Isaya 10:21 - Bhiblia Yo Sawuleka

²¹ Miboti yi na hunduluka, ina, miboti ya ka Jakobe yi na tshumelela ka Txizimu txa mtamo.

Isaya 10:21 Referans Kwoze

Isaya 9:6

Nguko hi veleketwe mfana, hi ningilwe mwanana wa mfana; se wukoma wu txitimwi ka makata akwe; ditina dakwe a na dhanwa ku Didhota do Xamalisa, Txizimu txa Mtamo, Tate wa Mbimo Yotshe, Mkoma wa Kudikha.

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Hoseya 14:1

Awe Israyeli, hundulukela ka Mkoma, Txizimu txako; nguko u wite ngu sionho sako.

Hoseya 7:16

Vona va wuya, kambe kha va wuyeli Nyatxitimwi. Va ti mahile kufana ni wulaho wo kanganyisa; vathangeli vawe va dawa ngu ditxhari, ngu mhaka ya wulala wa lidimi lawe; atiya ti nava txisekiso ditikoni ka Egipta.

Hoseya 7:10

Se kutikulisa ka Israyeli mbu fakazi masoni kwakwe; hambi keto, kha va na mbi tshumelela ka Mkoma, Txizimu txawe, hambi ku mlava ka totshe tiya.

Hoseya 6:1

Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu.

Isaya 55:7

M'bihi a na leke nzila yakwe, m'thu wa kwa mbi lulama a na leke mipimiso yakwe, se a na hundulukele ka Mkoma, ene a na mpfele wusiwana; a na tshumelele ka Txizimu txathu, nguko nja hombe ngutu mu ko divalela.

Isaya 19:22

Se Mkoma a na dayisa Vaegipta e tshumela e va hanyisa; va na hundulukela ka Mkoma, ene a na engisa mikombelo yawe, e va hanyisa.

Isaya 9:13

Hambi keto, vathu vava, kha va tshumelela ka wule a va lwisako, kha va lava Mkoma wa Mabutho a Tiyimbi.

Isaya 7:3

Sekoko Mkoma a to khene ka Isaya: Humani konkuwa, awe ni mwanako Seyari Jasubhi, mi hingeta Akazi, mi na ya mmana magwito ka mlonga wa hombe, ka nzila yi yi ku hafuhi ni thembwe ya mkuwuli.

Isaya 46:3

Ni engiseni anu va nyumba ya Jakobe, ni motshenu mi nga sala va nyumba ya ka Israyeli; anu ni nga mi khutarela ngu mawoko kukhukhela mndani, ni mi beleka kukhukhela mndani ka mame.

Ezra 1:4

Se ni vahi vale va no ya zumba ve luvela ka wukhalo wokari, vavamna va wona wukhaloewo va na m'vhuna ngu silivhela ni nzalama, siya, sifuyo, ni siningo simwani va no ti lava kuningela Nyumbani ka Txizimu, txi txi zumbako Jerusalema.

Isaya 37:31

Nguko avale va nga huluka va nyumba ya ka Judha, vale va nga sala, va na tshumela ve zima mikoloti hahatshi, kambe va na wonekisa mihando txitimwi.

Isaya 59:20

Se ku nata Muhanyisi ka Siyoni, ni ka va ka Jakobe avale va nga leka tinzila to biha, kuwomba Mkoma.

Jeremiya 50:20

Ka ona masikuyo ni ka yoneyo mbimo, kuwomba Mkoma, ku na xotwa wubihi wa Israyeli aniko kha wu na mbi manwa, hambi sionho sa Judha kambe kha si na mbi maneka, nguko ni na divalela ava ni no va siyeta.