Isaya 11:16 - Bhiblia Yo Sawuleka

¹⁶ Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.

Isaya 11:16 Referans Kwoze

Isaya 19:23

Ka ditshiku dile, ku nava ni digondo khukhela Egipta kala Asiriya. Se Vasiriya va nata Egipta, ni vona Vaegipta va naya Asiriya; Vaegipta ni Vasiriya va na patana ve khozela Mkoma.

Isaya 11:11

Nguko ti na maheka tito, ka ditshiku donedo, a na nawuluta kambe dianza dakwe e teka miboti ya vathu vakwe vale va nga sala Asiriya, ni Egipta, ni Patro, ni Etiyopiya, ni Elame, ni Sinari, ni Hamati, ni sitondoloni ka linene.

Isaya 62:10

Humani, humani ngu sike; longiselani nzila ya vathu; lulametani, lulametani digondo, mi thavisela marigwi ka dona; gwimbani m'jeke ka vathu.

Isaya 57:14

Se ku na wombwa taku: Lulamisani, lulamisani, longiselani nzila; thavisani sitsha ka nzila ya vathu vangu.

Isaya 51:10

Ina hi ngawe u nga omisa linene, i ku mati a kuhokoma ka hombe kani? Kambe u nga dola nzila kutshimani ka linene, kasi kuve tshawunyeta vale va nga tirulwa kani?

Isaya 49:12

Wonani, taku va nata ngu kule, wonani taku avale va wuphemba ni va mswa-ditambo, ni vale vamwani va ditikoni ka Sinimi.

Isaya 27:13

Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

Isaya 1:9

I ti ku Mkoma wa Mabutho a Tiyimbi a sa hi siyela miboti, hi ndi na nga Sodhoma, di fana ni Gomora.

Isaya 10:20

Ka ditshiku donedo, ku na maheka taku, miboti ya ka Israyeli, ni vale va nga huluka va nyumba ya ka Jakobe, kha va na mbi ngadi ve themba wule a nga va peka; va na themba Mkoma, Msawuleki wa Israyeli, ngu ditshuri.

Isaya 49:11

Se ni na maha tinzila ka yotshe mimango yangu; ni sinzilana sangu si na kuliswa.

Zefaniya 2:7

Mabambe mule ku na lumba miboti ya nyumba ya ka Judha, kuva va txi dyisela kona sifuyo; ni minova va na ya otela tinyumbani ka va ka Axikaloni, nguko Mkoma, Txizimu txawe, a na va endela, kambe a na va tshumetela tikhumbi tawe.

Eksodha 14:22

Se vanana va ka Israyeli va to wulela ngu hagari ka linene, na mati ma di phwite; mati ma to maha maguma mambidi, dimwani txineneni ni dimwani txibhabha.