Isaya 13:21 - Bhiblia Yo Sawuleka

²¹ Kambe sihari sa txiwulani si na zumba kona, tinyumba tawe ti na tala ngu sisukulu, ni timbuwu ti na zumba kona, ni tiphongo ti na ndaka-ndaka kona.

Isaya 13:21 Referans Kwoze

Mtuletelo 18:2

Konako yona yi to kwangula ngu dipswi da mtamo, yi txi kha yona: “A wite, a wite Bhabhilona wa hombe, a hindukile e maha wuzumbelo wa madhimoni, wuthavelo wa totshe tixaka ta mimoya ya nzambwa, wuthavelo wa totshe tixaka ta sinyana sa nzambwa ni so nyenyeza.

Isaya 23:13

Wona ditiko da Vakaldheya, vathu va va nga sanzi kuva i di vathu; Asiriya a di akete vale va nga ti ti zumba txiwulani; va to aka mikhokhola yawe, ni tinyumba tawe ta wukoma, aniko di khundumusilwe dotshe.

Isaya 32:14

Nguko nyumba ya wukoma yi na sala yokha, diguwa da didhoropa di na guma; mimango ni sitezi sa vawoneleti si na maha tiphako ka yotshe mbimo, emo timangwa ti no tutuma-tutuma kona, ku txi maha lihawu la sifuyo.

Jeremiya 50:39

Ngu kota yeto, ku na zumba sibanda sa txiwulani, ni sihari sa tshofu sa sitondoloni: Ti na zumba konemo ni tona timbuwu; kha ku na mbi akwa kambe, hambi kumaneka vo zumba, ka lihunzu ni lihunzu.

Mika 1:8

Ngu kumaha keto, ni na dila, ni xomuleka, se ni handwa ni tsimbila ni sa ambala txilo; ni na dilisa ku nga vamwamilambo, ni xomuleka nga timbuwu.

Zefaniya 2:14

Se hagari ka dona ku na zumba mitxhambi, sotshe sifuyo sa vathu; disekwa ni nungu si na zumba tiphandeni kwawe; mapswi a kuemba ka sona ma na pfala ngu mu ka mafasitela, kuxasela ku nava mitshunzutini ka dona, nguko tiphande ta mikedhari ti sate hakubasani.

Levhi 11:16

mbuwu, dikolekole, tshamani, ni totshe tixaka ta minguvi,

Isaya 14:23

Ni na di maha wukhalo wa sikhovha, ni txiziva txa mati a kusina, na di hiyela ngu diphiyelo di di lovisako, kuwomba Mkoma wa Mabutho a Tiyimbi.

Isaya 25:2

Nguko didhoropa u di mahile mmumbu wa marigwi, didhoropa do tsana u di mahile dirumbi, se dizumbo da vamatiko, di nga mahe kambe didhoropa, di nge ngadi di aketwa kambe.