kutala ngu kuhenya; Mkoma wa ti photela ka vale va m'wukelako, txiviti txakwe a txi vekela valala vakwe.

Masalmo 104:35

Sigohi si na loviswe ha mafuni! Vabihi va na mwalale. Ni lava kudhumisa Mkoma ngu wotshe moya wangu! Dhumisani Mkoma.

Mavingu 2:22

Aniko vaonhi va na dulwa ha mafuni, ni vakanganyisi va na lumbwa ngu kufuviswa.

Mtuletelo 18:8

“Ngu konaho, makhombo ma nata ngu ditshiku dimwedo; lifo, txidilo, ni nzala; se a na hiswa ngu mndilo, nguko Mkoma Txizimu txi nga mu lamula, txi na ni mtamo.”

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.

Ezekhiyele 13:5

Kha ma kwelela kuya tsiva matshoko, kambe kha ma lema tifa ta nyumba ya ka Israyeli, kasi ku mi txi ya maneka kulwani ngu ditshiku da Mkoma.

Joyeli 1:15

Yowe! Ditshiku dile! Nguko ditshiku da Mkoma di hafuhi, di nata kufana ni kufuvisa ka wu wa Mtamo-wotshe.

Joyeli 2:31

Ditambo di na hinduka di maha txidema, se mtxima wu na maha mnoha, na di si se ta ditshiku da hombe da Mkoma.

Nahume 1:8

Se ngu ndambi yo khulunga, a na lovisa wukhalo wawe do gwita, se txidema txi na tutumisa valala vakwe.

Zakariya 14:1

Wona taku data ditshiku da Mkoma, ka dona, valala va no abanela asi si nga handwa Jerusalema.

Isaya 2:12

Nguko ditshiku da Mkoma wa Mabutho a Tiyimbi, di na va do veka hahatshi votshe va va tikulisako ni ku ti dhumisa.

Isaya 34:8

Nguko ditshiku da kuphota ka Mkoma, dilembe da kutshumetela ka kulwa ka Siyoni.

Isaya 63:4

Nguko ditshiku da kuphota di mbiluni kwangu, ni dilembe da vo tirulwa vangu di hokile.

Isaya 66:17

Avale va ti sawulekisako ni ku tibasisa amu tithembweni vamwani ni vamwani, avale vadyako nyama ya khumba, ni kutinyenyezisa, ni dikonzo, va na loviswa kumweko, kuwomba Mkoma;

Ezekhiyele 30:3

Nguko di hafuhi ditshiku da Mkoma, ditshiku da marefu; i nava ditshiku da vamatiko.

Joyeli 2:1

Vetani mpundu aniya Siyoni mi dila ngu dipswi do guleka mmangoni kwangu ko sawuleka; va na dhudhumele votshe vaaki va ha mafuni, nguko ditshiku da Mkoma data, di hafuhi;

Zefaniya 1:15

Ditshiku dileya, ditshiku da txiviti, ditshiku da kupandiseka ni kuvilela, ditshiku da kukhundumusela ni kufuvisa, ditshiku da kuphuma ni txidema, ditshiku da marefu ni txidema txa hombe,