Isaya 1:7 - Bhiblia Yo Sawuleka

⁷ Mafu anu ma mahile txisapa, madhoropa anu ma hisilwe ngu mndilo; vathu vamatiko va mi tekete ditiko, na mi txi ti wona; di mahilwe txiwula ngu vathu vamatiko.

Isaya 1:7 Referans Kwoze

Sidilo 5:2

Thomba yathu yi ningetwe ka vamatiko, miti yathu yi tekilwe ngu vanyamthuyoyo.

Dhewuteronome 28:43

Awule i ku mluveli a zumbako hagari kwanu, a na humelela ngutu txitimwi kwako, se awe u na wa ngutu hahatshi.

Dhewuteronome 28:33

Mihando ya thembweni kwako ni ya mithumo yako yotshe, yi na dyiwa ngu vathu vale u si va ziviko, kambe awe u na xaniswa u txi xuphwa otshe masiku.

Hoseya 7:9

Vamatiko va mu haxulete ngu mtamo, kambe ene kha ti zivi; ni wunvi u mite txitimwi kwakwe, aniko ene kha ti zivi.

Ezekhiyele 30:12

Kambe ni na omisa minambo, ni xavisa ditiko, ni txi di ningela manzani ka va tshofu, se ni na fuvisa ditiko ni mipfuno ya dona, ngu manza a vamatiko; ani Mkoma ni wombile.

2 Makronika 28:5

Mkoma Txizimu txakwe txi to mningela manzani ka vafumeli va Siriya. Vasiriya va to mxasela ve teka ni vathu vakwe ve va yisa Dhamasku. Akazi a to ningelwa manzani ka mfumeli wa va ka Israyeli, se Vaisrayeli va to mxula.

Hoseya 8:7

Nguko va phayile mimoya, se va na funyela singulu, kha ku na thembwe; fulaho kha yi na mbi veleka mafaka; kambe ngako yi txi veleka mafaka, ona ma na dyiwa ngu vamatiko.

Jeremiya 6:8

Hunduluka, awe Jerusalema, kasi ni si ku tshuraleli, ni txi kumaha dirumbi, ditiko di kuwalo muaki.

Jeremiya 2:15

Tingonyamo tiwete txitimwi kwakwe ti txi bhonga-bhonga ngu dipswi da tona, ti bhandelela ditiko dakwe; miti yakwe yi hisilwe; kha ku na m'thu a zumbako ka yona.

Isaya 34:9

Se sinambwana sakwe si na hinduka si maha mraka, ni lithulu lakwe li na maha txivavula, se mafu akwe ma na maha mraka wo tura.

Isaya 9:5

Nguko otshe matxhari a vale va nga lwa yimbini, ni syambalo sile si nga phutela mnoha, si na rinzwa mndiloni, si txi hiswa.

Isaya 6:11

Sekoko ani ni to khani: Kala yihi mbimo kani Mkoma? A to xamula a txi khene: Kala kuza madhoropa me maha marumbi, kupwateka ni vaaki, ni tinyumba ti si nga ni vathu, ni ditiko dotshe di maha dirumbi.

Isaya 5:17

Sekoko sinvutana si nadya kona, kufana ni kuva si txi dya libalani ka sona; ni vawuyi va na dya ka makhalo a vamatiko.

Isaya 5:9

Mkoma wa Mabutho a Tiyimbi, a to khene tinzeveni kwangu: Ngu ditshuri tinyumba tatingi ti na maha marumbi, tinyumba ta hombe, totshura ti na pwata vathu.

Masalmo 107:39

Vona va hungutwe ve maha vavadotho ngu mhaka ya sixaniso, makhombo ni sikarato.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Levhi 26:34

Sekoko ditiko di na vekisa Masabbata a dona, mndani ka otshe masiku ale di no va i di txiwula, mbimo yi anu mi no va mi di ditikoni ka valala vanu; se ditiko di na humula di txi vekisa Masabbata a dona.

Levhi 26:33

Ni na mi hangalasa amu matikoni, ni txi mi fuvisa ngu matxhari, ditiko danu di na maha txiwula, madhoropa anu ma na maha marumbi.

Dhewuteronome 29:23

se dotshe ditiko di hyite ngu txivavula ni mnyu, kha di na mbiswa di txi phawa txilo, kha di na mbiswa di txi mila txilo, hambi ni mwasi kha wu na mbiswa wu txi mila, ku nga kuloviswa ka Sodhoma ni Gomora, Adhimi ni Zebhoyimi, madhoropa ale Mkoma a nga ma lovisa ngu kuhenya kwakwe ni txiviti txakwe;”

Masalmo 109:11

Vatxenekisi vakwe va na mtekele sotshe si a ku naso, kasi kudiha minandu; vanyamthuvo va na hande asi a nga thuma ngu manza akwe.

Isaya 1:8

Se mwanana wa muhorana wa Siyoni a fana ni m'dhuti wa thembweni ka mivhinya; kufana ni m'dhuti wa thembweni ka maranga; kufana ni didhoropa do randelwa ngu valala.

Isaya 3:8

Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

Isaya 9:18

Nguko kubiha kuhisa ku nga mndilo, kuhoxota sitinga ni mipa, ina, kudhivela sitinga so txhuma, se wutshi wu kwelela ku nga marefu.

Isaya 49:19

Nguko siwulani kwako, ni marumbini kwako, ka ditiko dako do hoxotwa, u na ti wona, konkuwa u di kamilwe ngu vaaki, ni vale va nga ku kakatxula va na ya kule ni nawe.

Isaya 60:15

Na i si nga kutxhipiswa ni kunyenywa kule u nga mahelwa kona, kuhoka ha ko ni wammweyo asi pindi ngu kwako, ni na veka kwako kudhundeka ka kwa mbi gwita, kuzumbiseka ka liveleko ni liveleko.

Isaya 62:8

Mkoma a xambanyile ngu dianza dakwe da txinene, ni diwoko dakwe da mtamo, a txi khene: Kha ni na mbiswa kambe ni ningela fulaho yako ka valala vako, hambi va mamwani matiko kha va na mbi sela vhinya yako, yile u nga ti thumela.

Isaya 64:10

Madhoropa ako o sawuleka ma mahile txiwula; Siyoni a mahile txiwula, Jerusalema a xasetwe.

Jeremiya 4:7

Ngonyamo yi humile txigotoni ka yona, ni m'hasamuli wa matiko, a khukhile wukhaloni kwakwe kasi kuhangalasa ditiko dako, a hasamula a madhoropa ako ti taku ku si ngadi kuakwa ka ona.

Jeremiya 7:34

Madhoropani ka Judha, ni mu magondoni ka Jerusalema, ni na malata dipswi da kuzumbiseka, ni dipswi da litsako, ni dipswi da mteki, ni dipswi da mtekiwa; nguko ditiko di na maha dirumbi.

Jeremiya 44:6

Ku thekete koko, kuhenya kwangu ku txi tura txitimwi ka madhoropa a Judha, ni mu ka tinzila ta hombe ta Jerusalema; ona ma to maneka i ti siwula ni sihala nga ti ma wonekisako tona nyamsi.

Ezekhiyele 25:4

wona taku ni na kuningela uva thomba ya va Wutxani, va na tsanisa mazambo awe kwako, ve aka tinyumba tawe kwako; va na dya mihando yako, ve sela masi ako.

Mika 5:11

ni na khundumusela madhoropa a ditiko dako, ni ku wisetela yotshe mikhokhola yako;

Mika 6:13

Ngu toneto, ani nani ni na kuheta mtamo, ni kudayisa, ni ku kuhoxota ngu mhaka ya sionho sako.