Isaya 12:2 - Bhiblia Yo Sawuleka

² Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 12:2 Referans Kwoze

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Masalmo 27:1

Mkoma ngene kuwoninga kwangu ni kuhanyisa kwangu. Ni nga thava mani kani? Mkoma i mkhokhola wa kuhanya kwangu. Ni nga dhukiselwa ngu mani kani?

Masalmo 118:14

Ani na bonga Mkoma a ni ningako mtamo; ene i Muhanyisi wangu!

Mtuletelo 7:10

Se va to kwangula ngu dipswi da hombe, va txi: “Kuhanyisa kulumba Txizimu txathu, txi nga khalahatsha ha txikhaloni ka wukoma ni ka Txinvutana.”

Jona 2:9

Aniko ani ni na kuninga miphaxo ngu dipswi do bonga, a ti ni nga xambanya ni na ti maha; kuhanyiswa kuta ngu ka Mkoma!

Isaya 45:17

Aniko Israyeli wa hanyiswa ngu Mkoma, ngu kuhanyisa ka kwa mbi guma; ngu mhaka yeto kha mi na mbi wiswa tingana, hambi kukanganyiswa kala kupinduka.

Jeremiya 23:6

Judha a na hanyiswa ka masikuyo akwe, ni Israyeli a na zumba ngu kuthutha. Ndide ditina dakwe di a no dhanwa ngu dona: “Mkoma ngene kululama kwangu.”

Jeremiya 3:23

Kha ditshuri hi thembile walo kuhanyiswa ku kutako ngu mimwayani, ni ngolovanya ya mimwayani kha yi vhuni txilo. Kha ditshuri kuhanyiswa ka Israyeli kuta ngu ka Mkoma, Txizimu txathu.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

1 Timoti 3:16

Na tsanisa ti to msisalo wa wukhongeli wathu mbwa hombe: “A wonekisilwe nga m'thu, a wombilwe wo lulama moyani, a wonwi ngu tingelozi, a nuwetwe hagari ka matiko, a tumetwe ha mafuni, a kwetisilwe txitimwi kudhumiswani.”

Varoma 1:16

Ani kha ni nga ni tingana ngu Evhangeli, nguko i mtamo wa Txizimu, awu wu hanyisako wuhi ni wuhi a kholwako, kukhata Mujudha, ngu msana nene Mugriki.

Hoseya 1:7

Kambe na pfela wumbilu va nyumba ya ka Judha, aniko ni na va hulukisa ani Mkoma, Txizimu txawe; nguko kha ni na mbi va hulukisa ngu wulaho, hambi ngu ditxhari, mwendo ngu yimbi, ni mahantxhi kumbe ngu vagadhi va mahantxhi.

Isaya 62:11

Wonani taku Mkoma a zivisile kala magwito ka mafu, a txi khene: Gelani mwanana wa muhorana wa Siyoni, mi txi khanu: Wona taku kuhanyiswa kwako kata; wona taku kuta ni hakhelo yako, ni mithumo yakwe yi thangete masoni kwakwe.

Isaya 32:2

Se wamwamna wule a na fana ni txivhikelo txo vhikela moya, a na nga wuthavelo ka txihuhuri, ni ku nga lidhonga la mati ka makhalo a kuoma, ni mtsudi wa dirigwi da hombe ka ditiko da txihala.

Isaya 7:14

Ngu toneto, Mkoma apune, a na mi ninga txikombiso: Wonani taku, wotuma a na mana txirumbu e veleka mwanana wa m'zambi, se ditina dakwe i Emanuweli.

1 Samuwele 2:1

Sekoko Ana a to kombela, a txi khene: Mbilu yangu yi tsakela Mkoma, ni mtamo wangu u guletilwe ka Mkoma; Txisofu txangu txi asamile txitimwi ka valala vangu, nguko na tsaka kuhanyisani kwako.

Jobe 13:16

Kambe toneto ti nava kuhanyiswa kwangu, nguko m'bihi kha na mbi ta masoni ka txona.

Masalmo 112:8

Mbilu yakwe yi tsani, kha yi thavi txilo, ene wa themba ti to valala vakwe va na xulwa.

Isaya 10:24

Ngu kumaha keto, Mkoma, Txizimu txa Mabutho a Tiyimbi, a khene: Mi nga thaveni anu vathu vangu, mi zumbako Siyoni, Asiriya hambi a txi mi peka ngu ndonga, ni kuguleta m'gomba wakwe e mi wukela, ngu mamahelo a Vaegipta;

Isaya 17:10

Ngu mhaka yeto, u divate Txizimu txa kuhanyiswa kwako, kambe khwa alakanya dirigwi da mkhokhola wako; ngu mhaka yeto u na phaya mindonga yo tshura, u yi bhiyela ngu mindonga ya vamatiko.

Isaya 27:5

Mwendo wa kuhonyola mtamo wangu, a txi va ni kudikha ni nani, ina, a nave ni kudikha ni nani.

Isaya 49:5

Se konkuwa, kuwomba Mkoma, wule a nga ni wumba khukhela mndani, kasi kuva txithumi txakwe, ti to ni wuyisa Jakobe kwakwe, aniko Israyeli kha ti pata; hambi keto masoni ka Mkoma ni na dhumiswa, ni Txizimu txitxhavangu txi na va mtamo wangu.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Isaya 65:18

Aniko mi na tsaka mi pfalisa, ngu ha ku si gwitiko, ngu si ni si vangako; nguko wonani taku, ani na vangela litsako Jerusalema, ni kuzumbiseka ka vathu vakwe.

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Joyeli 2:23

Se anu vanana va Siyoni tsakani ngutu, mi tsaka ka Mkoma, Txizimu txanu, nguko ene a na mi ninga m'gondisi wa wululamo, kambe a na txhikisa mati a nzuma, mati a kukhata ka mtxima, ni o gwitisa.

Habhakuki 3:18

Hambi keto, ani na tsaka ka Mkoma; ni na guleta Txizimu txa kuhanyiswa kwangu.

2 Samuwele 7:24

Se u tsanisile vathu vako va ka Israyeli, kuva vathu vako kala kupinduka, kambe awe Mkoma u mahile Txizimu txawe.

Masalmo 65:6

Awe wa tsanisa mimango ngu wukoma wako ni mtamo wako.

Masalmo 68:20

Txizimu txathu, Njizimu txa kuhanyisa; se ka Mkoma Txizimu ku ni mtamo wo hulukisa ka lifo.

Masalmo 68:21

Kambe Txizimu txi na fayetela ngutu misungo ya valala va txona ni sikwakwa sa didzidzi, sa vale va omelelako minanduni kwawe.

Masalmo 118:21

Na ku bonga, Mkoma, nguko u ni xamute, awe u Muhanyisi wangu.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Isaya 38:20

Mkoma a tile e ta ni hanyisa, ngu koneho, ni gwesa sivetaveta sangu, hi na kudhumisa ka otshe masiku a kuhanya kwathu, Nyumbani ka Mkoma.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?