Isaya 13:5 - Bhiblia Yo Sawuleka

⁵ Se va ta ngu ditikoni da kule, magwito ka nzuma, i Mkoma ni matxhari a kuhenya kwakwe a tako kuta xasela ditiko dotshe.

Isaya 13:5 Referans Kwoze

Matewu 24:31

Ene a na rumela tingelozi takwe ngu kuvetwa ka mpundu wa hombe, kasi kuramba vasawuleki vakwe ngu ka otshe maphambo a mune, kukhukhela magemeta-mitshi ka nzuma kala kumwani magemeta-mitshi ka yona nzuma.”

Jeremiya 51:11

Guvani tingove tanu, longiselani ngu ditshuri sitxhangu sanu; Mkoma a wusile moya wa vamidhiyani; nguko a lwela kuhasamula Bhabhilona; ina, nguko akuwa ngu kona kupharela ka Mkoma, ngu pharela ka mbimo ya kona.

Jeremiya 50:9

Wonani ti taku ni na wusa msengeletano hagari ka matiko a hombe a Wuphemba, kasi va na peka Bhabhilona, va na ti longisela dona; kukhukhela konaho, tingove tawe ti na fana ni ta ndena ya mtamo, kha ti na mbi hosa.

Jeremiya 50:3

Nguko a wuketwe ngu ditiko dimwedo da Wuphemba, di no maha ti taku ditiko dakwe di maha txiwula, kha ku na mbi maneka wo zumba ka dona: Vathu va tutumile kumweko ni sifuyo sawe, va tsute.

Isaya 24:1

Wonani taku Mkoma wa maha ti to mafu meva txiwula, kambe wa ma kona, wa hindula zumbelo ya ona, e hangalasa vaaki va ona.

Isaya 13:17

Wonani, ani ni na va wusela Vamedhi, ava va si khataliko ngu silivhela, hambi kuva ni mhaka ngu nzalama.

Isaya 5:26

A na guleta m'jeke wo dhana matiko a kule, a na va vetela mloti, ti to ve khukha magwito ka mafu, se vona va nata ngu kukuluveta.

2 Samuwele 1:27

Eto ti nga wisa tona tindena! Kulova ni matxhari a yimbi!

Isaya 7:18

Nguko ku na maheka taku, ka ditshiku dileya, Mkoma a na vetela mloti tiphuka ti tiku magwito ka mnambo wa Egipta, ni tinombe ti ti tsimbilako ditikoni da Asiriya.

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Isaya 26:20

Tsulani, koko, anu vathu vangu, wulelani tinyumbani kwanu mi ti sekela matimba, baramani ngu mbimoanyana, kala kuza kuboxa kuhenya.

Isaya 30:27

Wonani taku, ditina da Mkoma dita ngu kule, di txi tura ngu txiviti txakwe, di hangalasa wutshi wo phuma; txisofu txakwe txi tate ngu kuhenya, ni lidimi lakwe li fana ni mndilo wo tshokomisa;

Isaya 34:2

Nguko kuhenya ka Mkoma ku txitimwi ka otshe matiko, ni txiviti txi txitimwi ka otshe mabutho a ona; ene a ma khundumusile do gwita, kambe asi ningete kudawani.

Isaya 48:14

Sengeletanani anu motshenu, mi engisa: I mani hagari kwawe a khalako kuzivisa timhaka tiya, kani? Mkoma a mrandile, a na maha kuranda kwakwe txitimwi ka Bhabhilona, ni diwoko dakwe di na wukela Vakaldheya.

Isaya 66:14

Eto mi na ti wona, kambe timbilu tanu ti na tsaka, ni marambu anu ma na mana mtamo, kufana ni mwasi wa wuphya; sekoko dianza da Mkoma di na woneka ka sithumi sakwe, se ene a na henyela valala vakwe.

Jeremiya 8:19

Hi nga pfa dipswi da txidilo da mwanana wa txisikati wa vathu vangu, adi di humako ditikoni ka kule, di txi kha dona: Kasi Mkoma khangaho Siyoni kani? Ina Mkoma wakwe kha nga kwakwe kani? Ngu kutxani va nga vhinjukisa kuhenya kwangu ngu sifananiso sawe, ni sizimu sa vamatiko kani?

Jeremiya 50:25

Mkoma a tute sizenda sakwe, a thavisile siya so kombisa kuhenya kwakwe; nguko Mkoma, Mkoma wa Mabutho a Tiyimbi a ni mthumo a lavako ku wu maha ditikoni ka Vakaldheya.

Ezekhiyele 22:31

Ngu kumaha keto, ni tshakunutile kuhenya kwangu; ni va tshokomisile ngu mndilo wa kuhenya kwangu; ni maha ti to nzila yawe yi txi wa txitimwi ka misungo yawe, kuwomba Mkoma Txizimu.