Isaya 1:25 - Bhiblia Yo Sawuleka

²⁵ Se ni na wuyisa dianza dangu kwako, ni kubasisa ka mabivi ako otshe; ni kuthavisa hagari ka nzambwa yako yotshe.

Isaya 1:25 Referans Kwoze

Malakiya 3:3

Se a na khalahatshi e nyivilikisa ni kubasisa silivhela, kambe a na basisa vanana va ka Levhi, ni ku va nyivilikisa va txi nga nzalama, ni silivhela; sekoko, va na tisa miningelo ka Mkoma ngu kululama.

Jeremiya 9:7

Ngu konaho, kuwomba Mkoma wa Mabutho a Tiyimbi, ni na va nyekisa, ni va xola; nguko ni nga mahisa kutxani ngu m'horana wa vathu vangu kani?

Isaya 4:4

Mbimo yi Mkoma a no kuwula nzambwa ya mwanana wa dihorana wa Siyoni, ni kubahula mnoha wa Jerusalema hagari ka dona, ngu moya wo lulama ni wa kuhisa.

Isaya 1:22

Silivhela yako yi mahilwe mabivi, ni vhinya yako yi thetwe mati.

Zefaniya 3:11

Ka ditshiku dile, khu na mbi wa tingana ngu mthumo wako ni wawumwewo, awu u nga ni lwisa ngu wona; sekoko ni na thavisa hagari kwako, ava va giyako ngu kutikulisa, se awe khu na mbi ngadi u txi ti kukumukisa kambe, mmangoni kwangu ko sawuleka.

Ezekhiyele 22:22

Kufana ni kule kupatanako silivhela hagari ka txikho, mi na patanisiswa toneto hagari ka txikho; kambe mi na tiziva taku ani Mkoma, ni na tshakunuta kuhenya kwangu txitimwi kwanu.

Ezekhiyele 20:38

Ni na thavisa hagari kwanu avale va kutitsimba, ni vale va nga ni wukela; ni na va thavisa ka matiko ale va luvelako ka ona, aniko kha va na mbi tshumelela ka ditiko da ka Israyeli; se mi na tiziva taku ani ngani Mkoma.

Jeremiya 6:29

Vatxhokoloteli va futetela ngu mtamo, mthovhu wu hisilwe ngu mndilo; mnyekisi a nyekisile walo, nguko vo biha kha va thaviswa.

Mtuletelo 3:19

Ani na kawuka ni kutsayisa votshe vava ni va randako. Wuseta kukhutala kwako u hunduluka.

Matewu 3:12

Manzani kwakwe a ni txiselo, a na hiyela txithathe txakwe, se a na sengeleta fulaho yakwe txisangalani, aniko makamba a na ma hisa ngu mndilo wo mbi timeka.”

Ezekhiyele 22:20

Nga tile ku patiswako tona silivhela ni koporo, ni simbi, ni simbi yo nemela, ni mthovhu hagari ka txikho, kasi kufuteta mndilo txitimwi ka sona, kasi ku si txi patana, ni na mi patanisisa toneto kuhenyani kwangu ni mu ka txiviti txangu, se ni na mi leka koneho, ni mi nyekisa.

Dhewuteronome 32:43

Anu matiko tsakani ngutu, kumweko ni vathu va Txizimu, nguko Txizimu txa pharela mnoha wa sithumi sa txona; txa tsayisa valala va txona, txi pfela wusiwana mafu a txona ni vathu va txona!”

Masalmo 119:119

Votshe vabihi va ha mafuni u va wona kota mabivi, ngu toneto ani ni randa sileleto sako.

Isaya 27:9

Ngu mhaka yeto, txi na thaveka txionho txa Jakobe, se awuwa wu na va m'hando wotshe wa kuva ku di thavisilwe txionho txakwe; mbimo yi a no maha ti to, otshe marigwi a ha txiluveloni, kufana ni marigwi a dibumba, ma nga khundumuselwa, tiphande ni sithombe sa ditambo, kha si na mbi ema

Ezekhiyele 22:19

Ngu kumaha keto, Mkoma a khene: Eko motshenu mi nga ti txhipisa, wonani taku ni na mi sengeleta Jerusalema.

Jeremiya 9:6

U akile hagari ka wukanganyisi, ngu mhaka ya wukanganyisi va lamba ku ni ziva, kuwomba Mkoma.