Isaya 1:17 - Bhiblia Yo Sawuleka

¹⁷ Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Isaya 1:17 Referans Kwoze

Mika 6:8

Ene a kuzivisile, awe m'thu, a ti i ku ta tinene; ni ti Mkoma a ti kombelako kwako, kuva u maha kululama, u randa tinene, u tsimbila ngu kutinamisa ni Txizimu txako.

Jeremiya 22:3

“Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Mavingu 31:9

Tula txisofu txako, lamula ngu kululama, u lamulela sisiwana ni vale va pwatako somaha.

Zakariya 8:16

Ati mi dinganako kumaha tona ngu tiya: Wombawombani ditshuri mmwani ni mmwani ka mkwawe, lamulani ngu ditshuri ni kudikha sikenini kwanu.

Zefaniya 2:3

Lavani Mkoma, anu motshenu vo thutha va ha mafuni, anu mi thumisako kulamula ngu sileleto sakwe; lavani kululama, lavani kutiveka hahatshi; mwendo mi nata siswa ka ditshiku da kuhenya ka Mkoma.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Dhewuteronome 14:29

Sekoko a nata Mlevhi (nguko kha nga ni txyavelo hambi thomba kufana ni nawe), ni wa matiko, ni wo felwa ngu vaveleki, ni noni, va kuho mndani ka sike sako, se va na dya, va txi khura, kasi ku Mkoma, Txizimu txako, a na kukatekisa, ka yotshe mithumo ya manza ako, ayile u no yi maha.

Masalmo 34:14

Hambuka ka wubihi, u txi maha ti i ku ta tinene; lava kudikha ngu kutimisela.

Isaya 56:1

Mkoma a womba tiya: “Xayisani wulamulo, mi maha kululama, nguko kuhanyisa kwangu ku hafuhi ni kuta, ni kululama kwangu ku na ti wonekiswa.”

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Jeremiya 21:12

Anu nyumba ya ka Dhavhidha, Mkoma a khene: Lamulani ngu kululama i di ngadi mixo; mi hulukisa wu a handwako, manzani ka wu a mtsindavetako; kasi ku kuhenya kwangu ku si turi nga mndilo, ku txi hisa ha kaku ku txi pwateka ni wo tima, ngu mhaka ya wubihi wa mithumo yanu.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Ezekhiyele 18:31

Tshotshani sotshe sihambunyeto si mi nga hambunyeta ngu sona, se kulaveka mi va ni mbilu ya yiphya ni moya wa wuphya; nguko mi ndi na fela txani anu nyumba ya ka Israyeli kani?

Eksodha 22:21

U nga xuphe mluveli kambe u nga m'dyisete; nguko nanu mive valuveli ditikoni ka Egipta.

Mavingu 15:25

Mkoma a na khundumusa nyumba ya vale vo ti guleta, aniko a na tsanisa thomba ya noni.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Ezekhiyele 22:7

Tate ni mame va txhipisilwe kwako, va xanisile mluveli hagari kwanu, va khozisile wo felwa ngu vaveleki, kumweko ni noni.

Ezekhiyele 45:9

Mkoma Txizimu a khene: Ti dinganile, anu vathangeli va ka Israyeli; yisani kule timboyinga ni kulovisa, lamulani ngu wululamo, kambe thavisani mikhinyavezo yanu ka vathu vangu, kuwomba Mkoma Txizimu.