Isaya 1:11 - Bhiblia Yo Sawuleka

¹¹ Mkoma a khene: Yi ni vhuna txani miphaxo yanu yo tala kani? Ni karate ngu miningelo yo hiswa ya tihamba, ni mafura a sifuyo so nona; kha ni tsakeli mnoha wa marole, wa sivuntana, ni mnoha wa tiphongo.

Isaya 1:11 Referans Kwoze

Amosi 5:21

Na venga, na txhipisa mibuso yanu, ni mitshangano yanu ya hombe, nguko kha si ni tsakisi ni kakumweko.

1 Samuwele 15:22

Kambe Samuwele a to khene: Ina Mkoma a tsakiswa ngu miningelo ya kuhiswa ni miphaxo, kupinda kuengisa dipswi da Mkoma kani? Wonani taku kuengisa kutshuko kupinda mphaxo; ni kupfisisa kutshuko kupinda mafura a tihamba.

Jeremiya 6:20

Ma ni vhuna txani mafura a Sabha ni mipepo ya ditiko da kule kani? Miningelo yanu ya kuhiswa kha yi ni tsakisi, ni miphaxo yanu kha yi ni tsakisi.

Isaya 66:3

A wule a dayako homu, a fana ni wule a dayako m'thu; awu a phaxako ngu txinvutana, a fana ni wule a dayako yimbwa; awu a ningelako sa thembweni a fana ni wule a ningelako mnoha wa khumba; awule a hisako dibaselo a fana ni wule a khozelako txithombe; ni vona vava va ti langela tinzila tawe vapune, se muhefemulo wawe wa tsaka ngu wubihi wawe.

Mika 6:7

Ina Mkoma a na tsaka ngu magumi a mazana a tinvuta kani? Ngu 10.000 ya siya so tala ngu mafura kani? Ni na ningela matiwula angu ngu mhaka ya wuhambunyeti wangu kani? M'hando wa mndani kwangu, ngu mhaka ya txionho txa dihika dangu kani?

Malakiya 1:10

I mani akuho kambe hagari kwanu, waku a nga seka matimba, kasi ku mi si dhiveli walo mndilo txiluveloni kwangu kani? Ani kha ni tsakiswi ngu nganu, kuwomba Mkoma wa Mabutho a Tiyimbi, kambe kha ni na mbi amukela mphaxo wa manzani kwanu.

Mavingu 15:8

Mphaxo wa vaonhi njinyenyeko ka Mkoma, aniko a tsakiswa ngu mkombelo wa vo lulama.

Masalmo 50:8

Kha ni na mbi kukawuka ngu mhaka ya timhamba, miningelo ya sihari u ni mahelako sotshe sikhati.

Mavingu 21:27

Mphaxo wa muonhi njinyenyeko; ngutu-ngutu wu txi ningelwa ngu kulava to biha.

Matewu 9:13

Tsulani mi ya gonda ti to ti txhamusa txani ati taku: ‘Ni dhunda ngutu wumbilu kupinda timhamba!’ Nguko kha na tela ku ta dhana valulami, aniko ni tete vaonhi.”

Masalmo 51:16

Awe khu lavi timhamba; ani nga ni txi ku mahela; awe khu khatali ngu miningelo ya sihari so hiswa.

Jeremiya 7:21

Mkoma wa Mabutho a Tiyimbi, Txizimu txa Israyeli, a khene: Patani miningelo yanu ya kuhiswa ni miphaxo yanu, midya nyama ya yona.

Matewu 22:4

A to engeta e ruma simwani sithumi, a txi si leleta a txi khene: ‘Gelani avale va nga rambwa, mi txi khanu: Sakudya si lulamile; ni date tihomu tangu ni sifuyo sangu sa kunona, sotshe si lulamisetwe. Ngonani m'busoni!’ ”

Mitengo 7:45

Ku ti ni dirole, ni hamba, ni txinvutana txa dilembe dimwedo, kasi kumaha mphaxo wa kuhiswa;

Masalmo 40:6

Awe khu naveli timhamba ta sihari mwendo ta mitxelo ya mafu, khu vileli kambe timhamba to hiswa, to dihela sionho.

Mavingu 21:3

Ta tumeleka ngutu ka Mkoma kumaha kulumula, ni kulamula ngu kululama, kupinda ku mninga mphaxo.

Isaya 58:2

Hambi keto, masiku otshe va ni lava, va tsakela kuziva tinzila tangu; va txi nga vathu vo maha to lulama, va va si lekiko mlayo wa Txizimu txawe, va ni wotisa nzila ya kululama, va tsakela kuhoka hafuhi ka Txizimu.

Hoseya 6:6

Nguko ani ni lava wumbilu, kha ni lavi mphaxo; ni kuziva Txizimu kupinda miningelo yo hiswa.

Amosi 5:22

Hambi ni txo ni ninga miningelo, ni miningelo ya sakudya, na mbi tsaka ngu sona, kambe na mbi wonetela miningelo ya sihari sanu.

Hagayi 2:14

Sekoko, Hagayi a to xamula, a txi khene: Ngu tona tiya vathu vava, ni ditiko diya masoni kwangu, kuwombile Mkoma; se ngu tona tiya yotshe mithumo ya manza awe; ni sotshe si va ningelako si nyenyezile.

Zakariya 7:5

Gela votshe vathu va ditiko diya, ni votshe vaphaxeli, u txi khawe: Mbimo yile mi nga ti tona, ni kudila, ka mtxima wa wutxhanu ni wa wutxhanu ni yimbidi, mndani ka malembe awa a mtxhanu wa magumi ni magumi mambidi, ina anu mi ti tonete ani, ngu ditshuri mi ti tonete ani kani?

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Amosi 4:5

Mi ningela miphaxo ya kudhumisa ya si so tshumbelwa, mi peka nyiwo ya miphaxo ya kutxhatxheka, mi huwelela; nguko eto ma ti dhunda, anu vanana va ka Israyeli, kuwomba Mkoma Txizimu.