Isaya 11:5 - Bhiblia Yo Sawuleka

⁵ Se kululama ku nava libhandi la txiwunu txakwe, se ditshuri di na va libhandi la tithso takwe.

Isaya 11:5 Referans Kwoze

Vaefesu 6:14

Emekani ngu kutsana. Sungani siwunu ngu ditshuri, di txi maha libhande lanu. Ambalani kululama ku txi maha txivhikelo txa khana yanu.

1 Johani 1:9

Ngako hi txi ti tshanza sionho sathu, Txizimu txi thembekile ni kululama, kasi ku hi divalela sionho sathu ni ku hi basisa ka wotshe wubihi.

2 Vakorinto 6:7

ngu dipswi da ditshuri, ngu mtamo wa Txizimu, ngu matxhari a kululama hi ma ñolako ngu manza a txinene ni a txibhabha,

Isaya 59:17

Nguko a ti ambekile kululama, ku nga txikatawu txa simbi, e sanzeka txigoko txa kuhanyisa ha msungo kwakwe, se a to ambala syambalo so ti photela, e fenengela txiluse txi txi nga dijasi.

Isaya 25:1

Awe Mkoma, ngawe Txizimu txangu; ni na kuguleta, ni dhumisa ditina dako, nguko u mahile sixamaliso, makungo ako a kale nga ditshuri, ni kutsana.

Mtuletelo 3:14

Ka ngelozi ya Dibanza da Laodhikheya, bhala u txi khawe: “A womba tiya awu i ku Amen. Fakazi yo thembeka ni ya ditshuri, makhato a sivangwa sa Txizimu.

Mtuletelo 1:13

Hagari ka sipande siya sa mtxhanu ni simbidi, ni to wona m'thu wokari wo fana ni Mwanana wa M'thu, na a di ambate nguwo yo lapha kala mikondoni, na a di yi sungile hakhana ngu libhande la nzalama.

1 Pedro 4:1

Ngu toneto, ngako Kristu a nga pfa kupanda nyamani kwakwe, na nanu xomani matxhari a kuzumba mi di ni mialakanyo yo nga toneto. Awule a nga xaniseka nyamani, a hambani ni txionho;

Hoseya 2:20

Se ni na kuteka ngu kuthembeka, kambe u na ziva Mkoma.

Vahebheru 2:17

Ngu toneto, ti ti fanete ku e fananiswa ka totshe ni vanawe, kasiku, masoni ka Txizimu e va mphaxeli wa hombe, wa kutala ngu wumbilu ni kuthembeka, ti to e sikota kudihela sionho sa vathu.

Masalmo 93:1

Mkoma wa fuma; a ambate wuhombe; e kombisa wotshe mtamo wakwe. Ngu toneto, mafu ma tsani, kha ma na kudekadekiswa.

Masalmo 109:19

Kuruka kwakwe ku na mfenegete nga nguwo ku txi msunga nga libhande.”

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Isaya 32:1

Mfumeli a na fuma ngu kululama, se vathangeli va na fuma madingano ni wulamuli.

Zakariya 8:16

Ati mi dinganako kumaha tona ngu tiya: Wombawombani ditshuri mmwani ni mmwani ka mkwawe, lamulani ngu ditshuri ni kudikha sikenini kwanu.

Masalmo 45:4

Kupfalisekani kwako, gadha dihantxhi dako u ya lwela ditshuri, u txi lwela txisiwana ni wo lulama mtamo wako wupune wu na kukomba sidiwukiso si u fanelako ku si maha.

Masalmo 89:9

Awe wa fuma linene, ngako li txi kukumuka u txi tengisa mavimbi a lona, ngako ma txi vhiluka.

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.