Isaya 10:32 - Bhiblia Yo Sawuleka

³² Ka ditshiku donedo, a na hoka Nobhe, e kombisa txibhakela mmangoni ka dihorana da Siyoni, ni ka mmango wa Jerusalema.

Isaya 10:32 Referans Kwoze

1 Samuwele 21:1

Sekoko Dhavhidha a to ta Nobhe, ka mphaxeli Ayimeleki; se Ayimeleki a to huma a txi dhudhumela e hingeta Dhavhidha, a txi khene kwakwe: Ngu kutxani uta wekha, u si na m'thu kani?

Zakariya 2:9

Nguko wonani taku, ni na guleta dianza dangu txitimwi kwawe, se vona va nata maha sikarawa, sa va va nga va thumela. Ngu kumaha keto, mi na tiziva tito, Mkoma wa Mabutho a Tiyimbi a ni rumile.

Isaya 37:22

dipswi di a ngadi womba Mkoma madingano ni Senakeribhe, ngu diya: Mwanana wotuma wa dihorana wa Siyoni, wa kutxhipisa, kambe wa kupoyilela; mwanana wa muhorana wa Jerusalema wa zinginisa msungo msana kwako.

Isaya 19:16

Ka yona yile mbimo, Vaegipta va na nga vavasikati, va na dhudhumela, va na thava ngu mhaka ya kuthuma ka dianza da Mkoma wa Mabutho a Tiyimbi, nguko di na guleka di va wukela.

1 Samuwele 22:19

Sawule a to xasela Nobhe, didhoropa da vaphaxeli vale ngu ditxhari; kukhukhela ka wamwamna kala ka wamsikati, kukhukhela ka vanana kala ka timenzani; tihomu, timbongola ni tinvuta, ni sona si datwe ngu ditxhari.

Jeremiya 6:23

Va ñola malaho ni matxhari; va ni timbiti, kha va na wumbilu; diguwa dawe ngu nga txiwuta txa linene, va gadhile mahantxhi na va di xomile kulwa ni nawe, awe m'horana wa Siyoni.

Isaya 13:2

Gwimbani m'jeke txitimwi ka mmango wa kwa mbi na txilo; va dhaneni ngu dipswi do guleka, mi va dyoweta ngu dianza, kasi kuva txi wulela ngu sike sa vathangeli.

Isaya 11:15

Se Mkoma a na khundumusa do gwita diwoko da Linene la Egipta, a na guleta dianza dakwe e wukela mnambo ngu mtamo wa moya wakwe, e wu peka wu maha mtxhanu wa minambo ni yimbidi, ti to ni wuhi e txhatuka a di ni tikathula.

Isaya 10:24

Ngu kumaha keto, Mkoma, Txizimu txa Mabutho a Tiyimbi, a khene: Mi nga thaveni anu vathu vangu, mi zumbako Siyoni, Asiriya hambi a txi mi peka ngu ndonga, ni kuguleta m'gomba wakwe e mi wukela, ngu mamahelo a Vaegipta;

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.

Isaya 1:8

Se mwanana wa muhorana wa Siyoni a fana ni m'dhuti wa thembweni ka mivhinya; kufana ni m'dhuti wa thembweni ka maranga; kufana ni didhoropa do randelwa ngu valala.

Nehemiya 11:32

ni da Anatote, da Nobhe, da Ananiya,

1 Samuwele 22:9

Sekoko Dhowege, Muedhomi, awule nene a nga ti ni sithumi sa Sawule a to xamula, a txi khene: Ni woni mwana Jese a txita Nobhe ka Ayimeleki, mwana Ayitubhe,

Isaya 10:31

Se Madhimena a hangalakile, ni vahanyi va Gebhini va tutuma ngu mitxawa.

Isaya 16:1

Rumelani txinvutana ka mfumeli wa ditiko, txi txi khukhela txiwulani ka Sela, kala mmangoni ka dihorana da Siyoni.

1 Samuwele 21:2

Se Dhavhidha a to khene ka mphaxeli Ayimeleki: Mfumeli a ni leletile mhaka, a txi khene: Yi nga ziwe ngu m'thu mhaka yi ni kurumako, kambe ni nga kuleleta; se majaha angu ni ma kombile wukhalo wokari ni wokari.

2 Makronika 32:1

Msana ka timhaka tiya, ni kuthembeka kuwa, kutota Senakeribhe mfumeli wa Asiriya e ta wulela ditikoni ka Judha, eya gova e wukela madhoropa a hombe a txi lava ku ma honyola.

2 Makronika 32:2

Ezekhiya a txi wona ti to Senakeribhe a tile ku ta xasela Jerusalema,

Isaya 8:8

a na wulela ditikoni ka Judha kufana ni ndambi, e kukumuka kala mikoloni ka vathu. Kunawuluka ka tibhapi tako, ku na fenengeta kuanama ka ditiko dako, awe Emanuweli.

Isaya 29:2

Hambi keto, ni na veka Ariyeli kuxanisekani, se ku nava ni kudila ni kupandiseka; kambe dona di na va didhoropa dangu kufana ni Ariyeli.

Mika 1:9

Nguko txilonda txako kha txi holiswi, nguko txi hokile kala ka Judha; txi endelekile kala ha txikeni ka vathu vangu, kona Jerusalema.