Isaya 1:3 - Bhiblia Yo Sawuleka

³ Homu ya ziva nyamne wa yona, ni mbongola ya wu ziva mkawu wa nyamne wa yona; aniko Israyeli kha zivi txilo, vathu vangu kha va pfisisi txilo.

Isaya 1:3 Referans Kwoze

Jeremiya 8:7

Hambi nyawukolwe wa ndengalengani, wa ziva timbimo takwe. Dituva, ni nyawukolwe ni mbeluvelu, sa ziva mbimo yo tshumela ngu yona. Aniko vathu vangu kha va zivi milayo ya Mkoma.

Jeremiya 4:22

“Nguko vathu vangu va bharukile: Kha va ni zivi; vanana vo mba ziva, na va si nga ni kupima. Vona va txharihile kumaha kubiha aniko kha va sikoti kumaha wunene.”

Isaya 44:18

Kha va zivi txilo, hambi kupfisisa txilo; nguko va vhalekile maso, kasi ku va si woni, ni mbilu kasi ku va si pimi txilo.

Isaya 5:12

Sitende ni tiharipa ni singomana, ni titshodi, ni vhinya, siho mu ka mibuso yawe ya hombe, kha va khatali ngu mthumo wa Mkoma, hambi kuwona mithumo ya manza akwe.

Varoma 1:28

Se aku va nga mbi lava kuziva txilo ngu didhawa da Txizimu, txona Txizimu txi va ningete ka mialakanyo yawe yo mbi vhuna txilo, veza ve maha ti ti si lavekiko.

Masalmo 94:8

Anu sipumbu, mi na gonda mbimo muni kani? Anu vathu va mahundwa, mi na ziva mbimo muni, kani?

Isaya 27:11

Mbimo yile madhavi a kona ma no oma, ma na funywa; vavasikati va nata ma dhivela, nguko vathu vava, hi nga vathu vo pfisisa; ngu toneto, wule a nga m'va nga kha na mbi mpfela wusiwana, ni wule a nga muwumba, kha na mbi va mahela wumbilu.

2 Pedro 3:5

Kambe vona va maha khakwenye, va txi nga vo ti timelela tito: I kale yi diho nzuma ni mafu, mafu awa ma nga thaviswa ka mati, ma txi vekwa hagari ka mati ngu Dipswi da Txizimu.

Mavingu 6:6

Tsula u ya wonana ni titshokoti, awe mkara; wona tinzila ta tona, u na txhariha.

Jeremiya 10:14

Ngako va txi si wona vathu ve ema, va txi kaye, va si zivi txilo, ni vamahi va nzalama ve wiswa tingana ngu sifananiso sawe so vatwa; nguko sifananiso sawe makuhu, kha si nga ni dihika.

Jeremiya 10:8

Votshe va bharukile ni kwa mba ziva, gondo ya sifananiso njo tanda.

Matewu 13:19

Ngako m'thu a txi engisa dipswi da Mfumo, asi di engisisi, kuta m'bihi e ta fukula asile si nga ti phayilwe mbiluni kwakwe; awuwa njifananiso txa mbewu ya kuwela ha nzila.

Isaya 5:13

Ngu kumaha keto, vathu vangu va na yiswa wukhumbini ngu mhaka ya kwa mbi ziva, vathangeli vawe va na fa ngu nzala, ni dibutho da vathu di na oma ngu ditora.

Isaya 56:11

Se timbwa tiya nda limito, kha ti na kukhura; vona mbadyisi vo mbi pima txilo; votshe va tshumelela tinzilani kwawe, mmweyo ni mmweyo ka matshanza akwe, mmweyo ni mmweyo ngu dakwe didhawa.

Ezekhiyele 16:30

Mbilu yako kha ya tsana, kuwomba Mkoma Txizimu: U mahile totsheto i ku mithumo ya dibhoyi da nduma!

Dhaniyeli 9:11

Ina, votshe va ka Israyeli va ndakile milayo yako, va hambukile, va si engisi dipswi dako; ngu kumaha keto, txiruko, ni txixambanyo si si nga bhalwa ka Mlayo wa Mosi, txithumi txa Txizimu, si tshakunutilwe txitimwi kwathu; nguko hi kuonhete.

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Mavingu 28:5

Vathu vo biha kha va ti zivi to lulama, kambe avale va xotako Mkoma va ti pima totshe.

Isaya 42:20

Awe wa wona so maha sasingi, aniko khu si vekisi; hambi u di tute tinzeve, khu engisi txilo.

Jeremiya 35:16

Nguko vanana va Jonadhabhe, mwana Rekabhi, va xayisile sirumo sa tate wawe, asile ene a nga va laya, aniko vathu vava kha va ni engisa,

Jeremiya 50:6

Vathu vangu ndinvuta to mwalala, vadyisi va tona ngu vona va nga ti mwalata, va ti lekile ti txi pengela kuya mimangoni, ti si alakanyi kutshumelela dizumboni ka tona.