Isaya 10:26 - Bhiblia Yo Sawuleka

²⁶ Nguko Mkoma wa Mabutho a Tiyimbi, a na guleta ndonga yakwe txitimwi kwawe, kufana ni kudawelwa ka Midhiyani, hafuhi ni dirigwi da Orebhi, kufana ni kule a nga guleta ndonga yakwe txitimwi ka linene, a na yi guleta kambe kufana ni tile ti nga maha ka Vaegipta.

Isaya 10:26 Referans Kwoze

Isaya 9:4

Nguko awe u funyile dikange dile di nga ti nemela txitimwi kwakwe, ni limhika lile li nga ti va peka makatani kwakwe, ndonga ya mxanisi wawe, kufana ni disthiku da Vamidhiyani.

Valamuli 7:25

Se va to ñola vafumeli vambidi va Vamidhiyani, Orebhi ni Zehebhe; va to daya Orebhi dirigwini ka Orebhi, va txi daya Zehebhe nzekani ka Zehebhe. Va to hinga Vamidhiyani, va txi neha msungo wa Orebhi ni wa Zehebhe, va txi ta nayo ka Gidhiyoni, mitxhatuko ka Jordhani.

2 Vafumeli 19:35

Ku to maheka ti to ka wona wusiku wule, kuhuma ngelozi ya Mkoma yi peka 185.000 wa va Asiriya dizumboni kwawe; ni mixo mbimo yile va nga wuka vale va nga huluka, va to wona sirumbi.

Eksodha 14:16

Awe, guleta ndonga yako, u txi nawuluta dianza dako, u txi di komba txitimwi ka linene, u txi li abanisa, ti to vanana va ka Israyeli va txi tsimbila mu ko oma, ngu hagari ka linene.

Mtuletelo 19:15

Ngu mkanani kwakwe kuhuma ditxhari do lotwa kasi kuwila mifumo ngu dona. Ngene a no yi gola ngu ndonga ya simbi ya wukoma: Ngene a no rukuta nzeka ya vhinya ya kuhenya ko thisa ka Txizimu txa mtamo wotshe.

Mtuletelo 11:18

Mifumo yi ti ti kwatile, aniko kuhenya kwako kuhokile, i mbimo yo lamula vafi, I mbimo yo ninga hakhelo ka vaprofeti sithumi sako, ni ka vasawuleki vako va va thavako ditina dako, vavadotho ni vahombe, I mbimo kambe ya kufuvisa avava va nga onhisa mafu.”

Isaya 11:16

Se ku nava ni nzila ya hombe ka miboti ya vathu vakwe avale va nga sala ditikoni da Asiriya, kufana ni tile ti nga maheka ka Israyeli, ditshiku dile va nga huma ngu ditikoni da Egipta.

Isaya 10:24

Ngu kumaha keto, Mkoma, Txizimu txa Mabutho a Tiyimbi, a khene: Mi nga thaveni anu vathu vangu, mi zumbako Siyoni, Asiriya hambi a txi mi peka ngu ndonga, ni kuguleta m'gomba wakwe e mi wukela, ngu mamahelo a Vaegipta;

Masalmo 83:11

Maha ka manganakana awe nga ti u nga maha ka Orebhi ni Zehebhi; maha ka tinduna tawe nga ti u nga maha ka Zebha ni Tshalimuna,

Masalmo 35:23

Vhumuka u wuka uya kulamulwani kwangu, kasi kuya ni emela, Txizimu txangu ni Mkoma wangu!

Isaya 30:31

Nguko Asiriya a na khundumuswa ngu dipswi da Mkoma, a ngadi peka ngu ndonga.

Isaya 9:3

Awe u andisile vathu vava, u engetete kutsaka kwawe, votshe va na tsaka masoni kwako, ku nga tile va tsakisako tona va di kufunyelani, ni ti va tsakisako tona va di kuabanelani ka sile va nga handa.

Isaya 30:30

Se Mkoma a na pfalisa wudhumo wa dipswi dakwe, kambe a na wonekisa kurelela ka diwoko dakwe, ni kupandiseka ka txiviti, ni m'dhikila wa mndilo wakwe wo tshokomisa, ni nyangafula, ni ndambi, ni marigwi a maralala.

Isaya 30:32

Se ngu kupeka kumweko ni kumweko ka ndonga ya wulamuli ayi Mkoma a no peka ngu yona, ku nava ni singomana ni tiharipa; se ni kulwa ka pfilu-pfilu, ku na va wukela.