Isaya 10:1 - Bhiblia Yo Sawuleka

¹ Dikhombo ka vale va vekako milayo yo mbi lulama, ni vabhali vale va bhalako milayo yo xanisa vathu.

Isaya 10:1 Referans Kwoze

Luka 11:52

Mi na ni dikhombo, anu vagondisi va Mlayo, nguko mi tekile khiya ya tigondo, se anu kha ma wulela, kambe mi tsimbile ava va nga txi lava kuwulela.”

Matewu 23:23

“Mi na ni dikhombo, anu vabhali ni nanu Vafarisi, vaxengeteli, nguko ma dihela sa wugumi ka nyatximbowane ni ka dianetha ni ka dikumina, kambe kha mi khatali ngu ditshina da Mlayo, i ku kululama, wumbilu ni kuthembeka. Mi ti ni fanelo ya kumaha tiya, mi si leki ni tona tile.

Johani 19:6

Mbimo yi vaphaxeli va hombe ni sithumi va nga mu wona, va to kwangula, va txi kha vona: “M'bethele! M'bethele! Ha txihambanoni, mu bethele ha txihambanoni!” Pilato a to va gela, a txi khene: “Mtekeni anu mi txi ya mu bethela, nguko ani kha ni woni mnandu kwakwe.”

Johani 9:22

Vaveleki vakwe va wombisile tiya ngu kuthava Vajudha. Nguko vona Vajudha va ti langanile tito, ngako m'thu wokari a txi womba ti to Jesu ngene Mesiya, a na tovelwa disinagogani.

Habhakuki 2:6

Ina koko kha va na mbi mu wukela votshe vava, ngu likaringani ni wombelo yo mnemetisela, va txi kha vona: Dikhombo ka wule a andisako asi i singako sakwe (kala yihi mbimo!) Ni wule a ti rwekako sikweneti apune.

Isaya 5:8

Dikhombo ka vale va ku ni tinyumba ni tinyumba, va ku ni tithomba ni tithomba, kuza ku si maneki ni wukhalo, va txi zumbisa ku nga ova vona vokha ha mafuni!

Judha 1:11

Va na ni dikhombo, nguko va tsimbila ngu nzila ya Kayini; ngu kulunzwa ngu kuhola male, va ti ningete ka manyala a Bhalahamu, se ve ti lovisa ngu kukaneta ko fana ni ka Kora;

Matewu 26:24

Mwanana wa M'thu a na tsula nga ti ti nga bhaliswa tona, aniko dikhombo da wule ene Mwanana wa M'thu a no ningelwa ngu ngene! Ti ndi nava i di txhuko, ngako mthuyo a ti sa velekwa!”

Matewu 23:29

“Mi na ni dikhombo, anu vabhali ni Vafarisi, vaxengeteli, mi akelako mayiva a marigwi vaprofeti, mi txi tshurisela mayiva a valulami, mi txi khanu:

Matewu 23:27

“Mi na ni dikhombo, anu vabhali ni Vafarisi, vaxengeteli, nguko mi fana ni mayiva a kupendwa ngu mhemba, ma tshurako hahanze, kasi mndani ka ona ma tate ngu marambu a vafi ni lotshe lixaka la nzambwa.

Habhakuki 2:12

Dikhombo ka wule a akako didhoropa ngu mnoha, kambe a tsanisako didhoropa ngu wubihi.

Habhakuki 2:9

Dikhombo ka wule a sengeletako tithomba to ti mana ngu mamahelo awalo, kasi kuveka txisaka txakwe txitimwi, a txi mahela ku ti txhatxhisa ka dianza do biha.

Mika 6:16

Nguko mi txi xayisa sileleto sa Omiri, ni yotshe mithumo ya nyumba ya Akabhi, ni nanu mi tsimbila ka milayo yawe; kasiku ani ni kumaha dirumbi, ni vahanyi vako ve va mloti; ngu kumaha keto mi na wuyisa txiruko txa vathu vangu txitimwi kwanu.

Matewu 11:21

“Dikhombo dako, Korazini! Dikhombo dako, Bhetsayidha! Nguko sidiwukiso si si nga mahwa kwanu, idiku si ti mahilwe madhoropani ka Tiro ni Sidhoni, nga va di kombile kale kuhunduluka kwawe, ngu kuambala masaka ni kutola dikhuma.

Habhakuki 2:19

Dikhombo ka wule a gelako ndonga a txi khene: Wuka! Se ni ka dirigwi da txiduma a txi khene: Vhumuka! Ina toneto ti nga gondisa kani? Wona ti to txi tshuletwe ngu nzalama ni silivhela, aniko hagari ka txona kuwalo moya ni wa wudotho.

Habhakuki 2:15

Dikhombo ka wule a ningako vhinya mngana wakwe! Awe u mtshuketiselako msava wako u mlevisa, kasi kuwona wumbwiri wakwe.

Jeremiya 22:13

Dikhombo ka wule a akako nyumba yakwe ngu kwa mbi lulama ni sibhiya sa kwa mbi na madingano; awu a thumisako m'thu-kulowe asi mu holeli, ni kambe kha m'diheli tile a mmahelako.

Isaya 5:18

Dikhombo ka vale va ndindako wubihi ngu dijoke, va ndindako sionho ngu majoke a kutikulisa, o ndinda ngu ona sikotxikani!

Isaya 3:11

Dikhombo ka vakubiha! Nguko va na ningwa hakhelo ya mithumo ya manza awe.

Masalmo 58:2

Aniko, mi luka makuhu mbiluni, mi wusa mazunga ha ditikoni ngu manza anu.

Isaya 5:11

Dikhombo ka vale va wukako ni mixo ve londisela sa kusela, va selako kala ni wusiku, yiza vhinya yi txi va hisa.

1 Vafumeli 21:13

Sekoko kutota vavamna vambidi, i ku vanana va Bheliyali, va txi ta ema masoni kwakwe; se vavamna vale, vananevo va Bheliyali, va to wukela Nabhote, masoni ka vathu va txi kha vona: Nabhote a ruketete Txizimu, ni mfumeli. Se va to tsula nayo hahanze ka didhoropa va txi ya m'balisela ngu marigwi, a txi fa.

Isaya 3:14

Mkoma a thethisa madhota a vathu vakwe kumweko ni vathangeli vawe; nganu mi nga onha thembwe yiya ya m'vhinya; asi mi nga honyola ka sisiwana si maneka tinyumbani kwanu.

Isaya 5:23

Dikhombo ka vale va emelako m'bihi ngu kuxavelela, se awule wo lulama ve mlambela kululama!

Isaya 29:21

avale va ningisako mnandu m'thu ka mhaka yokari, avale va riyako mlawu ka wule a kawukako ha txikeni, ni vale va vekako walo didhawa wule wo lulama.

Isaya 59:4

Ku walo ni wammweyo a pfalisako kululama, hambi ni wammweyo wo maneka kulamulani ka ditshuri; va themba manyala, ni kutsimbila ve womba-womba makuhu; va khura sirumbu sa mithumo, aniko ve veleka wubihi.

Isaya 59:13

hi nga hambukisa kutxani, hi hembela Mkoma, hi khukha ka Txizimu txathu, ni kuwombawomba to xanisa vamwani hi hundulukela kwako, makungo athu ni tile hi ti wombako, makuhu dwe.

Eksodha 23:3

u nga emele txisiwana ka mhaka yo wekela.

Eksodha 23:6

U nga jikise mhaka ya txisiwana kulamulwani ka txona, ngako yi di lulamile.

Amosi 2:7

Va tsaka ngutu ngu kukandetela sisiwana hahatshi, va gombonyekisa tindzila ta va vo lulama; dijaha ni tate va wulelete dihorana dimwedo, kuve nyamisa ditina dangu.