Biblia Todo Logo
Bib sou entènèt

- Piblisite -




Isaya 1:28 - Bhiblia Yo Sawuleka

28 Aniko sindaka-milayo ni votshe vaonhi; va na khundumuselwa; ni vale va nga leka Mkoma va na tshokomiswa.

Gade chapit la Kopi




Isaya 1:28
38 Referans Kwoze  

Nguko Mkoma wa yi ziva nzila ya valulami, kambe nzila ya vabihi yi yisa kulovani.


Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”


Ngu mhaka yeto, wubihi wuwa kwanu, wu na nga diseta di di ku ni lifa, do humisa mrumbu kukhukhela txitimwi ngutu, adiya kuwa ka dona, ku nota ngu txidhukisa.


Ina hi nga kutimela ka m'bihi, ni phango ka vale va mahako to biha kani?


Kasi nzuma ni mafu sa konakuwa, si veketilwe ngu dona Dipswi, si txi rinzela mndilo, si txi rinzela ditshiku do lamulwa ni da kuloviswa ka vathu va va si khataliko ngu Txizimu.


Mbimo yi vathu va no kha vona: “Ka ho kudikha ni kukhaliseka,” nguyo mbimo ku no humelela dikhombo ngu txidhukisa hagari kwawe, kota nga wamsikati, ngako a txi lumwa; kha va na mbi sikota kupona.


Se va na huma ve wona sirumbi sa vathu vale va nga ni tshuralela; nguko mbungu yawe kha yi na mbi fa, hambi mndilo wa kona kha wu na mbi timeka; se si na maha ti to votshe vathu ve thava.


Aniko kwanu mi nga leka Mkoma, mi divalako mmango wangu wo sawuleka, mi lugisako meza ya Gadhi, se mi patelako vhinya yo lumba Meni,


Anu motshenu mi dhivelako mndilo, se mi ti ranganyeta ngu titshatsha, tsimbilani hagari ka midhikila ya mndilo wanu, ni hagari ka titshatsha tile mi nga ti dhivela; eto ti ta ngu ka dianza dangu, kambe mi na zumba kuxanisekani.


M'thu wule a ku a txi kawukwa ko tala e ti bangisa msungo, a na phatulwa ngu txikuluveta, asi kalamuki.


Aniko avale va hambukako ve londisa tinzila to gombonyeka Mkoma a na va lovise kumweko ni sigevenga. Kudikha ku nave ni va ka Israyeli!


Sigohi si na loviswe ha mafuni! Vabihi va na mwalale. Ni lava kudhumisa Mkoma ngu wotshe moya wangu! Dhumisani Mkoma.


Kha ditshuri, Mkoma, valala vako va na fuviswa, votshe vabihi va na hangalaswa.


Nguko ava va zumbako kule ni nawe va na lova; awe wa va fuvisa votshe vale va ku phikizako.


Aniko vaonhi votshe va na fuviswa; liveleko la vabihi li na loviswa.


U kawukile mahedheni, u lovisile vabihi, u pfhita matina awe, kala kupinduka.


wa fuvisa ava i ku vamakuhu. Wa nyenya sigevenga ni vakanganyisi.


Se awe mwanangu Solomoni, ziva Txizimu txa tate wako, u txi thumela ngu mbilu ya yinene, ni mhefemulo wo txhatxheka; nguko Mkoma wa xola totshe timbilu, ni kupfisisa totshe timhaka ta mialakanyo; se ngako u txo mlava, u na mmana; kambe ngako u txi mleka, a na kulamba kala kupinduka.


Kambe ngako mi txi ya masoni ngu kumaha to biha, anu ni mfumeli wanu mi na lova.


Dikhombo ka ditiko da vaonhi, vathu votala ngu wubihi, lihunzu la mikhuwo yo biha, vanana vo hundeka! Va lekile Mkoma, ve ruketela Msawuleki wa Israyeli; va tshumelete msana.


Mafu otshe ma na dhedhereka kufana ni didevi, kambe ma na zinginiswa, me thaviswa ni wusiku, nga mtxhatxha; se wuhambunyeti wa ona wu na ma nemelela, ma nawa, ma si wuki kambe.


Vaonhi va Siyoni, va na thava, kudhudhumela kukhakhetile vakanganyisi. I mani hagari kwathu a no zumba ni mndilo wu wu tshokomisako kani? I mani hagari kwathu a no zumba ni midhikila ya kwa mbi gwita kani?


Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.


Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.


Avale va ti sawulekisako ni ku tibasisa amu tithembweni vamwani ni vamwani, avale vadyako nyama ya khumba, ni kutinyenyezisa, ni dikonzo, va na loviswa kumweko, kuwomba Mkoma;


Awe Mkoma u kuthemba ka Israyeli; votshe va va ku lekako va na wa tingana. Votshe va va khukhako kwangu va na bhalwa txivhunyeni; nguko va lekile Mkoma wu i ku Txizimu txa mati a wutomi.


Ni na teka misalela ya Judha, va nga veka tikhohe tawe kuve va txi na wulela Egipta, kasi kuya luvela kona, se va na ya guma votshe ditikoni ka Egipta; va na hetwa ngu ditxhari, ni kufa ngu nzala; va na hetana kukhukhela ka mwanana kala ka wa hombe; ngu ditxhari ni nzala va na fa: Va nava txisekiso ni txixamaliso, txiruko ni txinyenyeko.


I mani i ku txhari, kasi ku e pfisisa timhaka tiya kani? Wo txhariha kasi ku e tiziva kani? Nguko tinzila ta Mkoma ndo lulama, se vo lulama va na tsimbila ka tona, kambe vo biha va nawa ka tona.


Ngu maha yeto, va ka Edhomi va to wukela mfumo wa ka Judha kala ka ditshiku da nyamsi; ka yoneyo mbimo Libhina nene a to vhutuka, nguko Jehoramu a ti ti lekile Mkoma Txizimu txa vatate vakwe.


Peka mwana Remaliya, a to daya 120.000 wa vavamna va ka Judha ngu ditshiku dimwedo, hambi ku votshe i nga ti tindena, ngu ku va lekile Mkoma Txizimu txa vatate vawe.


Nguko a to phaxela ka sizimu sa Dhamasku, sile si nga mxula, se a nje khene: Ngako sizimu sa vafumeli va Siriya si nga va vhuna, ni na si mahela miphaxo, kasi ku si na ni vhuna. Aniko si to va lovisa vona, ni va ka Israyeli.


Txa va tsayisa nga ova vaonhi, va di masoni ka vale va va wonako;


nguko va tsute kule natxo, kambe kha va londeta ni nzila yimweyo ya Txizimu,


Kambe athu hotshethu hi fana ni m'thu wa kwa mbi basa, kotshe kululama kwathu kufana ni txigwanda txa nzambwa; se athu hotshethu ha mora kufana ni mazokoro, ni minandu yathu ya hi handa kufana ni moya.


Swiv nou:

Piblisite


Piblisite