Isaya 13:22 - Bhiblia Yo Sawuleka

²² Se vanyadhukwe va na emba ka tinyumba tawe ta wukoma ta maphanga, ni maxolwa ka tinyumba tawe ta wukoma ta litsako; se mbimo ya dona yi hafuhi ni masiku a kona kha ma na mbi engetelwa.

Isaya 13:22 Referans Kwoze

Jeremiya 51:33

Nguko a khene kha Mkoma wa Mabutho a Tiyimbi, Txizimu txa Israyeli: Mwanana wa dihorana wa Bhabhilona a fana ni wukhalo wo hula ka wona ngu mbimo yo funyela: Ngu mbimo yayidotho ku na hoka kuelula.

Isaya 35:7

Se mafu a kuoma ma na hinduka me maha sisima, ni mafu a ditora ma nava sisima sa mati; se mazumboni ka maxolwa ku na mila mwasi, ni titshava, ni tiwungu.

Isaya 25:2

Nguko didhoropa u di mahile mmumbu wa marigwi, didhoropa do tsana u di mahile dirumbi, se dizumbo da vamatiko, di nga mahe kambe didhoropa, di nge ngadi di aketwa kambe.

2 Pedro 2:3

Se ngu mhaka ya timbiti tawe, va na lava mabhindu ngu nganu, ngu kuthumisa mawombawombelo a kukanganyisa. Aniko, kulamulwa kwawe i kale ku di lulamisilwe, ni kulova kwawe kha ku na mbi swela.

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.

Isaya 34:13

Se tinyumbani kwawe ka wukoma ku na mila mipa, maxexo ni sihaha ka mikhokhola yawe; ku na maha dizumbo da vamwamilambo, ni m'hubhe wa sisondo sa timbuwu.

Dhewuteronome 32:35

Kulumba ani kuphota ni kutshumetela, txa tshuketela txikhati txi mikondo yawe yi no rithimuka, ditshiku da kulova kwawe di hafuhi, ati ti nga longiselwa vona ta tshuketela hafuhi ngu txikuluveta.

Masalmo 44:19

Hambiko u nga hi funyeletela ka wukhalo wa dragoni, u hi fengeta ngu mtsudi wa lifo.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Isaya 43:20

Sihari sa txitinga si na ni thumela, maxolwa ni vanana va mbuwu, nguko ni na thela mati txiwulani, ni minambo ligwangwani, kasi ku vathu vangu ve mana kusela, ka msawuleki wangu.

Jeremiya 9:11

Ni na maha ngu Jerusalema mimumbu ya marigwi, dizumbo da maxolwa; madhoropa a ka Judha ni na ma maha marumbi, ku si vi ni m'thu.

Jeremiya 48:16

Ku hafuhi ni kuta kumwalalelwa ka Mowabhi; ka kuluveta kubiha kwakwe.

Sidilo 4:3

Tihongonyi ti xayisa vanana va tona ti txi va mamisa; aniko mwanana wa dihorana wa vathu vangu a ni tshofu kufana ni timbuwu ta txiwulani.

Mika 1:8

Ngu kumaha keto, ni na dila, ni xomuleka, se ni handwa ni tsimbila ni sa ambala txilo; ni na dilisa ku nga vamwamilambo, ni xomuleka nga timbuwu.

Isaya 14:23

Ni na di maha wukhalo wa sikhovha, ni txiziva txa mati a kusina, na di hiyela ngu diphiyelo di di lovisako, kuwomba Mkoma wa Mabutho a Tiyimbi.

Isaya 34:14

Se sitoli si na manana ni magoya; vamabhongwe va na dhanana kona; ni sihari sa wusiku si na zumba koneho, kambe si na mana wukhalo waku si humula ka wona.

Zefaniya 2:14

Se hagari ka dona ku na zumba mitxhambi, sotshe sifuyo sa vathu; disekwa ni nungu si na zumba tiphandeni kwawe; mapswi a kuemba ka sona ma na pfala ngu mu ka mafasitela, kuxasela ku nava mitshunzutini ka dona, nguko tiphande ta mikedhari ti sate hakubasani.