Isaya 11:12 - Bhiblia Yo Sawuleka

¹² Se ku na guletwa m'jeke hagari ka matiko, a na sengeleta vale va nga tovelwa va ka Israyeli, ni vale va nga hangalaka va ka Judha, a na va sengeleta kukhukhela ka mune wa makhona a ditiko.

Isaya 11:12 Referans Kwoze

Zefaniya 3:10

Ngu mtxhatuko ka minambo ya Etiyopiya, vakhongeli vangu vo ti ningela, dihorana da kuhangalaka kwangu, va na ni wuyisela mphaxo.

Isaya 56:8

Mkoma Txizimu, wule a sengeletako va va nga hangalaka, va ka Israyeli, a womba tiya: “Kambe ni na sengeleta vamwani, ka vale va nga sengeletwa.

Isaya 43:6

Ni na khani ka Wuphemba: Naheta! Ni Wulambwe ku khani: U nga lambe! Wuyisani vanana vangu ngu kule, ni vanana vangu vamahorana, ngu magwito ka mafu,

Isaya 11:10

Se ku na maheka tito, ka ditshiku donedo, matiko ma na wotisa ngu mtwi wa Jese, i ku wule wu no mahwa m'jeke wa vathu, se wukhalo wa kuhumula ka wona wu na va ni wudhumo.

Zakariya 10:6

Se ni na tsanisa nyumba ya ka Judha, ni hanyisa nyumba ya Josefa, ni na tshumela ni va phaya, nguko ni va pfete wusiwana; se va na nga kha ni khali ku va lamba; nguko ani ngani Mkoma, Txizimu txawe, kambe ni na va engisa.

Masalmo 147:2

Mkoma wa wuseta Jerusalema e tshanganisa ngamu ya Israyeli, yi nga ti hangalakile.

Isaya 27:13

Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

Masalmo 68:22

Mkoma a wombile a txi khene: “Ni na tisa ngu Bhasani valala vako, ni na va tisa ngu hahatshi ka linene.

Mtuletelo 5:9

va txi embelela ndando ya yiphya va txi: “U ni fanelo yo amukela dibhuku, u txi tula sixambanyo sa dona, nguko u datwe, se ngu mnoha wako u xavete Txizimu vathu va totshe tihunzu, totshe tidimi, otshe matiko ni yotshe mifumo.

Jakobe 1:1

Ani Jakobe, txithumi txa Txizimu ni txa Mkoma Jesu Kristu, ka tihunzu ta digumi ni timbidi ti nga hangalaka ni otshe matiko, ni mi navelela wutomi.

Johani 7:35

Ngu kota yeto, Vajudha va to khata kuwotisana, va txi kha vona: “O lava kuya hani, aku hi no tandeka ku mmana kani? O lava kuya ka va va nga hangalaka hagari ka Vagriki. O lava kuya gondisa Vagriki kani?

Isaya 62:10

Humani, humani ngu sike; longiselani nzila ya vathu; lulametani, lulametani digondo, mi thavisela marigwi ka dona; gwimbani m'jeke ka vathu.

Isaya 59:19

Sekoko va na thava ditina da Mkoma kukhukhela Mswa-ditambo, ni wudhumo wakwe khukhela Muhuma-ditambo; mlala a nata kufana ni kukhulunga ka mati, Moya wa Mkoma wu na mu wukela ni m'jeke wakwe.

Isaya 18:3

Anu motshenu vaaki va matiko, ni nanu vahanyi va ha mafuni, mbimo yi m'jeke wu no gwimbwa mimangoni, mi na wu wona; se ngako ku txi vetwa mpundu, mi na wu engisa.

Dhewuteronome 32:26

Ni ti khani: “Ni na va hangalasa, va si swi va txi alakanywa hagari ka mafu!”

Mtuletelo 7:1

Msana ka tiya, ni to wona mune wa tingelozi ti di emile ka mune wa makhona a mafu, ti di ñote maphuho a mune a mafu, kasi ku di si peki diphuho ha mafuni, ha lineneni mwendo ha mndongani.

Masalmo 60:4

Se konkuwa ninga txikombiso ka vathu vako vo thembeka, kasiku ve sikota kuthava tingove.

Masalmo 107:3

a va wuyisile ngu matikoni, ka wutxani ni ka mswa-ditambo, ka Wuphemba ni ka Wulambwe.

Isaya 24:16

Kukhukhela magwito ka mafu, hi pfite kuembelala, kaku: Wudhumo ka wule wo lulama; aniko ani ni khani: Na goma, na goma, dikhombo kwangu! Vakanganyisi va kanganyisa, ina, vakanganyisi va kanganyisa.

Isaya 49:5

Se konkuwa, kuwomba Mkoma, wule a nga ni wumba khukhela mndani, kasi kuva txithumi txakwe, ti to ni wuyisa Jakobe kwakwe, aniko Israyeli kha ti pata; hambi keto masoni ka Mkoma ni na dhumiswa, ni Txizimu txitxhavangu txi na va mtamo wangu.

Isaya 49:22

Mkoma a womba tiya: Wonani taku, ni na guleta dianza ka matiko, ni na gwimbela m'jeke wangu vathu; sekoko va na tisa vanana vako mawokoni, ni vanana vako vamahorana va na va pakata hamakata.

Isaya 54:7

Ngu mbimo yayidotho ni ku lekile, kambe ni tshumete ni ku wuyisa ngu wumbilu wa hombe;

Isaya 60:4

Gula maso ako, u ma rendelekisa ka madhawa otshe, u wona; votshe vava se va sengeletani va ta kwako; vanana vako va majaha va nata ngu kule; ni vanana vako vamahorana va na wunjeka didhawa kwako.

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Jeremiya 23:3

Ani nipune ni na sengeleta misalela ya tinvuta tangu, ti huma ngu ka otshe matiko amu ni nga ti hangalasa kona, ni txi ti tshumetela wudyiseloni ka tona; ti na veleka ti txi anda.

Jeremiya 30:17

Nguko ni na kuthuma, ni txi holisa timbanga tako, kuwomba Mkoma; nguko u wombwa to u m'dhindiriki, Siyoni wu va si mkhataleliko.

Jeremiya 50:4

Ka masiku onayo ni ka yona yile mbimo, kuwomba Mkoma, vanana va ka Israyeli va nata, kumweko ni vanana va ka Judha; va na wuya va txi dila, va na lava Mkoma, Txizimu txawe.

Ezekhiyele 28:25

Ngu kumaha keto, Mkoma Txizimu a khene: Mbimo yile ni no sengeleta va nyumba ya ka Israyeli hagari ka matiko, ale va nga hangalaka ka ona, se ni txi ti sawulekisa hagari kwawe, masoni ka matiko, sekoko va na zumba ka ditiko dawe, dile ni nga ninga txithumi txangu Jakobe.

Hoseya 1:11

Se vanana va ka Judha ni vanana va ka Israyeli votshe va na sengeletana, ve ti emisela mthangeli mmweyo dwe, ve huma ditikoni; nguko di na va da hombe ditshiku da Jezireyeli.

Jeremiya 51:12

Gwimbani m'jeke txitimwi ka diguma da Bhabhilona, tsanisani wuwoneleli, vekani vaemeli, ti longiseleni wotshe wurena; nguko Mkoma a xuvile kambe a mahile tile a nga nga ti womba xungetano ngu vaaki va Bhabhilona.

Hoseya 2:2

Khongotelani mame wanu, mkhongoteleni, nguko ene hi nga msikati wangu, se ani kha ni nga mwamna wakwe; a na hambane ni wugelegele khoheni kwakwe, ni wungango wakwe titshumbuni kwakwe.

Zakariya 8:7

A womba tiya Mkoma wa Mabutho a Tiyimbi: Wona taku ni na hanyisa vathu vangu, va ditiko da Wutxani ni va ditiko da mswa ditambo;