Isaya 11:3 - Bhiblia Yo Sawuleka

³ Se a na tsakela kuthava Mkoma, kha na mbi lamula madingano ni kuwona ka maso akwe, hambi kuwila mhaka madingano ni kuengisa ka tinzeve takwe;

Isaya 11:3 Referans Kwoze

Johani 7:24

Mi nga lamuleni ngu kuwona khohe dwe, aniko lamulani ngu nzila yo lulama.”

Luka 2:52

Se Jesu a ti kula mu ka wuzivi ni ka txiemo ni mu ka kateko, masoni ka Txizimu ni ka vathu.

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Mavingu 2:5

ngu kona u no pfisisa mhaka ya kuthava Mkoma, kambe u na mana kuziva Txizimu.

Vahebheru 5:14

Kambe sakudya si so banga, nza vahombe, i ku va vo tolovela, ava va zivako kuhambanisa totshura ni to biha.

1 Vafumeli 3:28

Se votshe Vaisrayeli va pfite ti a nga wilisa tona mahungu mfumeli, va to mxamala mfumeli; nguko va ti woni ti to wu ti ti ho kwakwe wuzivi wa Txizimu, wa kulamula mahungu.

Mavingu 2:9

Sekoko u na ziva wululamo, ni wulamuli, ni kudinganisa, ni dotshe ditshuri da dinene.

1 Vafumeli 3:9

Ninga mbilu yo ziva ka txithumi txako, kasi kulamula vathu vako, ni kuziva ngu ditshuri kuhambanisa hagari ka ta tinene ni to biha; nguko i mani a ndi no lamula vathu vako vo talisa tiya kani?

2 Samuwele 14:17

Txi ti ti kha txona kambe txithumi txako txa txisikati: Konkuwa dipswi da mfumeli, nyamne wangu, di na ni ninge kudikha; nguko nene mfumeli, nyamne wangu, a fana ni Ngelozi ya Txizimu, kuengisa ta ti nene ni to biha; aniko Mkoma, Txizimu txako, txi nave ni nawe.

Johani 2:25

i ti si nga wolava kumaha ngu kugelwa ta m'thu, nguko ene a txi tiziva ti ti ku timbiluni ka vathu.

Jobe 34:3

Nguko nzeve ya xola mapswi ku nga txisofu txipfako sakudya.

Jobe 12:11

Ina nzeve kha yi na kuxola mapswi, nga mkanani kupfako sakudya kani?

Isaya 33:6

Se ku nava ni kuzumbiseka ka masiku ako, kutala ka kuhanyisa, wutxhari ni wuzivi; se kuthava Mkoma yi na va i di thomba yanu.

Ezekhiyele 45:8

Se ditiko diya, di na va thomba yakwe, kona Israyeli; kambe vathangeli vangu, kha va na mbi dhuka ve xanisa vathu vangu; vona va na leka ditiko ka nyumba ya ka Israyeli, madingano ni tihunzu tawe.

Mika 4:3

Se txi na lamula vathu vavangi, kambe txi na tsayisa matiko a mtamo, kala ni ale a kule, txi na hundulusa matxhari awe me maha misuka, ni tingove tawe ti maha masikela; ditiko dimwedo kha di na mbi guleta ditxhari do lwisa dimwani ditiko; se kha va na mbi gonda kambe kulwa yimbi.

2 Samuwele 14:8

Se mfumeli a to khene ka wamsikati: Tsula m'tini kwako, se ani ni na leletela ngu mhaka yako.