Isaya 1:1 - Bhiblia Yo Sawuleka

¹ Txiwoniso txa Isaya, txile a nga txi wona mwana Amosi, awule a nga wu wona madingano ni Judha ni Jerusalema, ka masiku a Uziya, Jothamu, Akazi, ni Ezekhiya, vafumeli va ka Judha.

Isaya 1:1 Referans Kwoze

2 Makronika 26:1

Se votshe vathu va ka Judha va to teka Uziya, a nga ti ti ni digumi da malembe ni mtxhanu ni dimwedo, va to mfumisa wukhaloni ka tate wakwe Amaziya.

2 Vafumeli 18:1

Ku to maheka to ngu dilembe da wuraru da kufuma ka Hoseya, mwana Ela, mfumeli wa ka Israyeli, a to khata kufuma Ezekhiya mwana Akazi, mfumeli wa ka Judha.

Isaya 7:1

Ku to maheka koko ka masiku a kufuma ka Akazi, mwana Jothamu, mwana Uziya, mfumeli wa Judha, ti to Rezini, mfumeli wa Siriya, ni Peka, mwana Remaliya, mfumeli wa Israyeli, ve kwelela Jerusalema, kasi ku yalwa ni ditiko dile, aniko va tandekile ku di xula.

Isaya 6:1

Ka dilembe di a nga fa ngu dona mfumeli Uziya, ni to wona Mkoma a di khalahatshile txitimwi ka txikhalo txo guleka txa wukoma; txyambalo txakwe txi txi tata dithepele.

Isaya 2:1

Txiwoniso txi a ngave natxo Isaya, mwana Amosi, madingano ni Judha, ni Jerusalema.

Masalmo 89:19

Kale u wombawombile ngu siwoniso ka sithumi sako so thembeka u txi khawe: “Ni ningile mtamo dizambi da ndena; ni fumisile dijaha, ni ngadi sawula hagari ka vathu vangu.”

Mitengo 24:16

kuwombawomba wu a nga pfa dipswi da Txizimu; awu a nga wona txiwoniso txa wule wa Mtamo-wotshe awu mbimo yi awako, maso akwe ma tulekako.

Amosi 1:1

Mapswi a Amosi, i ku mmweyo wa vadyisi va Tekowa, ati a nga ti wona madingano ni Israyeli, ka masiku a Uziya, mfumeli wa ka Judha, ni ka masiku a Jerobhowamu, mwana Jowasi, mfumeli wa ka Israyeli, malembe mambidi ku sinzi ku deka-deka mafu.

Jeremiya 23:16

Mkoma wa Mabutho a Tiyimbi a khene: Mi nga engiseleni timhaka ta vaprofeti vava va profetako kwanu, nguko va mi kanganyisa; va txhumayela siwoniso sa timbilu tawe vapune, na si si humi ngu ka txisofu txa Mkoma.

Isaya 40:9

Awe u m'zivisi wa mahungu amanene ka Siyoni, kwela ka mmango wo guleka. Awe u m'zivisi wa mahungu amanene ka Jerusalema, guleta dipswi ngu mtamo; di gulete, u nga thave, womba ka madhoropa a ka Judha, u txi khawe: Wonani, nditxe hawa Txizimu txanu.

Isaya 21:2

Ni wonisilwe txiwoniso txo thisa: Mkanganyisi wa kanganyisa, ni mxaseli wa xasela. Kwelela awe Elamu, randela awe Medhi; ni malatile miketo yawe yotshe.

Isaya 13:1

Mahungu ya ma nga woniswa Isaya mwana Amosi, madingano ni Bhabhilona.

2 Vafumeli 15:32

Ka dilembe da wumbidi da kufuma ka Peka mwana Remaliya, mfumeli wa ka Israyeli, a to khata kufuma Jothamu, mwana Uziya, mfumeli wa ka Judha.

2 Vafumeli 15:7

Se Azariya a to otela ka vatate vakwe, ve mtshosha hafuhi ni vatate vakwe, Didhoropani ka Dhavhidha; se mwanana wa kona Jothamu, a to fuma ka wukhalo wakwe.

2 Vafumeli 15:1

Ka dilembe da magumi mambidi a malembe ni mtxhanu ni mambidi, a kufuma ka Jerobhowamu kona Israyeli, Azariya, mwana Amaziya, mfumeli wa ka Judha, a to khata kufuma.

Mithumo 26:19

“Ngu toneto, mfumeli Agripa, ani kha na lamba txiwoniso txiya txa nzumani:

Mithumo 10:17

Pedro a di ngadi a txi alakanyela mapimoni kwakwe ti to txi womba txani txiwoniso txiya, ku to bwaka vavamna va va nga rumwa ngu Korneliyo, ve wotisa nyumba ya Simoni, va di emile ha txikeni.

Matewu 17:9

Se mbimo yi va nga ti relela ngu mmangoni niya, Jesu a va layile, a txi khene: “Mi nga wombeni ni ka wammweyo txidiwukiso txi mi nga txi wona, kala mbimo yi Mwanana wa M'thu a no wuka ngu ka vafi.”

Habhakuki 2:2

Sekoko, Mkoma a to ni xamula a txi khene: Bhala txiwoniso, u wonekisa kha kwati aha ka mbila ya dirigwi, kasiku ni wuhi a gondako e ti pima ngu kukuluveta.

Nahume 1:1

Kulamulwa ka Ninivha. Dibhuku da txiwoniso txa Nahume, Muelikoxi.

Mika 1:1

Dipswi da Mkoma di tile ka Mika, wa Morasiti, ka masiku a Jothamu, Akazi, ni Ezekhiya, vafumeli va Judha, a di ene a ngadi wona, ngu Samariya ni Jerusalema.

Hoseya 1:1

Dipswi da Mkoma di nga wombwa ka Hoseya, mwana Bheyeri, ka masiku a Uziya, Jothamu, Akazi, ni Ezekhiya, vafumeli va ka Judha, ni ka masiku a Jerobhowamu, mwana Jowasi, mfumeli wa ka Israyeli.

Mitengo 24:4

kuwomba wule a nga pfa dipswi da Txizimu, awu a wonako siwoniso sa wa Mtamo-wotshe, awu mbimo yi awako, maso akwe ma tulekako.

2 Pedro 1:21

Nguko, kuwalo dipswi ni da dimwedo da wuprofeti adi di nga wombwa ngu kuranda ka m'thu. Aniko vathu vo sawuleka va va nga susumetwa ngu Moya wo sawuleka, ngu vona va va nga womba-womba ngu ditina da Txizimu.

2 Vakorinto 12:1

Ta laveka ku ti dhumisa, hambiko ti si faneliko, aniko ni na womba mhaka ya siwoniso ni situletelo sa Mkoma.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

2 Vafumeli 15:13

Salumi mwana Jabhe, a khatile kufuma ngu dilembe da magumi mararu ni mtxhanu wa malembe ni mune a kufuma ka Uziya, mfumeli wa ka Judha; se a to fuma mtxima wumwewo.

2 Vafumeli 19:2

Sekoko a to rumela Eliyakimu, mthangeli wa nyumba ya wukoma, ni mabhalani i ku Sebhina, ni madhota a vaphaxeli va di fenengete masaka, ka mprofeti Isaya, mwana Amosi.

2 Makronika 26:22

Mithumo yotshe ya Uziya yo khata ni yo hetelela yi bhatwe ngu mprofeti Isaya, mwana Amosi.

2 Makronika 27:1

Jothamu a to khata kufuma a di ni magumi mambidi a malembe ni mtxhanu; se a to fumela Jerusalema digumi da malembe ni mtxhanu ni dimwedo; ditina da mwamwakwe i ti ti Jerusa, mwana Zadhoki.

2 Makronika 28:1

Akazi a to khata kufuma a di ni tanga ya magumi mambidi a malembe, se a to fuma digumi da malembe ni mtxhanu ni dimwendo kona Jerusalema; aniko kha maha to lulama masoni ka Mkoma, ku nga tate wakwe Dhavhidha.

2 Makronika 29:33

Mningelo wumwani wo hiswa i ti ti wa 600 wa tihomu ni 3.000 wa tinvuta.

Isaya 20:2

Mkoma a to womba-womba ka mbimo yoneyo, ngu txisofu txa Isaya, mwana Amoni, a txi khene: Tsula u ya txhatxha syambalo sa mkhwasi txiwununi kwako, u thavisa tikathula mikondoni kwako. A to maha toneto, e tsimbila-tsimbila i di tximbwiri, na asi nga ni tikathula.

Isaya 37:2

Se mfumeli a to rumela Eliyakimu, mxayisi wa nyumba ya wukoma, Sebhina, mabhalani, ni madhota a vaphaxeli, va di fengete masaka a tikoni, ka Isaya, mwana Amosi, mprofeti.

Isaya 38:1

Ka masiku ale, Ezekhiya a lwate ngu malwati o daya; se a tota kwakwe Isaya, mwana Amosi, mprofeti, a txi ta khene kwakwe: Mkoma a khene: Lulamisela nyumba yako, nguko u nafa, khu na mbi hanya.

Ezekhiyele 1:1

Se ku to maheka tito, ngu dilembe da wugumi ni mararu, ka mtxima wa wumune, ka ditshiku da wutxhanu ka mtxima, na ani ni di hagari ka tikhumbi, hafuhi ni mnambo wa Kebhari, yi to tuleka nzuma, se ani ni wona siwoniso sa Txizimu.

Amosi 4:5

Mi ningela miphaxo ya kudhumisa ya si so tshumbelwa, mi peka nyiwo ya miphaxo ya kutxhatxheka, mi huwelela; nguko eto ma ti dhunda, anu vanana va ka Israyeli, kuwomba Mkoma Txizimu.