Isaya 12:5 - Bhiblia Yo Sawuleka

⁵ Embelelani ka Mkoma, nguko a mahile simaha sa hombe ngutu; ti na zivaneke tiya, kotshe ha mafuni.

Isaya 12:5 Referans Kwoze

Masalmo 98:1

Embelelani ka Mkoma ndando ya yiphya, nguko ene a mahile sidiwukiso! Diwoko dakwe da txinene di mningile kuxula, kuxula ku nga mahwa ngu diwoko dakwe do sawuleka.

Eksodha 15:1

Sekoko ka yona yile mbimo, Mosi ni vanana va ka Israyeli va to embelela ndando yiya ve dhumisa Mkoma, va txi kha vona: Ni na embelela ni dhumisa Mkoma, nguko a gulekile ngutu; A tshotshile lineneni dihantxhi ni m'gadhi wa dona.

Habhakuki 2:14

Nguko mafu ma na tala ngu kuziva kudhumisa Mkoma, ku nga tile mati ma fenengetisako tona linene.

Isaya 40:9

Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Eksodha 15:21

Miriyamu a ti ti va embelelisa, a txi khene: “Embelelani mi dhumisa Mkoma, nguko a ti ambekile wudhumo; kambe a tshotshile lineneni dihantxhi ni m'gadhi wa dona.”

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Masalmo 105:2

Embelelani tindando ta kum'dhumisa; womba-wombani ngu mithumo yakwe ya kuxamalisa!

Masalmo 72:19

Di na dhumiswe yotshe mbimo ditina da txona da wudhumo ni dotshe ditiko di na tale ngu wudhumo wa txona! Amen! Amen!

Isaya 24:14

Avava va na guleta mapswi awe, ve embelela ngu kutsaka; ngu mhaka ya wudhumo wa Mkoma, va na huwelela kukhukhela lineneni.

Isaya 42:10

Embelelani ka Mkoma dando ya yiphya, ni ku m'dhumisa kukhukhela magwito ka mafu, anu mi sambelako lineneni, ni sotshe si si ku ka lona; anu sitondolo, ni vaaki va sona.

Isaya 42:11

Guletani mapswi awe txiwula ni nanu madhoropa, ni mikhokhola yi Kedhari a zumbako ka yona; va na gulete avale va zumbako marigwini, va na kwangule ngu txitimwi ka mimango.

Isaya 44:23

Embelelani ngu kutsaka anu tinzuma, nguko Mkoma a mahile eto; guletani anu makhalo a hahatshi ngutu ka mafu; anu mimango embelelani ngu kutsaka; se nanu sitinga ni mindonga yotshe yi yiku kwanu; nguko Mkoma a tirute Jakobe, kambe a dhumisilwe kona Israyeli.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.