Isaya 10:24 - Bhiblia Yo Sawuleka

²⁴ Ngu kumaha keto, Mkoma, Txizimu txa Mabutho a Tiyimbi, a khene: Mi nga thaveni anu vathu vangu, mi zumbako Siyoni, Asiriya hambi a txi mi peka ngu ndonga, ni kuguleta m'gomba wakwe e mi wukela, ngu mamahelo a Vaegipta;

Isaya 10:24 Referans Kwoze

Isaya 61:3

ni kurumete ka votshe vale va dilako Siyoni, kasi ku va sanzeka m'bhoti wukhaloni ka dikhuma, ni ku va tota mafura a kutsaka wukhaloni ka kudila, ni ku va ambeka wudhumo hahanze ka moya wo xupheka, kasi kuve dhanwa ku mindonga ya kululama, yi nga phaywa ngu Mkoma, kasi ku e mana kudhumiswa.

Isaya 37:6

Se Isaya a to va gela ku khene: Wombani tiya ka nyamne wanu: Mkoma a womba tiya: U nga thave mapswi ale u nga ma pfa, ale si nga ni ruketela ngu ona sithumi sa mfumeli wa Asiriya.

Isaya 46:13

Na tshuketisa wululamo wangu, kambe kha wu na mbi va kule, ni kuhanyisa kwangu kha ku na mbi swela; aniko ni na veka kuhanyisa kwangu kona Siyoni, ni wudhumo wangu kona Israyeli.

Isaya 37:22

dipswi di a ngadi womba Mkoma madingano ni Senakeribhe, ngu diya: Mwanana wotuma wa dihorana wa Siyoni, wa kutxhipisa, kambe wa kupoyilela; mwanana wa muhorana wa Jerusalema wa zinginisa msungo msana kwako.

Isaya 35:4

Gelani va va pandisekako timbiluni, mi txi khanu: Tsanani, mi nga thaveni! Wonani taku Txizimu txanu txi nata, ku ta mi photela, ni txhatxazelo ya Txizimu; txona txi nata, txi ta mi hanyisa.

Isaya 30:19

Nguko vathu va na zumba Siyoni, kona Jerusalema; khu na mbi dila kambe; ngu ditshuri a na kupfela wusiwana, ka dipswi da kudila kwako; se a txi dipfa, a na kuxamula.

Isaya 27:7

Ina ene a ngava a di dayisile Israyeli, kufana ni tile a nga dayisisa tona vale va nga m'dayia kani? Mwendo ene a va date kufana ni tile a nga dayisa tona vale va nga dawa ngu ngene kani?

Isaya 14:29

U nga tsake, awe ditiko dotshe da Vafilista, ngu kule yi nga funywa ndonga yile yi nga ti ku peka, nguko amu ka mtwi wa mnyoka ku na huma txifofo, se m'hando wa kona i nava mnyoka wo tura, wu purumako.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Isaya 10:5

Dikhombo ka Asiriya, ndonga ya kuhenya kwangu! Nguko txiviti txangu txi fanana ni ndonga manzani kwakwe.

Isaya 9:4

Nguko awe u funyile dikange dile di nga ti nemela txitimwi kwakwe, ni limhika lile li nga ti va peka makatani kwakwe, ndonga ya mxanisi wawe, kufana ni disthiku da Vamidhiyani.

Isaya 4:3

Se wule a no sala Siyoni ni wule a no zumba Jerusalema, va na dhanwa ku “vasawuleki”: Votshe vale va nova va di bhatwe hagari ka vahanyi va Jerusalema.

Eksodha 14:9

Vaegipta va to va londeta, va di ni otshe mahantxhi ni sikotxikani sa kona a mfumeli Faro, ni vagadhi va kona va mahantxhi ni dibutho da kona da yimbi, avava va nga ya va manela va di govile hafuhi ka linene, i ku hafuhi ka Pi-Hayiroti, masoni ka Bhahali-Zefomi.

Eksodha 5:14

Se vathangeli va ka Israyeli va to kwapelwa, avale vatsimbitisi va Faro va nga ti va vekile, na va txi kha vona: “Ngu kutxani nyamnova ni nyamsi, mi nga mbi heta kumaha sitini kufana ni kale kani?”

Isaya 7:4

Se u na khawe kwakwe: Ti wonele, u ti malalela; u nga thave, ni mbilu yako yi nga gume mtamo, ngu mhaka ya sikhwemu simbidi sa misonje, si pukukako wutshi, ngu mahaka ya kuhenya ka Rezimi, ni ka Siriya, ni ka mwana Remaliya.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 30:32

Se ngu kupeka kumweko ni kumweko ka ndonga ya wulamuli ayi Mkoma a no peka ngu yona, ku nava ni singomana ni tiharipa; se ni kulwa ka pfilu-pfilu, ku na va wukela.

Isaya 51:13

Kambe wa divala Mkoma wu a nga kuvanga, awu a nga nawuluta nzuma ni kumaha makhato a mafu, u zumbela kuthava masiku otshe, ngu mhaka ya tshofu ya mxanisi, a txi ti longisela kuya haxula kani? Ku hani kuhenya ka wule a nga ti kuxanisa kani?

Mika 5:5

Se awuwa a na va kudikha kwathu. Mbimo yile Asiriya a nota ditikoni kwathu, ni mbimo yile a no pinda ngu txitimwi ka tinyumba tathu ta wukoma, hi na emisa mtxhanu wa vadyisi, ni mtxhanu wa vakoma ni vararu hagari ka vavamna, kasi kulwa nayo.

2 Vafumeli 19:6

Isaya a to khene: Wombani tiya ka nyamne wanu: Mkoma a khene: U nga thave mapswi ale u nga ma pfa, ale si nga ni ruketela ngu ona sithumi sa mfumeli wa Asiriya.