Isaya 1:27 - Bhiblia Yo Sawuleka

²⁷ Siyoni a na hulukiswa ngu wululamo, ni vale va wuyelako kwakwe ngu kululama.

Isaya 1:27 Referans Kwoze

Isaya 63:4

Nguko ditshiku da kuphota di mbiluni kwangu, ni dilembe da vo tirulwa vangu di hokile.

Isaya 62:12

Se a na va dhana taku mbathu vo sawuleka, avale va nga tirulwa ngu Mkoma, se awe u na dhanwa ku Wo lavwa, Didhoropa di di nga mbi lekwa!

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Titosi 2:14

Ene a ti ningete ngu mhaka yathu, kufela ku hi tirula ka wotshe wubihi, kasiku ene e ti basisela ngamu yi yi no va i di yakwe, ayi yi khutalako amu ka mithumo ya yinene.

2 Vakorinto 5:21

Kristu kha ziva txionho, kambe Txizimu txi mmahile txionho ngu kota yathu, kasiku athu hi txi maha volulama masoni ka Txizimu ngu kota yakwe.

1 Vakorinto 1:30

Txona ngu txona txi nga hi tshanganisa kumweko ni Jesu Kristu, awule a nga ti maha wutxhari wathu wa kuta ngu ka Txizimu, ni kululama kwathu ni kusawulekiswa kwathu ni kutirulwa kwathu;

Isaya 35:9

Eho kha ku na mbi va ni ngonyamo, hambi txihari txa tshofu, kha txi na mbi tsimbila ngu yona, kambe kha txi na mbi maneka ka yona; aniko vale va nga tirulwa, va na tsimbila ngu yona.

Isaya 35:10

Se ava va nga tirulwa va Mkoma, va na tshumela veya Siyoni ngu kutsaka; kambe kutsaka ko mbi gwita ku nava txitimwi ka misungo yawe; va na mana mathomo ni litsako, kambe kupandiseka kwawe ni miketo si na tutuma.

Isaya 51:4

Ni engiseni anu vathu vangu, ni ditiko dangu! Riyani tinzeve kwangu, nguko mlayo wu na huma ngu kwangu, ni kululama kwangu ku na maneka i ti liwoningo la vathu.

Isaya 52:3

Nguko Mkoma a to khene ka vathu vakwe: Kha ma xaviswa ngu txilo; kambe mi na tirulwa, na i si nga ngu male.

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Hoseya 2:19

Se ni na kuteka u va msikati wangu ngu ha ku si gwitiko; na kuteka ngu kululama, ni wulamuli, ni wumbilu, ni wunene.

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.