Isaya 11:4 - Bhiblia Yo Sawuleka

⁴ kambe a na lamula sisiwana ngu kululama, ni timhaka ta vale vo thutha ha mafuni, a na wila ngu kululama, a na peka mafu ngu donga ya txisofu txakwe, e fuvisa vabihi ngu kufuteta ka txisofu txakwe.

Isaya 11:4 Referans Kwoze

2 Vatesalonika 2:8

Se konako, a na wonekiswa ha kubasani m'bihi; se Mkoma Jesu a na mfuvisa ngu ku mfuteta ngu txisofu txakwe e m'lovisa ngu kuphatima ka kuta kwakwe.

Mtuletelo 19:15

Ngu mkanani kwakwe kuhuma ditxhari do lotwa kasi kuwila mifumo ngu dona. Ngene a no yi gola ngu ndonga ya simbi ya wukoma: Ngene a no rukuta nzeka ya vhinya ya kuhenya ko thisa ka Txizimu txa mtamo wotshe.

Malakiya 4:6

Se a na hundulusa timbilu ta vatate ka vanana vawe, ni timbilu ta vanana ka vatate vawe; kasi ku ni si ti ni ta peka ditiko ngu txiruko.

Jobe 4:9

Va loviswa ngu kuhefemula ka Txizimu; kambe va hetwa ngu kufuteta ka kuhenya ka txona.

Matewu 5:5

Va katekile ava vo thutha, nguko va na mana thomba ya mafu!

Isaya 61:1

Moya wa Mkoma Txizimu, wu txitimwi kwangu, nguko Mkoma a ni totile, kasi kuya txhumayela mahungu amanene ka sisiwana, a ni rumete kuya tirula vale va ku ni kuxaniseka mbiluni, ni kuya nuwela mhaka ya kuthukunyulwa ka va vo sungwa, ni kutulelwa ka vale vo ñolwa;

Jakobe 3:13

I mani hagari kwanu a zivako, kambe na a di txharihile, kani? A na kombise ngu mahanyelo akwe a kutiveka hahatshi ni a wuzivi.

Vagalatiya 5:23

kuthutha, kutipimela; kha wu nga ho mlayo wu wu tsimbisako siya.

Jeremiya 33:15

Keyo masiku ni ka yoneyo mbimo ni na wusela Dhavhidha mpuka wo lulama; ene a na lamula ngu nongameto ni wululamo amu ditikoni.

Isaya 30:33

Nguko txikho txi lulamisilwe kukhukhela nyamnova, ina, kululamisetwe mfumeli; ene a lulamisile ngu kutshimisa ni kuanamisa; mtamo wakwe mndilo, kambe wu ku ni tikhuni to tala; kufuteta ka Mkoma ko fana ni ka mnambo wa txivavula, ku na txi dhivela.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Masalmo 2:9

U na va bhandisa ngu ndonga ya simbi, u txi va fayetela kufana ni khadi ya mraka.”

Mtuletelo 2:16

Ngu konaho, hunduluka. U si hunduluki, na kuluveta ni txi ku tela, ni ta lwa navo ngu ditxhari da txisofu txangu.

Mtuletelo 1:16

Ka dianza dakwe da txinene a ti ñote mtxhanu wa tinyeleti ni timbidi, ngu txisofuni kwakwe ku ti huma ditxhari do hinda, da kulotwa khe ni khe. Ni khohe yakwe yi ti khetima nga ditambo da mitshikari.

Titosi 3:2

ni ti to kha va nga ni fanelo yo womba kubiha ngu m'thu hambi kuwusa mazunga, aniko va na mahe vathu vavanene, va kombako txithavo ka votshe.

Isaya 32:1

Mfumeli a na fuma ngu kululama, se vathangeli va na fuma madingano ni wulamuli.

Isaya 29:19

Se avale vo dikha va na tsaka txitimwi ka kutsaka ka Mkoma, ni sisiwana si na tsakela Msawuleki wa Israyeli.

Isaya 16:5

Nguko txikhalo txa wukoma txi na tsaniswa ngu wumbilu, se txitimwi ka txona ku na zumba mlamuli, amu ditendani ka Dhavhidha, awu a no lamula, a lavako wululamo, kambe a kuluvetako kumaha ta tinene.

Mtuletelo 19:11

Se ni to wona nzuma yi di tulekile: Ku to woneka dihantxhi do basa, se mgadhi wa dona a ti dhanwa ku: “Wo thembeka” ni “Wa ditshuri.” Wa lamula, a txi lwa ngu kululama.

2 Vakorinto 10:1

Ani, Paulo ngu wutumbu wangu, na mi khongotela ngu kudikha, ni wunene wa Kristu, ani ni ti vekako hahatshi masoni kwanu, kambe ni mahako wurena ni di kule ni nanu.

Mithumo 9:1

Kambe Sawule, ngukuva a di ngadi ni mahika a kubavela kudaya vagondiswa va Mkoma, a to tsula ka mphaxeli wa hombe,

Matewu 11:5

Mabhofu ma wona; sidiya sa tsimbila; vatshekela va basiswa; maphanzeve ma engisa; vakufa va wuswa ve hanya; sisiwana sa txhumayelwa Evhangeli.

Zefaniya 2:3

Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.

Jeremiya 5:28

va enile, va tote mafura. Kubiha kwawe kha ku na magwito. Kha vaemeli ti to sisiwana si na humelele; kha va wili mahungu a sisiwana ngu fanelo.

Isaya 3:14

Mkoma a thethisa madhota a vathu vakwe kumweko ni vathangeli vawe; nganu mi nga onha thembwe yiya ya m'vhinya; asi mi nga honyola ka sisiwana si maneka tinyumbani kwanu.

Isaya 1:17

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Masalmo 110:2

Mkoma a na rumela ngu Siyoni ndonga yako ya mfumo; fuma txitimwi ka valala vako!

Masalmo 18:8

Wu humile wutshi ngu tithonvuni ka txona ku txi huma mndilo wa luhya ngu txisofuni ka txona; kuhuma kambe ni makala a mndilo wo tura.

2 Samuwele 8:15

Dhavhidha koko, a to fuma dotshe ditiko da Israyeli; e lamula ngu kululama ka votshe vathu vakwe.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Isaya 14:30

Matiwula a sisiwana ma na dyiswa, ni sisiwana si na otela ngu kudikha; aniko ni na daya mkoloti wako ngu nzala, ni misalelwa yako yi na hasamulwa.

Isaya 26:6

Mkondo wu na di ganyatela: Mikondo ya vaxaniseki mazambo a sisiwana.

Isaya 30:28

kuhefemula kwakwe kufana ni txinambwana txi thekelelako, txa mati o gwitela mkoloni, kasi kutsetseta matiko ngu txiselo txo mbi vhuna txilo; ni matomu o pengisa, ma nava titshayani ka vathu.

Isaya 30:31

Nguko Asiriya a na khundumuswa ngu dipswi da Mkoma, a ngadi peka ngu ndonga.

Isaya 32:7

Kambe siya sa wa likungo si bihile; ene a sika makungo o biha, kasi kuonha vale vo thutha, ngu mapswi awalo, hambi ngako txisiwana txi txi womba ditshuri.

Isaya 33:22

Nguko Mkoma mlamuli wathu, Mkoma mmahi wa milayo yathu; Mkoma ngene Mfumeli wathu, ene a na hi hanyisa.

Isaya 40:7

Mwasi wa oma, se siluva sa mora, ngako moya wa kuhefemula ka Mkoma wu di pindile txitimwi ka sona. Ngu ditshuri, vathu i mwasi.

Isaya 49:2

Txisofu txangu a txi mahile txi fanana ni ditxhari do hinda, se a ni fenengetile ngu mtsudi wa dianza dakwe e ni maha lingove lo khetima, e ni sisa amu ka msava wakwe.

Jobe 15:30

Kha na mbi huluka txidema; m'dhikila wa mndilo wu na omisa sile si thungako, se ngu kufuteta ka Txizimu, yi na hangalaka.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Isaya 2:4

Se ene a na lamula txitimwi ka matiko, kambe a na tsayisa matiko o tala; a na hundulusa matxhari awe me maha misuka, ni tingove tawe ti maha masikela; ditiko kha di na mbi guleta ditxhari do lwisa dimwani ditiko; kha va na mbi gondela kambe kulwa yimbi.

Hoseya 6:5

Ngu toneto, ni va pekile ngu vaprofeti; ni va date ngu dipswi da txisofu txangu; kambe kulamula kwako ku na humelela kufana ni kuwonekela.