Isaya 1:13 - Bhiblia Yo Sawuleka

¹³ Mi nga tiseni kambe mningelo wanu wa kwa mbi vhuna txilo; dibaselo danu da ni nyenyeza, ni mibuso ya kumeka ka mtxima, ni ya Masabbata, ni kuramba ka mi msengeletano; kha ni na ku timisela kuwona kubiha ka misengeletano yo sawuleka.

Isaya 1:13 Referans Kwoze

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Matewu 15:9

Va ni khizamela walo, nguko tigondo ti va gondisako nzileleto sa vathu dwe.’ ”

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Luka 11:42

“Kambe mi na ni dikhombo, anu Vafarisi nguko mi humisa sa wugumi ka mbowa ni ka matawa otshe ni ka yotshe mindiwo ya mazokoro, mi txi leka kululama ni lirando la Txizimu! Mi ti fanete ku ti maha eto, mi si leki kumaha tile to thanga.”

Joyeli 2:15

Vetani mpundu kona Siyoni, sawulekisani kutitona, huwelelani ditshiku da kuyila.

Sidilo 2:6

Ngu mtamo wa hombe a guatile m'dhuti wakwe, nga msakulo; a hasamute msengeletano wa kona. Mkoma a divatisile mibuso ni Sabbata kona Siyoni. Ha kupandisekani kwakwe, a tsukute ngu txieyiso vafumeli ni vaphaxeli.

Vaefesu 4:30

mi nga henyiseni Moya wo Sawuleka wa Txizimu, awu mi nga vekelwa ngu wona txixambanyo txa kukomba ti to mi lumba Txizimu ka ditshiku diya txona txi nota mi tirula ngu dona ka magwito.

1 Vakorinto 11:17

Ngako ni txi womba tiya, kha ni na ku mi dhumisa ka timhaka ta misengeletano yanu, yi tumbulukisako to biha ngutu kupinda to mi vhuna.

Joyeli 1:14

Ti sawuleleni kutitona, nuwelani ditshiku da kutsimbisela, sengeletani madhota ni votshe zumbako ditikoni muwa, Nyumbani ka Mkoma, Txizimu txanu, se mi txi dila ka Mkoma.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Masalmo 78:40

Nzikhati singahi va nga eyisa Txizimu txiwulani va txi txi pandisa mbilu ditikoni mule ka kuoma!

1 Makronika 23:31

va txi ningela mningelo wa kuhiswa, ka Mkoma, ngu migivhela ni kumeka ka mtxima, ni ka mipipi, ngu mtengo wa kona, madingano ni sihena sawe, masiku otshe masoni ka Mkoma;

Eksodha 12:16

Ka ditshiku do khata mi na va ni msengeletano wo sawuleka, ni ka ditshiku da mtxhanu ni mambidi mi na va ni msengeletano wo sawuleka; kha mi na mbi ñola ni wawumwewo mthumo ka masiku oneyo, hahanze ka mthumo wa kululamisa asi mmweyo ni mmweyo a no dya.

Vafilipiya 1:15

Kha ditshuri, vamwani va huwelela Kristu ngu mabava ni mibango, aniko vamwani va huwelela ngu mbilu ya yinene.

Mitengo 10:2

“Maha mipundu yimbidi ya silivhela; u yi maha ngu silivhela yo tshulwa; u na ramba ngu yona msengeletano, kasi kumaha txiziviso txo khukha ha wugoveloni.

Isaya 66:23

Se ku na maheka taku, kukhukhela ka M'buso wa Kumeka ka Mtxima, kala ka wumwani, ni kukhukhela ka Sabbata kala ka yimwani, va nata votshe vathu, ve ta khozela masoni kwangu, kuwomba Mkoma.

Hoseya 2:11

Se na heta kutsaka kwakwe kotshe, ni mibuso yakwe, ni kumeka ka mitxima yakwe, ni Masabbata akwe, ni yotshe mibuso yakwe.

Levhi 26:31

Madhoropa anu ni na ma maha marumbi, ni khundumusela makhalo anu o nyenyeza, na mbiswa ni txi tsakela mafura a miphaxo yanu, o bhumula.

2 Vafumeli 4:23

Se mwamna wa kona a to khene: Kasi wo ya bhula txani nayo nyamsi kani? Hi nga kumeka ka mtxima, hi nga Sabbata. Wamsikati a to khene, kha ku na txikarato txa txilo.

Mavingu 7:14

Ni nayo miphaxo ya kuthutha; nyamsi ni dihisile kuvilela kwangu.