14 Mmwani ni mmwani a na fana ni mhoti yi yi tutumiswako, va txi nga tivunta to pwata m'dyisi; mmwani ni mmwani a na tshumelela ka va ka kwawe, votshe va na tutumela ditikoni kwawe.
Sekoko Mikaya a to xamula a txi khene: Ni woni votshe va ka Israyeli va ti hangalakile mimangoni, nga tinvuta to pwata m'dyisi; se Mkoma a to khene: Avava kha va nga ni nyamne; mmweyo ni mmweyo a na tshumele ngu kuthutha e tsula nyumbani kwakwe.
Thavisani kona Bhabhilona ava va phayako, ni vale va ñolako disikela ngu mbimo yo funyela: Ngu mhaka ya ditxhari do hinda, mmweyo ni mmweyo a na wukela va ka kwawe, kambe mmweyo ni mmweyo a na tshumelela ditikoni kwawe.
Msana ka kuswa ka ditambo, ku to pinda m'thu wokari, a txi huwelela ka mabutho ale, a txi khene: Mmweyo ni mmweyo a na tsule m'tini kwakwe, ni ditikoni kwakwe!
Hi duketile ku mu hanyisa Bhabhilona, aniko kha kalamuka. Mlekeni, mmweyo ni mmweyo a na tsule ditikoni kwakwe: Nguko kulamulwa kwakwe kuhokile nzumani, ka marefu a txitimwi ngutu.
Va na mahisa toneto kwako vale u nga thuma navo, vabhindulisi vako, kukhukhela wuphyani kwako; mmwani ni mmwani a na teka nzila yakwe; ni wammweyo kha na mbi kuhulukisa.
Nga toneto, matiko ma na dhuma, nga ti ma dhumisako tona mati amangi, aniko a na ma malata, se ma na tutuma me tsula kule; kambe ma na hangalaswa nga mwasi wa mmangoni, masoni ka moya, ni ku nga dibwinzi, masoni ka txihuhuri.
Ngako a di humile ngu ngalavani, Jesu a to wona dibutho da vathu vavangi, a txi va pfela wusiwana, nguko va ti fana ni tinvuta to mbi na m'dyisi. Se e khata ku va gondisa timhaka to tala.
Aniko ngako ku di pindile mtxhanu wa magumi ni magumi mambidi a malembe, ni na tsayisa mfumeli wa Bhabhilona ni ditiko da kona, ngu mhaka ya kuwekela kwawe, kuwomba Mkoma; ni ditiko da Vakaldheya ni na di maha diva txiwula, kala kupinduka.