Isaya 1:15 - Bhiblia Yo Sawuleka

¹⁵ Ngu toneto, mi txi ni guletela manza, na mi sisela maso angu; ina, hambi mi txi andisa mikombelo yanu, kha ni yi engisi, nguko manza anu matate ngu mnoha.

Isaya 1:15 Referans Kwoze

Mika 3:4

Sekoko, mi na dila ka Mkoma, aniko kha na mbi mi engisa, ka mbimo yoneyo a na mi sisela khohe yakwe, nguko vona va mahile mithumo yo biha.

Mavingu 1:28

Sekoko mi na ni dhana, aniko ani kha ni na mbi xamula; mi na ni lava ngu mabimbi-kutxa, aniko kha mi na mbi ni mana.

Zakariya 7:13

Se ku to maheka tito, ngako ene a nga kwangula, vona kha va engisa, ngu toneto, ni vona va na kwangula, aniko ani kha ni na mbi va engisa, kuwomba Mkoma wa Mabutho a Tiyimbi.

Jeremiya 14:12

Ngako va txi titona, kha ni na mbi pfa kudila kwawe; ngako va txi ningela mphaxo wo hiswa ni wa sakudya, kha ni na mbi wu tsakela, aniko ni na va lovisa ngu ditxhari, ni nzala ni mtungu.

Masalmo 66:18

Idiku ani ni ti mahile kubiha kokari, Mkoma nga a sa engisa dipswi dangu.

1 Vafumeli 8:22

Se Solomoni a to tsula masoni ka txiluvelo txa Mkoma, masoni ka wotshe msengeletano wa ka Israyeli, se e gwimba manza me komba nzumani,

Isaya 58:7

Ina kambe khu abani sakudya sako ni wule a ku ni nzala, ni kuamukela m'tini kwako sisiwana sile si nga tovelwa kani? Ni ti to u txi mu wona i di tximbwiri u mfengeta, kambe khu sisaleli wule i ku wa ka kwanu kani?

Masalmo 55:1

Engisa, Txizimu, mkombelo wangu; riya nzeve u txi engisa kudila kwangu!

Jobe 27:20

Kuthisa ka mtalela nga mati; se ni wusiku a txi pekwa ngu txingulu.

1 Vafumeli 8:54

Ku to maheka ti to msana ka mkombelo wule a nga wu maha Solomoni ka Mkoma ni kudila, a di khizamile e guleta manza me komba nzumani, a to khukha masoni ka Mkoma,

Matewu 23:13

“Mi na ni dikhombo, anu vabhali ni nanu Vafarisi, vaxengeteli! Nguko ma tsivela vathu kuwulela Mfumoni ka nzumani, kha mi wuleli anu, kambe kha mi tuleli vale va lavako kuwulela.

Matewu 6:7

“Ngako mi txi khongela, mi nga tateni mapswi nga vamatiko, nguko va alakanya ti to va na engiswa ngu kuwombawomba ngutu.

1 Timoti 2:8

Ngu toneto, ni lava ti to votshe vathu ve khongela ka otshe makhalo, ve guleta manza o sawuleka, va si nga ni txiviti mwendo mazunga,

Isaya 8:17

Se ni na themba Mkoma wu a nga sisela khohe yakwe va nyumba ya ka Jakobe, ni na verela kwakwe.

Masalmo 134:2

Gulani manza anu, nyumbani ko sawuleka, mi dhumisa Mkoma!

Ezra 9:5

Hafuhi ka mbimo ya miphaxo, ni to khukha kuhenyanimo kwangu, na ni ti vharulete syambalo sangu, ni to khizama, ni guleta manza angu ka Mkoma, Txizimu txangu.

Johani 9:31

Kambe ha tiziva ti to Txizimu kha txi engisi vaonhi; aniko awule a txi khozelako, a txi maha kuranda ka txona, eyo txona Txizimu txa mu engisa.

Eksodha 9:29

Sekoko Mosi a xamute a txi khene: “Msana ka kuva ni di humile mu didhoropani ni na nawuluta manza angu ka Mkoma; singwalangwanda si na ema, kambe kha ku na mbiswa ku txi wa mati a maralala, kasiku u txi ziva to ditiko di lumba Mkoma.

Jobe 35:13

Ditshuri ngu ti to, Txizimu kha txi na mbi engisela wukanganyisi, hambi kupfiwa ngu wa Mtamo-wotshe.

Isaya 4:4

Mbimo yi Mkoma a no kuwula nzambwa ya mwanana wa dihorana wa Siyoni, ni kubahula mnoha wa Jerusalema hagari ka dona, ngu moya wo lulama ni wa kuhisa.

Isaya 45:15

Ngu ditshuri awe u Txizimu txi txi ti sisako, Txizimu txa ka Israyeli, M'hanyisi.

Isaya 58:4

Wonani taku mi ti tona sakudya, mi lwisana ni kukanetisana, mi pekana ngu sibhakela hahanze ka mnandu; mi nga ti toniseni ku nga ti ta nyamsi, ngu kulava kupfalisa dipswi danu txitimwi.

Isaya 64:7

Se kha ku na m'thu wu a dhanako ditina dako, wu a wukako e namarela kwako; nguko u hi sisete khohe yako, se u hi leka hi lova ngu mhaka ya wubihi wathu.

Jeremiya 4:31

Nguko napfa dipswi do fana ni da wamsikati a lumwako, na di txi dikwila nga wamsikati wo tiwula. Dipswi da m'horana wa Siyoni, a hefemutekako ni kunawuluta manza akwe, a txi khene: “Yowe, dikhombo dangu koko! Moya wangu wa tsivala masoni ka sidayi.”

Jeremiya 11:11

Ngu konaho, Mkoma a khene: Ni na neha dikhombo txitimwi kwawe, kha va na mbi huluka ka dona; va na dilela kwangu, aniko kha ni na mbi va engisa.

Ezekhiyele 11:6

Mi tatile ngu vo dayelwa didhoropa diya, kambe mi tatile magondo a kona ngu vofa.

Ezekhiyele 14:3

Awe mwanana wa m'thu, vathu vava ngu timbilu tawe va themba sithombe sawe, ni wubihi wawe va wu vekile masoni kwawe; ina ni dingana kuwotiswa ngu vo nga vona kani?

Ezekhiyele 39:23

Kambe matiko ma na tiziva taku va nyumba ya ka Israyeli, ngu mhaka ya wubihi wawe, va tsulisilwe wukhumbini, nguko va ni eyisile, se ni va sisete khohe yangu, ni va ningela manzani ka valala vawe, votshe va dayetwe ngu ditxhari.

Hoseya 5:6

Vona va na tsula ni tinvuta tawe ni mathokazi awe a tihomu, kasi kuya lava Mkoma, aniko kha va na mbi mmana: Ene a khukhile kwawe.

Mavingu 6:17

Maso o ti guleta, lidimi la makuhu, manza o theketa mnoha wo mbi na mnandu,