Isaya 1:4 - Bhiblia Yo Sawuleka

⁴ Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.

Isaya 1:4 Referans Kwoze

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Jeremiya 2:17

Ina khwa ti vangela dikhombo upune! Nga ha u nga leka Mkoma Txizimu txako, ahawa ene a nga kuthangela nzilani kani?

Jeremiya 2:13

Nguko vathu vangu va mahile kubiha kumbidi: Va ni lekile ani txisima txa mati ma hanyako, ve ti akela mathange ma ku ni tifa, ma si sikotiko kuxayisa mati.

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Matewu 3:7

Mbimo yi a nga wona Vafarisi ni Vasadhusi va txi lava ku ta bhabhatiswa ngu ngene, a txi khene kwawe: “Lixaka la timamba i mani a nga mi laya, ti to mi thava txiviti txi txi tako kani?

Jeremiya 7:19

Kasi ngani va ni henyisako kani? Kuwomba Mkoma. Kha va njo ti wusela tingana vona vapune kani?

Jeremiya 2:19

Kubiha kwako ku na kutsayisisa, u pekwa ngu wubihi wako, ngukonaho, ti zive ku tibihile kuleka Mkoma, Txizimu txako. Ni kwa mbi thava ka tisa kupandiseka, kuwomba ene apune Mkoma Txizimu txa Mabutho a Tiyimbi.

Isaya 5:19

Va txi kha vona: A na kuluvete e heta mthumo wakwe, kasi ku hi wu wona; wu nate wudhota wa Msawuleki wa Israyeli, kasi ku hi na wuziva!

Vakolosa 1:24

Se ani na tsaka, ni tsakela sixaniso si ni si amukelako ngu mhaka yanu, ni txi eneta nyamani kwangu ati ti nga ti sate kuxanisekani ka Kristu, ni mahela Mmidi wakwe, i ku Dibanza.

1 Vakorinto 10:22

Hi lava kuhenyisa Mkoma, kani? Ina hi ni mtamo kupala ene, kani?

Matewu 23:33

Minyoka-nu, lixaka la timamba! Mi na hulukisa kutxani kuavanyiswani ka gehena?”

Matewu 11:28

Ngonani kwangu, motshenu mi nga karala, mi nemelwako ngu mrwalo, ani ni na mi humuta.

Ezekhiyele 16:33

Otshe mabhoyi ma hakelwa, aniko awe u ninga somaha ka sotshe sigango sako; kambe u mahela ti to va nate ngu ka otshe madhawa, ngu wugelegele wako.

Jeremiya 51:5

Nguko Isreyeli ni Judha kha va lekwa ngu Txizimu txawe, ngu Mkoma wa Mabutho a Tiyimbi, hambi i ti ku ngako ditiko dawe di di tate ngu sionho masoni ka wo Sawuleka wa Israyeli.

Jeremiya 50:29

Bhabhilona mu rambeleni vamatiko votshe va va dombako malaho; vekani mazumbo anu madhawani kwakwe, ku nga huluke ni wammweyo; a na tshumetelwe madingano ni mthumo wakwe, nga tona tile a nga maha, mmaheleni toneto, nguko a wukete Mkoma ngu ku ti gwilikisa, a wukete wo Sawuleka wa Israyeli.

Jeremiya 7:26

Aniko kha va ma engisa, hambi ku riya tinzeve; va to bangisa tithamo tawe, ve maha kubiha kupinda ni vatate vawe.

Jeremiya 2:33

Eto u tshurisisako tona ma lavelo ako a lirando! Uza u gondisa ni vavasikati va wubhemba tinzila tako.

Jeremiya 2:31

Anu va liveleko liya, engisani dipswi da Mkoma! Ina mwendo ani ni khala ku va txiwula ka Israyeli kani? Mwendo kuve ditiko da txidema kani? Ngu kutxani vathu vangu va txi: Hi txhusekile; kha hi na mbiswa hi txita kwako kani?

Jeremiya 2:5

Mkoma a khene: Mbubihi muni va nga wu wona kwangu vatate vanu kani? Aku va dhawukanako ni nani kani? Va londetela sifananiso si si vhuniko txilo, ve maneka va si nyawuli.

Isaya 65:3

vathu va va ni henyisako masoni kwangu yotshe mbimo, va phaxelako va di tithembweni, ve hisa dibaselo txitimwi ka sitini;

Isaya 41:20

kasi ku votshe ve ti wona, se ve tiziva, ve tumela, ni kupfisisa kumweko tito, dianza da Mkoma di nga maha tiya, ni Msawuleki wa Israyeli a nga si vanga.

Isaya 41:16

Awe u na si tsetseta, se moya wu na si purumisa, txihuhuri txi na si hangalasa; aniko awe u na tsaka ka Mkoma, u na ti dhumisa ka Msawuleki wa Israyeli.

Isaya 41:14

U nga thave, awe txipungwana txa Jakobe, sivathwana sa ka Israyeli; ani na kuvhuna, kuwomba Mkoma, kambe Mtiruli wako Msawuleki wa Israyeli.

Isaya 37:23

U sote mani, niku u ruketete mani kani? Niku u kwangute u txi wukela mani, kambe u gulete mani maso kani? U wukete Msawuleki wa Israyeli!

Isaya 30:15

Nguko Mkoma Txizimu, Msawuleki wa Israyeli, a khene: Ngu kuhunduluka ni kuthutha, ku ndi na maneka kuhanyiswa kwanu; kuzumbisekani ni mu ka kuthemba, ku ndi na maneka mtamo wanu, aniko kha ma ti lava.

Isaya 30:9

Nguko vathu vava mba kaneti, mbanana vo womba-womba makuhu, vanana vo mbi lava kuengisa Mlayo wa Mkoma.

Isaya 29:19

Se avale vo dikha va na tsaka txitimwi ka kutsaka ka Mkoma, ni sisiwana si na tsakela Msawuleki wa Israyeli.

Isaya 14:20

Khu na mbi tshotshwa kumweko navo, nguko u haxute ditiko dako, u dayela vathu vako, lihunzu la va kubiha kha li na mbi khumbukwa.

Isaya 10:6

Ni na mruma ku yalwa ni ditiko da wubihi, ni mleleta kuya wukela vathu vale ni nga va henyela, ku va handa ni ku va honyola siya sawe, se ni va veka ti to ve kandetelwa ku nga ndope ya tinzilani;

Isaya 3:8

Nguko Jerusalema a khavilwe ni ditiko da Judha di wite, nguko lidimi lawe ni mithumo yawe silwa ni Mkoma, ve sola wudhumo wakwe.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Masalmo 89:18

Nguko Mkoma m'vhikeli wathu. Kambe Msawuleki wa ka Israyeli, i ku ene Mfumeli wathu!

Masalmo 78:40

Nzikhati singahi va nga eyisa Txizimu txiwulani va txi txi pandisa mbilu ditikoni mule ka kuoma!

Masalmo 78:8

va si fani ni vatate vawe, i nga ti liveleko la sindaka-milayo, siphukuphuku i ku liveleko li nga mbi xayisa mbilu ya lona, ni moya wa lona wu nga mbi thembeka ka Txizimu.

Masalmo 58:3

Vobiha va ti hambukisile kukhukhela kuvelekwani kwawe; avale va wombako makuhu va phazamile kukhukhela ha wananani kwawe.

Valamuli 10:10

Sekoko vanana va ka Israyeli va to peka huwa ka Mkoma, va txi kha vona: “Hi kuonhete, nguko hi tshuralete Txizimu txathu, hi thumela va ka Bhahali.”

Dhewuteronome 32:19

Mkoma a ti woni toneto, e henya, a txi xamukiswa ngu vanana vakwe vavafana ni vamahorana;

Dhewuteronome 31:16

Se Mkoma a wombile ka Mosi a txi khene: Wona, u hafuhi ni kutsula u txi ya humula kumweko ni vatate vako; se vathu vava, va na khukha va txi ya maha wugango ni simwani sizimu sa ditiko dile u lavako kuwulela ka dona. Vona va na ni leka va txi ndaka mlayo wa txitumelelano, txi ni nga txi sunga navo.

Dhewuteronome 29:25

Sekoko vathu va na xamula va txi kha vona: “Nguku va nga hambana ni txitumelelano txa Mkoma, Txizimu txa vatate vawe, atxi a nga ti mahile navo mbimo yile a nga va thavisa ditikoni ka Egipta;

Mitengo 32:14

Se anu vathu va sionho, anu mi nga teka wukhalo wa vatate vanu, kasi ku miya masoni ngu kuturisa kutsukula ka Mkoma, e hambana ni Isayeli.

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Mtuletelo 18:5

nguko sionho sakwe si tshutshutile kala nzumani se wubihi wakwe wu alakanyilwe ngu Txizimu.

Isaya 12:6

Anu vaaki va Siyoni, tsakani mi peka mikulungwani nguko Msawuleki wa Israyeli mbwa hombe hagari kwanu.

Nehemiya 1:7

Athu, ngu ka totshe hi kuonhete, kambe kha ha xayisa milayo yako, hambi sileleto, mwendo sirumo si u nga leleta Mosi, txithumi txako.

Masalmo 71:22

Ngu toneto, ni lava ku kudhumisa ngu kuveta haripa, ni txi dhumisa wuhombe wako, Txizimu txangu; ni lava ku ku embeleta ngu kuveta txitende, Txizimu txa Israyeli.

Isaya 1:28

Aniko sindaka-milayo ni votshe vaonhi; va na khundumuselwa; ni vale va nga leka Mkoma va na tshokomiswa.

Isaya 9:17

Ngu toneto, Mkoma kha na mbi tsakiswa ngu majaha a dona, kambe kha na mbi va ni wusiwana ni vo felwa ngu vaveleki, ni tinoni, nguko votshe mba magwava, ni wubihi, sotshe sisofu si womba-womba wuphukuphuku. Se ngu mhaka yiya yotshe, kuhenya kwakwe kha ku pindi, aniko dianza dakwe di ngadi nawulutilwe.

Isaya 31:2

Hambi keto kambe, nene ana ni wutxhari, a na tisa wubihi, kha na mbi tshumeta mapswi akwe; a na wukela nyumba ya vamahi va kubiha, ni sivhuno sa vale va mahako kubiha.

Isaya 57:17

Ngu mhaka ya wubihi wa likungo lakwe, ni henyile, ni va peka; ni to barama, ni henya; aniko sindaka-milayo si to tsimbitisa ngu nzila ya kuranda ka mbilu ya sona.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Isaya 65:11

Aniko kwanu mi nga leka Mkoma, mi divalako mmango wangu wo sawuleka, mi lugisako meza ya Gadhi, se mi patelako vhinya yo lumba Meni,

Jeremiya 15:6

U ni lekile, kuwomba Mkoma, u tshumelete msana. Ngu konaho, ni nawulutile dianza dangu, ni kulovisa. Ni karate ngu ku kudivalela.

Jeremiya 32:32

Ngu mhaka ya wubihi wotshe wa vanana va ka Israyeli ni vanana va ka Judha, awu va nga wu maha kasi ku ni henyisa, vona ni vafumeli vawe, ni vathangeli vawe, ni vaphaxeli vawe, ni vaprofeti, ni vathu va ka Judha ni vaaki va Jerusalema.

Ezekhiyele 14:5

kasi kuñola nyumba ya ka Israyeli mbiluni kwakwe, va to tsula kule ni nani, ve londeta sithombe sawe.

Ezekhiyele 16:45

Awe u mwanana wa dihorana wa mwamwako, a nga ti ti lekile mwamna wakwe ni vanana vawe; se awe u mwanawe wa vananu, vale va nga ti ti lekile vamna vawe ni vanana vawe; mwamwanu i ti ti Muheti, kambe tate wanu i ti ti Muamori.

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Zefaniya 1:6

ni va va lekako kulondeta Mkoma, ni vale va si laviko Mkoma, hambi ku wotisa txilo ngu ngene.

Eksodha 32:7

Sekoko Mkoma a to khene ka Mosi: Tsula, relela, nguko vathu vako, avale u nga va humisa ditikoni da Egipta, va onhile.

Dhewuteronome 32:5

Akuwa va nga onhela Txizimu, hi nga ngadi vanana va txona, ngu vona va ku ni mnandu, liveleko lo gombonyeka ni la makuhu.

2 Vafumeli 21:22

Ngu kumaha keto, a to leka Mkoma, Txizimu txa vatate vakwe, se kha tsimbila ngu nzila ya Mkoma.

2 Makronika 12:1

Ku to maheka koko taku, mbimo yile Robhowamu a nga tsanisa wukoma, a to leka Mlayo wa Mkoma, ene ni votshe va ka Israyeli.

2 Makronika 27:2

Se a to maha ti i ngadi ta tinene masoni ka Mkoma, a to maha totshe ku nga tile a nga mahisa tona tate wakwe Uziya, futhi kha wulela ka mithumo ya dithepeleni ka Mkoma, vathu va to ya masoni ngu kuonha.

Masalmo 78:41

Va to tshumelela msana, ve duka Txizimu; sambe va kanakanile ngu wo Sawuleka wa ka Israyeli!

Masalmo 78:57

Va tshumelete msana, ve eyisa Txizimu kufana ni vatate vawe; va ti jikisile kufana ni wulaho wo gombonyeka!

Isaya 30:1

Dikhombo ka vanana va i ku vakaneti, kuwomba Mkoma, ava va nga mana wudhota, va si wu mani kwangu! Kambe va nga ti vhikela ngu txivhikelo txova i si nga Moya wangu, kasi kuengetela txionho ka txionho.