Isaya 1:19 - Bhiblia Yo Sawuleka

¹⁹ Ngako mi txi tumela kuengisa, mi na dya so tshamba ha mafuni hawa.

Isaya 1:19 Referans Kwoze

Isaya 3:10

Gelani va vo lulama ti to va katekile, nguko va na dya mihando ya mithumo yawe.

Joyeli 2:26

Se mi na dya mi txi khura ngutu, mi dhumisa ditina da Mkoma, Txizimu txanu, a nga mi mahela sixamaliso; vathu vangu kha va na mbi ngadi ve thelwa tingana.

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Dhewuteronome 28:1

“Se ku na maheka taku, ngako u txi pfa dipswi da Mkoma, Txizimu txako, u vekisa sotshe sirumo sakwe, asi ni ku leletako nyamsi, Mkoma, Txizimu txako, a na kuguleta txitimwi ka yotshe mifumo ya ha mafuni.

Isaya 25:6

Se Mkoma wa Mabutho a Tiyimbi a na ninga ka mmango wuwa ka votshe vathu, m'buso ngu sihari so nona, m'buso wa vhinya ya yinene, kudya sakudya sa mafura, kuselwa ni vhinya ya yinene, yo surutetwa kha kwati.

Isaya 65:13

Ngu kumaha keto, Mkoma Txizimu a womba tiya: Wonani taku sithumi sangu si na dya, aniko anu mi na fa ngu nzala; wonani taku sithumi sangu si na sela, aniko anu mi na pfa ditora, wonani taku sithumi sangu si na tsaka, aniko anu mi na wa tingana;

Jeremiya 7:5

Nguko ngako mi txi txhukwatisa mahanyelo anu ni mithumo yanu, ngako mi txi lamula ngu kululama hagari ka m'thu ni mwakelani wakwe,

Jeremiya 21:8

U na va gela vathu vava, u txi khawe: Mkoma a khene: Wonani, na veka nzila ya wutomi ni nzila ya kufa, masoni kwanu.

Hagayi 1:12

Sekoko Zorobhabheli, mwana Salatiyeli, a to engisa, kumweko ni Joxuwa, mwana Jozadhake, mphaxeli wa hombe, ni votshe vathu vale va nga huluka, dipswi da Mkoma Txizimu txawe, ni mapswi a mprofeti Hagayi, nga tile Mkoma Txizimu txawe, a nga ti mrumisile tona; se vathu va to thava masoni ka Mkoma.

Levhi 25:19

Ditiko di na humisa mihando ya dona, nanu mi na va ni sakudya sasingi, mi txi hanya ka dona ditikodo, ngu kudikha.

Levhi 26:3

Ngako mi txi londeta sileleto sangu, mi veketa milayo yangu, ni ku yi maha,

Levhi 26:5

Se kuelula ku na mi hokisa mu ka kuhula, kala ka mbimo ya kuphaya; mi na dya sakudya ngu kuenela, kambe mi na hanya ngu kuzumbiseka amu ditikoni kwanu.

Isaya 58:14

sekoko, u na tsaka ka Mkoma, kambe ni na ku maha u guleka txitimwi ka mafu, ni ku kutsanisa ngu thomba ya tate wako Jakobe; nguko txisofu txa Mkoma txi wombile.

Jeremiya 7:3

Mkoma wa Mabutho a Tiyimbi, Txizimu txa ka Israyeli, a khene: Txhukwatisani mahanyelo anu ni mithumo yanu, sekoko ni na mi tumela kusimamisa mi aka ka wuwa wukhalo.

Jeremiya 7:7

sekoko ni na mi maha mi aka ka wuwa wukhalo, ka ditiko di ni nga ninga vatate vanu kala kupinduka.