Isaya 13:18 - Bhiblia Yo Sawuleka

¹⁸ Va na fula mazambi ngu malaho awe, hambi vanana va va ku mndani, kha va na mbi pfelwa wusiwana, maso awe kha ma na mbi felela vanana.

Isaya 13:18 Referans Kwoze

2 Vafumeli 8:12

Se Hazayeli a to wotisa ku khene: Awe nyamne wangu wo dilela txani kani? Se Elixa a to xamula ku khene: Ngu ti to na ziva dikhombo di u no di maha txitimwi ka vanana va ka Israyeli. U na hisa mikhokhola yawe ngu mndilo, u na daya majaha awe ni mahorana ngu ditxhari, ni vafana vawe u na va tshatulela, u bhandelela sirumbu ka vavasikati.

2 Makronika 36:17

Nguko a to va rumela mfumeli wa va Kaldheya, awule a nga daya majaha awe ngu ditxhari, nyumbani kwakwe ko sawuleka, kha pfela wusiwana, majaha, hambi mahorana, ni sikosana, votshe a to va ningela manzani kwakwe.

Hoseya 13:16

Samariya a na maha txiwula, nguko a wukete Txizimu txakwe; Va na dawa ngu ditxhari, vanana vawe va na phatulelwa, se vasikati vawe va sirumbu va na bhandiswa ngu hagari.

Ezekhiyele 9:10

Kwangu koko, ngu dangu didhawa, diso dangu kha di na mbi tsetsa, kambe kha ni na mbi maha wumbilu; mithumo yawe yo biha yi na wa txitimwi ka misungo yawe.

Isaya 13:16

Vanana vawe va na phwaraselwa va txi si wona; tinyumba tawe ti na honyolelwa, ni vasikati vawe va na pfinyetelwa.

Nahume 3:10

Hambi keto, dona di tekilwe di tsula wukhumbini; vanana va dona va phatuletwe amu ka totshe tinzila ta hombe, se txitimwi ka vathaviseki vawe va to xaxuva tixolo, ni votshe vahombe vawe va sungilwe ngu titxhini.

Nahume 2:1

M'hoxoti se aho masoni kwako, awe xayisa dikhokhola, wonisisa nzila, sunga txiwunu, tsanisa ngutu mtamo wako.

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

Isaya 5:28

Tingove tawe ti na hinda ngutu, ni malaho awe otshe ma dombilwe; sitsendo sa mahantxhi awe si fana ni marigwi, madangarita a sikotxikani sawe ma fana ni txihuhuri.

Isaya 47:9

Aniko ka totshe timhaka tiya ta timbidi, ti nata txitimwi kwako ngu mbimo yimweyo, ka ditshiku dimwedo: Kufelwa ngu vanana, ni kumaha noni; ngu mtamo wotshe ti nata txitimwi kwako, ngu mhaka ya wuloyi wako wo tala, ngu sixamaliso sako so tala ngutu.

Jeremiya 5:16

Msava wawe wo nga diyiva di nga tuleka, votshe ndindena.

Jeremiya 6:23

Va ñola malaho ni matxhari; va ni timbiti, kha va na wumbilu; diguwa dawe ngu nga txiwuta txa linene, va gadhile mahantxhi na va di xomile kulwa ni nawe, awe m'horana wa Siyoni.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Jeremiya 50:30

Ngu toneto, mazambi akwe ma na wa tinzilani kwakwe; ni votshe vavamna va yimbi va na tutumiswa ka dona ditshiku dile, kuwomba Mkoma.

Jeremiya 50:42

Va na teka wulaho ni mkuni; vona mba txixinya, kha va pfeli wusiwana, dipswi dawe di na dhinda nga linene, va na gadha mahantxhi ku nga wamwamna wu a zivako ti taku aya kulwani, kuya kuwukela, awe mwanana wa Bhabhilona.

Jeremiya 51:22

kambe kumweko ni nawe ni na phatulela wamwamna ni wamsikati; kambe kumweko ni nawe ni na phatulela wo kumba ni wamphya; kambe kumweko ni nawe ni na phatulela dijaha ni dihorana;

Dhaniyeli 7:5

Ni to simama ni wonetela, ni wona txihari txa wumbidi txo fana ni txingwingwi, txi di emile ngu didhawa dimwedo, txi di lumile timbavhu tiraru; se txi to gelwa tiya: Khukha u kakatxulela nyama yayingi.