Isaya 1:16 - Bhiblia Yo Sawuleka

¹⁶ Sambani, mi ti basisa, thavisani mithumo yanu yotshe yo biha masoni kwangu mi leka kumaha kubiha.

Isaya 1:16 Referans Kwoze

1 Pedro 3:11

A na vayilele wubihi, e maha wunene: A na lave kuthutha, e kusimamela.

1 Pedro 2:1

Ngu toneto, lekani wotshe wubihi, makuhu, wuxengeteli, livengo, ni totshe tixaka ta siruko,

2 Vakorinto 7:1

Vo randeka ngutu, ngako hi ku ni sithembiso siya, he ti basiseni ka yotshe nzambwa ya mmidi ni ya moya, hi txi zama kuhetisa mthumo wa ku ti sawulekisa kwathu ngu txithavo ka Txizimu.

Jakobe 4:8

Tshuketani hafuhi ka Txizimu, kasi ni txona txi na tshuketela hafuhi kwanu. Basisani manza anu, vaonhi, mi txi basisa timbilu tanu, anu vathu va timbilu timbidi.

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Jeremiya 4:14

“Jerusalema, kuwula mbilu yako kubihani, kasi ku u na hanyiswa; Maalakanyo ako o biha ma na zumba ni nawe kala yihi mbimo kani?

Matewu 3:8

Humisani mihando yi yi dinganako kuhunduluka kwanu;

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

Masalmo 26:6

Na samba manza angu, kasi kukomba ti to kha ni nga ni mnandu, se na tshuketa hafuhi ka txiluvelo txako, Mkoma,

Varoma 12:9

Lirando li nga ve ni kuxengetela, vengani to biha, mi txi namarela ka ti i ku ta tinene.

Mithumo 22:16

U ngadi u txi kana-kana ngu txani kani? Kuluveta! Amukela txibhabhatiso ni divalelo ya sionho sako ngu kukhozela ditinani kwakwe.’ ”

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Jeremiya 25:5

Va txi kha vona: Hundulukani mmweyo ni mmweyo ka nzila yakwe yo biha, kuva mi zumba ka ditiko diya Mkoma a nga mi ninga ni vatate vanu, kukhukhela kaleko kala kupinduka.

Masalmo 37:27

Thava wubihi, u txi maha ati i ku ta tinene, se u na hanya kala kupinduka.

Masalmo 34:14

Hambuka ka wubihi, u txi maha ti i ku ta tinene; lava kudikha ngu kutimisela.

Masalmo 51:2

Ni kuwule ka wotshe wubihi wangu; u txi ni basisa ka sotshe sionho sangu.

Mavingu 4:27

U nga wekelele hambi txinene, mwendo txibhabha; thavisa mkondo wako kubihani.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.

Jeremiya 18:11

Ngu konaho, gela vavamna va ka Judha ni vazumbi va Jerusalema, u txi khawe: Mkoma a khene: “Na mi longisela dikhombo, ni na maha txikungo txo mi wukela. Ngu konaho, hundulukani mmwani ni mmwani nzilani kwakwe ko biha, mi txhukwatisa mahanyelo anu ni simaho sanu.”

Jeremiya 26:3

Mwendo va na engisa, mmweyo ni mmweyo a txi hunduluka ka nzila yakwe yo biha, kasi ni si va neheli dikhombo di ni nga xuva ku va mahela, ngu mhaka ya simaho sawe so biha.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

Jona 3:8

Aniko vathu ni sihari si nave si di fenengetilwe ngu masaka, se si dila ngutu ka Txizimu, si txi hunduluka, tximwetxo ni tximwetxo ka nzila ya txona yo biha, ni kulwa kule ku kuho manzani ka sona.

Zakariya 7:7

Ina anu kha ma mapfa mapswi ale Mkoma a nga ma txhumayela, ngu mthumo wa vaprofeti vo khata, mbimo yile Jerusalema a nga ti ngadi ni vathu, na a di thuthile, ni kuranganyetwa ngu madhoropa akwe, se Wulambwe ni libalani, ku ti ti ni vathu kani?

Zakariya 13:1

Ka ditshiku dile, ku nava txisima txo lumba nyumba ya ka Dhavhidha, ni vahanyi va Jerusalema, kasi kukuwula txionho, ni kwa mbi sawuleka.

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.