Isaya 12:1 - Bhiblia Yo Sawuleka

¹ Se ka ditshiku donedo, u na khawe: Na ku bonga, Mkoma, nguko hambi ku u nga ni henyela, kuhenya kwako ku gumile, se u ni tsakisile.

Isaya 12:1 Referans Kwoze

Masalmo 30:5

Kuhenya kwakwe nga mbimo yayidotho dwe, aniko wunene wakwe mbwa yotshe mbimo. Ni wusiku hi otela hi txi dila, kambe ni mixo ha peka mikulungwani ya litsako.

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Isaya 54:8

ngu kuhenya ka hombe, ni ku sisete khohe yangu ngu mbimo yokari; aniko ngu wunene wa kwa mbi gwita ni na kupfela wusiwana, kuwomba Mkoma, Mtiruli wako.

Zakariya 14:9

Se Mkoma a na maha mfumeli txitimwi ka otshe mafu, ka ditshiku donedo, mmwani a na va Mkoma, se mmwani a na va ditina dakwe.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Isaya 51:3

Nguko Mkoma a na thavelela Siyoni, kambe a na thavelela otshe makhalo ale i ku marumbi, se txiwula txa kona a na txi maha txi fanana ni thembwe ya Edheni, ni txiwunda txa kona txi na fana ni thembwe ya Mkoma; kuzumbiseka ni litsako si na maneka ka m'ti wuwa, ni mithumo ya kubonga, kumweko ni dipswi da m'zeno.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Isaya 14:3

Se ku na humelela tito, ngu ditshiku di Mkoma a nota kuninga kuhumula ka mthumo wako, ni ka kuthava kwako, ni ka mthumo wo nemela, wule va nga kuthumisa,

Isaya 49:13

Giya awe nzuma, se tsaka nawe mafu, kambe anu mimango kulungelani ngu kutsaka ka hombe, nguko Mkoma a thavelete vathu vakwe, a na pfela wusiwana vaxaniseki vakwe.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Varoma 11:15

Nguko akuwa kutshuralelwa kwawe ngu Txizimu ku nga hinduka ku txi maha kuhuluka ka ditiko, ina kutshumela kwawe ve wuya kuhundulukani kha ti na mbi fana ni kuwuka ka vakufa kani?

Zakariya 14:20

Ka ditshiku dile, ku na bhalwa ni ka sisimbzana sa mahantxhi taku: Ku Sawulekisetwe Mkoma; se tikhadi Nyumbani ka Mkoma, ti na nga timbiya masoni ka txiluvelo.

Hoseya 11:8

Ni ndi na kulekisa kutxani, awe Efrayime kani? Ni ndi na kuningelisa kutxani, awe Israyeli kani? Ni ndi na kumahisa kutxani ku nga Adhama kani? Ina ni ndi na kuveka ku nga Zebhoyimi kani? Mbilu yangu yi txitxile mndani kwangu, kotshe kunavela kwangu ka tura.

Isaya 66:13

Kufana ni m'thu wule a txhavelelwako ngu mwamwakwe, ngu toneto ani ni na mi thavelela, se kona Jerusalema, mi na ya thavelelwa.

Isaya 26:1

Ka ditshiku dile, ku na embelelwa ndando ditikoni ka Judha: Hi ni didhoropa do tsana, adi Txizimu txi nga veka ka dona kuhuluka ngu maguma ni tibhingo.

Isaya 11:16

Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.

Isaya 10:25

nguko i si nga kuswela, ku na tatiseka kuhenya kwangu ni txiviti txangu, kasi ku ni va heta.

Isaya 2:11

Maso a vathu vo ti kulisa ma na pfhupeliswa, ni kutikulisa ka vavamna ku na vekwa hahatshi, Mkoma ngene dwe a no dhumiswa ka ditshiku donado.

Isaya 10:4

Mi na sikota kunama hagari ka vale va nga ñolwa, mwendo kuwa hagari ka sirumbi sile si nga dawa kani? Hambi keto txiviti txakwe kha txa guma, aniko dianza dakwe di ngadi nawulutilwe.

Jobe 13:16

Kambe toneto ti nava kuhanyiswa kwangu, nguko m'bihi kha na mbi ta masoni ka txona.

Masalmo 9:1

Ani ni lava ku kudhumisa, Mkoma, ngu yotshe mbilu yangu, ni xawutela yotshe mithumo yako yo xamalisa.

Masalmo 71:21

U na engetela wuhombe wangu, u txi ni tangalisa kambe.

Isaya 54:7

Ngu mbimo yayidotho ni ku lekile, kambe ni tshumete ni ku wuyisa ngu wumbilu wa hombe;

Isaya 54:9

Nguko eto kwangu ti na fana ni ndambi ya Nowa; ni xambanyile koko ti to ndambi ya Nowa, kha yi na mbi talela kambe mafu; ngu toneto ni xambanyile ti to kha ni na mbiswa kambe ni ku henyela, hambi ku kukawuka.

Isaya 61:10

Ni na tsaka ngutu ka Mkoma, muhefemulo wangu wa tsakela Txizimu txangu, nguko txi ni ambekile syambalo sa kuhanyiswa, txi ni fenengeta didhamba da kululama, nga muwuti a ti mbombisako ngu so tshura, ni ku nga txiwutwa txi ti bombisako ngu siketiketi sa txona.

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;

Isaya 65:18

Aniko mi na tsaka mi pfalisa, ngu ha ku si gwitiko, ngu si ni si vangako; nguko wonani taku, ani na vangela litsako Jerusalema, ni kuzumbiseka ka vathu vakwe.

Jeremiya 30:19

Ku na huma ngu konemo kudhunda ni mapswi a litsako; ni na va andisa, va si hunguleki; ni na va kulisa, kha va na mbiswa ve kanyiswa.

Zakariya 8:11

Kambe konkuwa, na mbi ngadi ni xanisa miboti ya vathu vava kufana ni masiku o khata, kuwomba Mkoma wa Mabutho a Tiyimbi.

Zakariya 8:19

A womba tiya Mkoma wa Mabutho a Tiyimbi: Kutitona ka mtxima wa wumune, ni kutitona ka mtxima wa wutxhanu, ni kutitona ka wa wutxhanu ni yimbidi, ni kutitona ka mtxima wa wugumi, ku nava kunengela ni kutsaka, ni mibuso ka nyumba ya ka Judha, ngu toneto dhundani ditshuri ni kudikha.

Nehemiya 8:10

A to va gela kambe ku khene: Tsulani mi ya tidyela tinyama to nona, mi sela ni so lombela, mi rumela sakudya ka vale va nga mba ti longisela txilo; nguko ditshiku diya di sawulekile ka Mkoma wathu; ngu toneto mi nga ti xanise, nguko kutsaka ka Mkoma mtamo wanu.

Jobe 11:16

Nguko u na divala mithumo eyo, u na yi alakanya kufana ni mati ale ma nga pinda.

Masalmo 85:4

Hi wuyise kwako, Txizimu, muhanyisi wathu; u txi leka ku hi henyela!

Masalmo 86:17

Ni mahele txikombiso txa wunene wako, kasiku valala vangu ve txi wona, ve thelwa tingana, ngako va txi wona ti to awe, Mkoma, wa ni vhuna ni ku ni tsanisa!

Isaya 60:10

Se vanana va vamatiko va na aka maguma ako, ni vafumeli vako va na kuthumela, nguko, kuheyani kwangu ni ku pekile, aniko ka wunene wangu, ni ku pfete wumbilu.

Jeremiya 31:13

Sekoko mahorana ma na ti zilimukisa ngu kusinya, majaha ni sikosana ma na tsaka kumweko; nguko ni na phemberusa kudila kwawe kuva litsako ni na va tangalisa ni txi va tsakisa mu kuxanisekani kwawe.

Zakariya 1:16

Ngu toneto, Mkoma a womba tiya: Ngu wumbilu ni tshumelete Jerusalema; nyumba yangu yi na akwa kona, kuwomba Mkoma wa Mabutho a Tiyimbi, se ngoti yi na gwimbwa txitimwi ka Jerusalema.