Isaya 10:13 - Bhiblia Yo Sawuleka

¹³ Nguko a khene: Ni mahile eto ngu mtamo wa dianza dangu, ni wutxhari wangu, nguko ni txharihile; Ani ni thavisile mihingano ya vathu, ni handa tithomba tawe, kufana ni ndena, ni wisile vale va nga ti situluni ka wukoma.

Isaya 10:13 Referans Kwoze

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Dhewuteronome 8:17

ngu toneto, u nga wombe mbiluni kwako u txi khawe: “Mtamo wangu ni mtamo wa manza angu, ngu wona wu nga ni manisa thomba yiya.”

Habhakuki 1:16

Ngu toneto, wa phaxa likokani kwakwe, ni kuhisa dibaselo mabambe ka likoka; nguko ngu sona si nonisako txyavelo txakwe, se ni sakudya sakwe si maha sasingi.

Amosi 6:13

Anu mi ti tsakiswako ngu ta walo, anu mi ku khanu: Ina athu kha ha ti maha tindena ngu mtamo wathu kani?

Amosi 5:27

Aniko, na mi tshutisa wukhumbini na i si nga Dhamasku, Kuwomba Mkoma, a wu ditina dakwe i ku Txizimu txa Mabutho a Tiyimbi.

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Ezekhiyele 26:2

Awe mwanana wa m'thu, nga kule Tiro a nga khene ka Jerusalema: Yowe! Yowe! Di fayilwe ditimba da vathu; di rendekete kwangu; ni na talelwa, aniko ene a xasetwe!

Ezekhiyele 25:3

Se i nda khawe ka vanana va ka Amoni: Engisani dipswi da Mkoma Txizimu: Mkoma Txizimu a khene: Ngako awe u nga khawe: Yowe! Yowe! Madingano ni nyumba yangu yo sawuleka, mbimo yile yi nga nyenyeziswa; ni mhaka ya ditiko da ka Israyeli, mbimo yile di nga xaselwa; ni mhaka ya va nyumba ya ka Judha, mbimo yile va nga yiswa wukhumbini;

Isaya 10:8

Nguko a khene: Vathangeli vangu votshe hi nga vafumeli kani?

1 Makronika 5:26

Ngu kumaha keto, Txizimu txa Israyeli, txi to dhana moya wa Puli, mfumeli wa Asiriya, ni moya wa Tigilati-Pileseri, mfumeli wa Asiriya, ti to ve yisa wukhumbini va ka Rubheni, ni va ka Gadhi, ni hafu ya lihunzu la ka Manasi; se va to va yisa ka Hala, ni ka Habhori, ni ka Hara, ni ka mnambo wa Gazani, kala ka ditshiku da nyamsi.

2 Vafumeli 18:32

Kala mbimo yile ni nota mi heleketa ka ditiko do fana ni danu, ditiko da fulaho ni vhinya, ditiko da dipawu ni mindonga ya mihando, ditiko da miolivha, da mtona ni wulombe; se mi na hanyiseto kha mi na mbi fa; mi nga mu engiseni Ezekhiya, nguko wa mi kujetela a txi khene: Mkoma a na hi txhatxhisa.

2 Vafumeli 18:15

Ngu kumaha keto, Ezekhiya a to ningela yotshe silivhela yi yi nga maneka Nyumbani ka Mkoma, ni sisangalani ka nyumba ya mfumeli.

2 Vafumeli 18:11

Se mfumeli wa Asiriya a to teka Israyeli e mtsulisa Asiriya; kambe a to va maha ve tsuliswa Hala ni Habhori, hafuhi ni mnambo wa Gozani, ni ka madhoropa ya Vamidhiyani.

2 Vafumeli 17:24

Se mfumeli wa Asiriya a tisile vathu ngu Bhabheli, ni Kuta, ni Avha, ni Hamati, ni Sefarivhayimi, e ta va akisa madhoropani ka Samariya, wukhaloni ka vanana va ka Israyeli; va to teka Samariya e maha thomba yawe, ve zumba ka madhoropa a kona.

2 Vafumeli 17:6

Ka dilembe da digumi ni mune, da kufuma ka Hoseya, mfumeli wa Asiriya a to honyola Samariya, se va ka Israyeli a to va tsulisa Asiriya, kota tikhumbi, eya va veka Hala ni Habhori, hafuhi ni mnambo wa Gozani, ni mu ka madhoropa a Vamidhiyani.

2 Vafumeli 16:8

Se Akazi a to teka silivhela ni nzalama, si nga txi maneka Nyumbani ka Mkoma, ni sisangalani ka nyumba ya mfumeli, e rumela kota txiningo ka mfumeli wa Asiriya.

2 Vafumeli 15:29

Ka masiku a Peka, mfumeli wa ka Israyeli, a tile Tigilati-Pileseri, mfumeli wa Asiriya, e ta honyola madhoropa ya Ijomi, ni Abheli-Bheti-Mahaka, ni Janowa, ni Kedhesi, ni Hazori, ni Gileyadhi, ni Galileya, ni dotshe ditiko da Naftali, a va yisa Asiriya.

Jeremiya 46:8

Egipta a ti fananisa ni Nilo, mati a kona ma tsimbilako nga minambo; a nje khene: Ni na guleka, ni fenengeta mafu, ni hasamula didhoropa, ni vale va zumbako ka dona.

Jeremiya 48:14

Mi nga wombisa kutxani mi txi khanu: Hi tindena hi ni mtamo wa kulwa kani?

Ezekhiyele 35:13

Anu mi ti mahile vahombe kwangu; ani ni ti pfite.

Habhakuki 2:6

Ina koko kha va na mbi mu wukela votshe vava, ngu likaringani ni wombelo yo mnemetisela, va txi kha vona: Dikhombo ka wule a andisako asi i singako sakwe (kala yihi mbimo!) Ni wule a ti rwekako sikweneti apune.

Valamuli 7:2

Se Mkoma a to womba ka Gidhiyoni a txi khene: “Vathu vava u ku navo mbangi gutu, kasiku ani ni txi ningela Vamidhiyani manzani kwawe.” Nguko va ka Israyeli va nga ti guleta va txi kha vona: “Ngathu hipune hi nga ti hulukisa ngu manza athu.”

Mavingu 28:11

Nyatithombe a ti wona a di txharihile apune; aniko txisiwana txile txo txhariha, txi na mtumbula.

Isaya 5:21

Dikhombo ka vale va alakanyako to va txharihile, ni kutithemba kupinda mpimo.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Habhakuki 1:11

Sekoko, va na pinda kufana ni moya, ve kanda, se va txi ti ninga m'nandu, va txi kha vona mtamo wa txizimu txawe.