Isaya 1:30 - Bhiblia Yo Sawuleka

³⁰ Nguko mi na fana ni mndonga wa mkusu, awule mazokoro a wona ma wako, mi fana ni thembwe yo pwata mati.

Isaya 1:30 Referans Kwoze

Matewu 21:19

Se a to wona mkuwu hafuhi ni nzila, a txi wu tshuketela, aniko kha mana txilo ka wona, hahanze ka mazokoro. Konaho, a to womba, a txi khene: “Yi nge ngadi yi velekwa mihando kwako!” Se kunukunuko mkuwu wu so oma.

Ezekhiyele 17:24

Ngu kumaha keto, yotshe mindonga ya txitinga yi na tiziva taku ani Mkoma, ni date mndonga wo lapha, ni guletile mndonga wo koma, ni omisile mndonga wo nakana, ni nakanisa mndonga wa kuoma; Ani Mkoma ni wombile, kambe ni na ti maha eto.

Jeremiya 31:12

Vanata va txi embelela ngu litsako aniya mmangoni ka Siyoni, ve tutumela wunene wa Mkoma, amu ka fulaho, ni vhinya, ni mafura, amu ka tihambana ni marole, dihika dawe di na fana ni thembwe yi yi nga nakaniswa, kha va na mbiswa ve dhindirika.

Isaya 58:11

Se Mkoma a na ku thangela yotshe mbimo, e khurisa muhefemulo wako ka makhalo a txihala, kambe a na tsanisa marambu ako; se u na fana ni thembwe yo theletelwa mati, ni ku nga txisima txi mati a txona ma si phwiko.

Isaya 5:6

Thembwe yi na maha txiwula, kha yi na mbi sakatwa, hambi kudimwa; kambe ku na mila txipopo ni mipa; ni na leleta marefu ti to ma si nisi nzuma txitimwi ka yona.

Genesisi 12:6

Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

Isaya 64:6

Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.

Isaya 64:5

Wa hingeta vale va tsakelako kumaha kululama, avale va ku alakanyako amu ka tinzila tako, wona taku, u hi henyete, nguko hi onhile;