Isaya 1:26 - Bhiblia Yo Sawuleka

²⁶ Se ni na kutshumetela valamuli vo fana ni vale va kale; ni madhota o fana ni ale o khata; sekoko, u na dhanwa ku u didhoropa do lulama, didhoropa do thembeka.

Isaya 1:26 Referans Kwoze

Zakariya 8:3

A womba tiya Mkoma: Ni na tshumela ni ya Siyoni, se ni na ya zumba hagari ka Jerusalema; se Jerusalema a na dhanwa ku didhoropa da ditshuri, ni mmango wa Mkoma wa Mabutho a Tiyimbi, wu na dhanwa ku mmango wo sawuleka.

Jeremiya 33:7

Ni na wuyisa va vo ñolwa va ka Judha ni Israyeli, ni na va akisa nga kale.

Mtuletelo 21:27

Ka dona kha ku na mbi thuka ku txi wulela ni txihi txilo txa nzambwa, hambi va va mahako to nyenyeza ni vamakuhu. Va na wulela dwe avale va nga bhalwa dibhukuni ka wutomi wa Txinvutana.

Zakariya 8:8

se ni na va wuyisa ve ta zumba hagari ka Jerusalema; va na va vathu vangu, aniko ani ni na va Txizimu txawe, ngu ditshuri ni kululama.

Zefaniya 3:13

Miboti ya Israyeli kha yi na mbi maha wubihi, hambi kuwombawomba makuhu, ni mkanani kwawe kha ku na mbi huma mapswi o kanganyisa, nguko va na dyiswa, va na otela, kambe kha ku na mbi va ni wo va dhukisa.

Ezekhiyele 45:8

Se ditiko diya, di na va thomba yakwe, kona Israyeli; kambe vathangeli vangu, kha va na mbi dhuka ve xanisa vathu vangu; vona va na leka ditiko ka nyumba ya ka Israyeli, madingano ni tihunzu tawe.

Jeremiya 33:11

Ku na pfala dipswi da mkulungwani ni da litsako, dipswi da mteki ni da mtekiwa, ni dipswi da va va ku kha vona: Dhumisani Mkoma wa Mabutho a Tiyimbi, nguko mnene, nguko wumbilu wakwe mbwa kala kupinduka; ni mapswi a va va nehako miningelo ya kubonga Nyumbani ka Mkoma. Nguko ni wuyisa ava va nga ñolwa ka wuwa wukhalo, va na nga mbimoni ka kale, kuwomba Mkoma.

Jeremiya 31:23

Mkoma wa Mabutho a Tiyimbi, i ku Txizimu txa Israyeli, a khene: Mi ngadi mi txi na womba dipswi diya ka Judha ni madhoropani kwakwe, mbimo yi ni no heta wukhumbi wawe: Mkoma a na kukatekisa, awe m'ti wa kululama, awe mmango wo sawuleka!

Isaya 60:21

Se votshe vathu va kakwanu va na va vo lulama, mafu ma nava thomba yawe yotshe mbimo; va na va makhukhu o thungiswa ngu ngani, mthumo wa manza angu, kasi ku ani ni dhumiswa.

Isaya 60:14

Kambe va nata ve ta nama kwako, vanana va vale va nga kuxanisa, ve ta khizama mikondoni kwako, votshe vale va nga kutxhipisa, se va na kudhana ku Didhoropa da Mkoma, i ku Siyoni wa Msawuleki wa Israyeli.

Isaya 33:5

Mkoma a gulekile nguko a zumba txitimwi; a tatile Siyoni ngu wunene ni wululamo.

Isaya 1:21

Eto di nga wekelisa tona didhoropa do thembeka! Adi di nga ti tate ngu wululamo! Wululamo wu ti akile ka dona, aniko konkuwa, didhoropa da wudayi.

Mitengo 12:3

Se Masoni ka Mkoma kuwonekile ti to Mosi i ti m'thu wo dikha ngutu kupinda votshe vathu ha mafuni.

Zefaniya 3:9

Sekoko ni na sawulekisa sisofu sa vathu, kasiku votshe va txi khongela ditina da Mkoma, ve mthumela ngu moya wumwewo.

Mitengo 16:15

Sekoko Mosi a to henya ngutu, e gela Mkoma ku khene: Ava vathu, u nga amukele miningelo yawe! Ani lambi kha na nga teka ni mbongola yimweyo kwawe; lambi ni kudyelela ni wammweyo wawe.

Isaya 54:14

U na tsaniswa ngu kululama, kambe u na va kule ni wukhozisi, nguko khu na mbi thava; hambi ni kuxamala, nguko kha ku na mbi kuhokela.

Mika 4:8

Awe txitezi txa mtxhambi, mmango wa dihorana da Siyoni, ku nata kwako, ina, ku nata kwako kuxula ko khata, wukoma wa dihorana da Jerusalema.

Isaya 2:3

Se matiko amangi ma na rambana, ma txi kha ona: Ngonani, a hi kweleleni mmangoni ka Mkoma, Nyumbani ka Txizimu txa Jakobe, kasi ku txi ya hi gondisa tinzila ta txona, se athu hi na tsimbila ngu tinzila ta txona; nguko ku na huma mlayo ngu Siyoni, ni dipswi da Mkoma, ngu Jerusalema.