Isaya 10:33 - Bhiblia Yo Sawuleka

³³ Se wona taku, Mkoma, Txizimu txa Mabutho a Tiyimbi, a na dunguruta madhavi ngu kuthisa, se ale o lapha ma na gangwa, vale vo ti guleta va na wiswa.

Isaya 10:33 Referans Kwoze

Amosi 2:9

Kasi ngani ni nga va lovisela Vaamori, vathu vo lapha ku nga mindonga ya mikedhari, ni mitamo yo nga ya mikusu; kambe ni hoxotile mihando yawe ya txitimwi, ni mitwi yakwe ngu hahatshi.

Isaya 37:38

Se ku to maheka taku, na a di namile nyumbani ka Nisiroke, txizimu txakwe, vanana vakwe i ku Adrameleki ni Saresari, va to m'daya ngu ditxhari; se va to tutuma veya ditikoni ka Ararati. Esari-Hadhomi, mmweyo wa vanana vakwe, a to fuma ka wukhalo wa tate wakwe.

Luka 14:11

Nguko wuhi ni wuhi a ti kulisako, a na vekwa hahatshi, ani wu a ti vekako hahatshi, a na guletwa.”

Dhaniyeli 4:37

Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.

Isaya 5:15

Sekoko tinganakana ti na xowoka, ni va va ti guletako, va na wa. Ni maso a vale va ti guletako, ma na wiswa tingana.

Isaya 33:3

Vamatiko va txipfa diguwa dako, vo tutuma; u txi wuka, matiko mo hangalaka.

Jeremiya 22:7

Ni na kudhanela valovisi, mmweyo ni mmweyo a na va ni matxhari akwe, va na ganga mikedhari yako yo tshura, va txi yi tshotsha mndiloni.

Ezekhiyele 31:3

Wona taku Asiriya i ti ti mkedhari Libhanoni, wa madhavi o tshura, a mitsudi ya sididi, na ma di laphile, tshoka ya kona yi ti ti hagari ka madhavi o txhuma.

Nahume 1:12

Mkoma a womba tiya: Hambi mi txo tsana ka kutxani, hambi mi di vangi ko txani, hambi keto, mi na fuviswa, se ene a na pinda; awe Judha ni kuxanisile, aniko na mbi ngadi ni kuxanisa kambe.

Isaya 18:5

Nguko kusanzi kufunyelwa, mbimo yile makhukhu ma nga thunga, se mauvha amambisu ma txi vitwa, sekoko, Txizimu txi na wilela mindonga, kambe txi na thavisa madhavi, txi txi ma tshatulela.

Isaya 32:19

hambi kutxiwa maralala, kuwiswa ni txitinga, ni didhoropa di na wiswa do gwita.