Isaya 1:6 - Bhiblia Yo Sawuleka

⁶ Kukhukhela hahatshi ka mkondo kala ha msungo, kha ku na txilo txi txi hanyako kha kwati; mmidi wotshe wu tate ngu silonda ni kusimba, ni mazuku a silonda so sina so mbi kuwulwa, hambi kusungelelwa; ni ku nakaniswa ngu mafura.

Isaya 1:6 Referans Kwoze

Jeremiya 6:14

Kha va khatala kuthuma tivandwa ta vathu vangu va txi kha vona: Kuthuthile, kuthuthile! Na ku si nga ni kuthutha.

Matewu 9:12

Jesu a to va engisa, se e va xamula a txi khene: “Hi nga vale va ku ni wutomi ava va lavako ñanga, aniko ngu vale va lwalako.

Jeremiya 33:6

Wona, taku ni na tisa txitimwi ka dona, wutomi ni kuhanya, ni va kalamukisa, kambe ni na va komba wungi wa kuthutha ni ditshuri.

Luka 10:34

Se a di mu tshuketete, a to mu bhanditxha silonda sakwe, msana ko si thela mafura ni vhinya; se a di mu gadhisile ha mbongolani kwakwe, a mu heleketile ka nyumba ya vapfhumba, eya mu xayisa kona.

Malakiya 4:2

Aniko kwanu anu mi thavako ditina dangu, ku na huma ditambo da wululamo, se wuhulukisi wu na va hahatshi ka tibhapi ta dona; kambe mi na huma mi txi ndaka-ndaka ku nga marole hahanze ka txibala.

Masalmo 77:2

Mbimo ya sikarato, na kombela ka Mkoma; ni wusiku, na guleta manza angu ni txi khongela, ni si karali; moya wangu kha wu mani thavelelo.

Jobe 5:18

Nguko txa veka tivandwa, kambe txipune txa sungelela silonda; txa dayisa, aniko manza a txona ma kalamukisa.

Nahume 3:19

Kha ku nga ni mrende wo kalamukisa txilonda txako; mbanga yako yo panda ngutu, votshe vale ngu ditshuri va no pfa nduma yako va na ku bhwabhwatela manza, nguko i mani wule wu nga mbi pinda ngu kwakwe wubihi wako kani?

Jeremiya 30:12

Nguko Mkoma a khene: Mbanga yako kha yi kalamuki, hambi m'zoko wako kha wu holi.

2 Samuwele 14:25

Kambe hagari ka votshe va ka Israyeli, ku si ngani wamwamna wo tshura ngutu ni nduma kufana ni Abhisalome; kukhukhela hahatshi ka mkondo kala ha msungo, asi ngani txibawa ni txa tximwetxo.

Isaya 30:26

Kuwoninga ka mtxima ku na fana ni kuwoninga ka ditambo, se kuwoninga ka ditambo ku na engetelwa ka mtxhanu ni kumbidi, kufana ni kuwoninga ka mtxhanu wa masiku ni mambidi, ka ditshiku dile Mkoma a no sungelela mule ku nga phatukela, ni kukalamukisa silonda sa kona.

Jeremiya 17:9

Se mbilu mkanganyisi kupinda sotshe silo, yi sinile; i mani a no yi ziva kani?

Jeremiya 6:7

Nga txisima txi txi humisako mati, kuhumisa tonato kubiha ka dona. Kuzoriyetana ni kuonhetela ka pfala ka dona, kulwa ni tivandwa siho masoni kwangu, ngu ha ku si gwitiko.

Jeremiya 30:15

Ngu kutxani u ketiswako ngu mbanga yako kani? Kambe kupanda kwako kha kumalali. Ngu mhaka ya kukula ka wubihi wako, ni wungi wa sionho sako, ni ku mahete siya silo.