Isaya 1:31 - Bhiblia Yo Sawuleka

³¹ Se m'thu wa mtamo a na fana ni wufemu wa txikwenga, ni mthumo wa kona wu na fana ni tshatsha ya mndilo, aniko va na tura ngu wumbidi wawe, kupwateka ni wo va timela.

Isaya 1:31 Referans Kwoze

Isaya 66:24

Se va na huma ve wona sirumbi sa vathu vale va nga ni tshuralela; nguko mbungu yawe kha yi na mbi fa, hambi mndilo wa kona kha wu na mbi timeka; se si na maha ti to votshe vathu ve thava.

Malakiya 4:1

Nguko wonani taku ditshiku dile, dita di txi tura nga m'dhikila; votshe va va ti kulisako ni votshe va va mahako wubihi, va na nga mwasi, se ditshiku di di nota di na va tshokomisa, kuwomba Mkoma wa Mabutho a Tiyimbi, taku kha di na mbi va siyela mkoloti, mwendo didhavi.

Ezekhiyele 32:21

Avale va mtamo ngutu hagari ka tindena, va na mu angula va di hagari ka mndilo, kumweko ni vale va mu emelako: Va relete, va koneyo vale va makhutu, va datwe ngu ditxhari.

Mtuletelo 20:10

Dhiyabhulosi wu a nga ti va xengetela a to vinzwa txizivani ka mndilo ni txivavula, amu se txi nga ti ti kona txikalani ni mprofeti wa makuhu. Va na zumba ve dyiswa mihumbo wusiku ni mitshikari, ngu hawa ku si gumiko.

Mtuletelo 19:20

Kambe txikalani txi to ñolwa kumweko ni mprofeti wa makuhu, awu, ngu kuthumela txikalani, a nga ti mahile sixamaliso so kanganyisa ngu sona vale va nga amukela txixambanyo txa txikalani, ve khozela txithombe txa txona: Txikalani ni mprofeti wa makuhu va to rinzwa, va txi hanya, digovani ka mndilo, wu turako ngu txivavula.

Matewu 3:10

Kambe ndzanga yi vekilwe ha mikolotini ka mindonga. Ngu toneto, mndonga wuhi ni wuhi wu si velekiko mihando ya yinene, wu na gangwa wu tshotshwa ha mndiloni.

Isaya 50:11

Anu motshenu mi dhivelako mndilo, se mi ti ranganyeta ngu titshatsha, tsimbilani hagari ka midhikila ya mndilo wanu, ni hagari ka titshatsha tile mi nga ti dhivela; eto ti ta ngu ka dianza dangu, kambe mi na zumba kuxanisekani.

Isaya 43:17

wule a nga tisa txikotxikani ni dihantxhi, dibutho da yimbi ni mtamo; vona va wite kumweko, kha va na mbiswa ve wuka; va fuvisilwe, va timekile kufana ni ngoti ya dilambu.

Isaya 33:14

Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?

Isaya 27:4

Kha ku nga ni kuhenya kwangu; i mani a ndi no veka sitxhotxhota ni mipa masoni kwangu yimbini kani? Ani ni ndi na va wukela, ni va hisa.

Isaya 26:11

Mkoma, dianza dako di guletilwe, hambi keto, kha va di woni; va na di wona, hambiko va no kanganyiseka, ngu mhaka ya ku u pfelako vathu vako; kambe mndilo wu na tshokomisa valala vako.

Isaya 9:19

Ngu mhaka ya kuhenya ka Mkoma wa Mabutho a Tiyimbi, ditiko di na phuma, vathu va na nga tikhuni ha mndiloni; kha ku nga ni kudivalela mkwawe.

Isaya 5:24

Ngu toneto, va na loviswa, kufana ni titshava ti txi hiswa ngu mndilo, va na fana ni kuhiswa ka mwasi wa kuoma, se mkoloti wawe wu na sina, ni siluva sa kona si na puruma ku nga lithulu; Nguko va lekile Mlayo wa Mkoma wa Mabutho a Tiyimbi, ve eyisa dipswi da Msawuleki wa Israyeli.

Valamuli 15:14

Se ngako a di hokile Leki, Vafilista va to m'hingeta, va txi giya ngu litsako; aniko Moya wa Mkoma wu to ta kwakwe ngu mtamo, se majoke ale va nga ti msungile ngu ona mawoko, ma to nyivilika nga tihinza ta linyu ti nga hiswa, se ni sifundo sa majoke si to thukunyuka mawokoni kwakwe, si txi wa.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Isaya 4:4

Mbimo yi Mkoma a no kuwula nzambwa ya mwanana wa dihorana wa Siyoni, ni kubahula mnoha wa Jerusalema hagari ka dona, ngu moya wo lulama ni wa kuhisa.

Isaya 24:6

Ngu mhaka yeto, txiruko txa heta mafu, se avale va hanyako ka ona, va na koneka; ngu mhaka yeto, vaaki va ha mafuni, va na hiswa, mbadotho ava va no sala.

Isaya 33:11

Mi khuri txirumbu txa mwasi wa kuoma, mi na veleka mwasi wa kuoma, moya wanu wu na mi tshokomisa nga mndilo.

Isaya 66:17

Avale va ti sawulekisako ni ku tibasisa amu tithembweni vamwani ni vamwani, avale vadyako nyama ya khumba, ni kutinyenyezisa, ni dikonzo, va na loviswa kumweko, kuwomba Mkoma;

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.