Isaya 10:19 - Bhiblia Yo Sawuleka

¹⁹ Se mindonga yi yi salako txitingani kwakwe, yi na va ya yidotho, ti to hambi mwanana a nga sikota kubala.

Isaya 10:19 Referans Kwoze

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 21:17

Se mtengo wule wu no sala wa vafuli, tindena ta vanana va ka Kedhari, wu na hungulwa, nguko a wombisile eto Mkoma, Txizimu txa ka Israyeli.

Isaya 32:19

hambi kutxiwa maralala, kuwiswa ni txitinga, ni didhoropa di na wiswa do gwita.

Jeremiya 44:28

Se avale va no huluka ditxhari va na khukha ngu ditikoni ka Egipta va txiya ditikoni ka Judha, na i ti vadotho ngu mtengo; se yotshe misalela ya ka Judha yile yi nga wulela ditikoni ka Egipta, kuya luvela kona, yi na tiziva taku ngu kuhi kuwomba ku nga tatiseka, ngwangu mwendo ngwawe.

Isaya 13:12

Ni na maha ti to m'thu eva ni lisima ngutu, kupinda nzalama ya yinene, kupinda nzalama yo hehuka ya Ofiri.