Isaya 10:3 - Bhiblia Yo Sawuleka

³ Mi na maha txani anu vamwani ngu ditshiku da txitsayiso, ni da kulovisa kule ku nota ngu kule kani? Mi na tutumela ka mani kuya lava kuvhunwa kani? Tithomba tanu mi na ti veka hani kani?

Isaya 10:3 Referans Kwoze

Luka 19:44

“Va na kudikha hahatshi, awe ni vanana vako, va ku kwako. Kambe kha va na mbi siya kwako dirigwi txitimwi ka dirigwi, nguko khwa ziva mbimo yi u nga endelwa ngu yona.”

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Jobe 31:14

sekoko ni ndi na txani ani, ngako Txizimu txi txi ni lamula kani? Se txi txi ni wotisa mhaka yiya, ni ndi na xamula txani kani?

1 Pedro 2:12

Wutomi wanu hagari ka va va si kholwiko, wu nave wa wunene ngutu, kasi ku ngako va txi mi lumbeta, kuva mi di vabihi, vona va na yi ziva mithumo yanu ya yinene, se ve dhumisa Txizimu ka ditshiku da kuta ka txona.

Zefaniya 1:18

Hambi silivhela yawe mwendo nzalama yawe, kha si na mbi sikota ku va hulukisa, ka ditshiku da kuhenya ka Mkoma, aniko ngu mndilo wa kuhiseka kwakwe, otshe mafu awa ma na fuviswa, nguko kha ditshuri a na lovisa votshe vazumbi va ha mafuni ngu txidhukisa.

Isaya 26:21

Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.

Isaya 20:6

Sekoko ka ditshiku donedo, vaaki va txitondoloni, va na kha vona: Wonani ti ti humelelako vale hi nga va themba, avale hi nga ti ti tutumela kwawe, kasi ku hi huluka ka mfumeli wa Asiriya! Se athu koko, hi na hulukisa kutxani kani?

Isaya 5:26

A na guleta m'jeke wo dhana matiko a kule, a na va vetela mloti, ti to ve khukha magwito ka mafu, se vona va nata ngu kukuluveta.

Mavingu 11:4

Thomba kha yi na txivhuno ka ditshiku da kuhenya ka Mkoma, aniko kululama ka txhatxhisa kufani.

Dhewuteronome 28:49

Mkoma a na ku tisela mfumo wa kuta ngu kule, mfumo wa magwito ka mafu, awule wu nota ngu kupuruma nga ngungwa, mfumo wu wu wombawombako ngu lidimi li awe u si li ziviko.

Jeremiya 5:31

Vaprofeti va profeta makuhu, hambi vaphaxeli va fumela va txi laywa ngu vona; ngu toneto vathu vangu va ti lavako. Aniko mi na maha txani magwito ka kona kani?

Isaya 39:3

Sekoko mprofeti Isaya, a tile ka mfumeli Ezekhiya, a txi ta khene: Vavamna vale va ti kha vona txani, niku va khukhela hani va txi ta kwako kani? Se Ezekhiya a to khene: Va tile ngu ka ditiko da kule ngutu, i ku Bhabhilona.

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

Isaya 30:16

Aniko mi khanu: Ahim-him; hi na tutuma ngu mahantxhi; hambiko mi na tutuma; kambe mi khanu: Hi na gadha mahantxhi a livilo; ngu mhaka yeto, vatutumisi vanu, va na va ni livilo.

Isaya 5:14

Ngu toneto, dithitha di engetete kunavela ka dona, di asamile txisofu txa dona kupinda mpimo, wudhumo wawe ni vathu vawe, ni kubomba kwawe, ni votshe vale va tsakako va na ngirimela ka dona.

2 Vafumeli 7:15

Se va to va londisa kala Jordhani, yotshe nzila yi ti ti tate ngu syambalo ni matxhari va nga ti wisetete Vasiriya ngu kuzama txikuluveta, avale vo rumwa va to wuya ve ta zivisa ka mfumeli.

Genesisi 31:1

Sekoko Jakobe a to engisa mapswi a vanana va Labhani va nga ti ti kha vona: “Jakobe a tekile sotshe si i nga ti sa tate wathu, wotshe wudhumo.”

Hoseya 5:13

Ngako Efrayime a di woni malwati akwe ni Judha txilonda txakwe, Efrayime a to kweletela eya Asiriya, se e rumela mtumi ka mfumeli Jerebhi; Kambe ene kha na mbi sikota ku mi kalamukisa ni kuholisa silonda sanu.

Isaya 13:6

Pekani huwa nguko ditshiku da Mkoma di hafuhi; di ta ngu ka wu wa Mtamo-wotshe kuta haxula.

Isaya 17:4

Se ka ditshiku donedo ku na hungulwa wudhumo wa Jakobe, ni mafura a mmidi wakwe ma na txutxeka.

Isaya 26:14

Va txi fa vona, kha va na mbi tshumela ve hanya; va txifa, kha va na mbi wuka; ngu toneto, u va endete, u va lovisile, u fuvisa ni ku va alakanya ka kona.

Isaya 29:6

U na endelwa ngu Mkoma wa Mabutho a Tiyimbi, ngu kudhinda, ni kuzinginika ka mafu, ni diguwa da hombe, ni kupeka ka txihuhuri, ni txingulu, ni m'dhikila wa mndilo wo tshokomisa.

Isaya 30:5

Vona va nawa tingana, ngu vathu va ku kha va na mbi va mahela txilo, hambi ngu txivhuno mwendo dibhindu, aniko va nawa tingana ni kuxowoka.

Isaya 30:7

Nguko Egipta a na va vhuna walo, se va si hoki ka magwito a txilo, ngu toneto, ni dite ngu mhaka yiya: Kumalalani kwawe, ku nava ni mtamo wawe.

Jeremiya 4:30

Konkuwa koko, u na maha txani, awe u nga hasamulwa kani? Hambi u txi ambala txiwunguwungu, u txi ti bombisa ngu wukhetikheti wa nzalama ni kungako u txo penda maso ako ngu Antimoniya, wo ti bombisela walo. Sigango sako sa kunyenya, si lava ku kudaya.

Jeremiya 9:9

Ina ani na mbi va tsayisa ngu mhaka ya sona siya kani? Kuwomba Mkoma. Ni na ti pharelela ka ditiko do nga diya kani?

Jeremiya 22:7

Ni na kudhanela valovisi, mmweyo ni mmweyo a na va ni matxhari akwe, va na ganga mikedhari yako yo tshura, va txi yi tshotsha mndiloni.

Hoseya 9:5

Mi na maha txani anu ka ditshiku da mpipi ni ka ditshiku da m'buso wa Mkoma kani?

Mika 7:4

Wa txukwana kwawe a fana ni mpa; wo lulama a pinda ni mndonga wa mipa; di tshuketile ditshiku da kutsayiswa ka vawoneleli vako, kutile kuendelwa kwako; konkuwa ku nava ni pfilu-pfilu.

Isaya 28:20

Nguko m'bhedhu wu na koma ngutu, aha ko ni wammweyo kha na kusikota kunavalata ka wona; ni didhamba di na songa, aha ko ni wammweyo kha na ku sikotako ku ti fenengeta ngu dona.

Amosi 5:19

Ku nga m'thu wo tutuma masoni ka ngonyamo, se eya tshangana ni txikakaka, mwendo ku nga o wulela nyumbani, e veka diwoko hadisetani, se e lumwa ngu mnyoka.