Hoseya 9:9 - Bhiblia Yo Sawuleka

⁹ Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Hoseya 9:9 Referans Kwoze

Hoseya 10:9

Kukhukhela ka masiku a Gibheya, u onhile awe Israyeli; mi zumbile kona haleya; kulwa kona Gibheya ni vanana va wubihi kha ku na mbi mi juma.

Valamuli 19:16

Se wona taku wamwamna wokari wo kumba a ti ti wuya ngu kuthumani thembweni kwakwe; se wamwamna wuwa i ti ti wa mmangoni ka va ka Efrayime, aniko i ti ti muwuyi wa Gibheya; sekoko vavamna va wukhalo wuwa i ti ti vanana va ka Bhenjamini.

Hoseya 8:13

Madingano ni miphaxo ya siningo sangu, va ningela tinyama ve tshumela vedya, aniko Mkoma kha amukela; konkuwa a na alakanya kuwekela kwawe, e tsayisa sionho sawe, vona va na tshumelela Egipta.

Isaya 31:6

Hundulukelani ka wule koko vanana va ka Israyeli va nga mtshuralela ngutu.

Isaya 24:5

Kha ditshuri, mafu ma nyetilwe ngu vaaki va ona, nguko va ndaka milayo, ve txitxelela sileleto, kambe va funya txitumelelano txa kala kupinduka.

Valamuli 19:12

Aniko nyamne wakwe a to mxamula a txi kha ene: “Lambi, hi nga wuleleni ka didhoropa ni da dimwedo da vane, daku va i si nga da vanana va ka Israyeli, aniko hi na pindelela kala Gibheya.”

Valamuli 20:43

Kambe va to randela va ka Bhenjamini, va txi va tutumisa ni ku va dayela, kala hafuhi ni Gibheya, ngu didhawa da wutxani.

Jeremiya 14:10

Mkoma a womba ngu ditiko diya, a txi khene: Va dhunda kupeperukela nga tiya, kha va ti ñola kutsimbilani kwawe; ngukonaho, Mkoma kha tsakiswi ngu vona; se a na alakanya wubihi wawe, e tsayisa sionho sawe.

Hoseya 4:9

Ngu toneto, nga ti vaku ngu tona vathu vangu, mphaxeli nene a nga toneto; ni na va tsayisa ngu mhaka ya mahanyelo awe, ni ku vaninga hakela ya mithumo yawe.

Hoseya 5:8

Vetani dikhombela kona Gibheya, ni mpundu kona Rama; kwangulani ngutu kona Bheti-Avheni; Ti wonele msana kwako awe Bhenjamini.

Hoseya 7:2

Kambe kha va wombi timbiluni kwawe ti to ani na alakanya wotshe wubihi wawe; konkuwa koko, va randelwa ngu mithumo yawe; ya woneka masoni kwangu.

Hoseya 9:8

Efrayime i ti muwoneleli kumweko ni Txizimu txangu, kambe mprofeti a fana ni litshenga la mxoti wa sinyana ka totshe tinzila takwe, m'lala nyumbani ka Txizimu txakwe.

Zefaniya 3:7

Ani ni ti ti khani: Kha ditshuri u na ni thava, kambe u na tumela kukawukwa; se ngu kumaha keto, wukhalo wako wa kuzumba ka wona, kha wu na mbi hoxotwa, madingano ni ti ni nga ti ti pimisile; aniko vona va phindute va txi onhetela yotshe mithumo yawe.

Eksodha 32:7

Sekoko Mkoma a to khene ka Mosi: Tsula, relela, nguko vathu vako, avale u nga va humisa ditikoni da Egipta, va onhile.

Valamuli 19:22

Nga ti va di ha kutsakani timbiluni kwawe, wona taku ku to humelela migewu ya didhoropani (vavamna va i nga ti ti vanana va Bheliyali), yi randela nyumba, yi txi peketela ditimba; yi txi womba ka txikosana txile txa nyamne wa nyumba, yi txi kha yona: “Humisa hahanze m'thuyo a nga wulela nyumbanimo kwako, kasiku hi ta m'ziva.”

Ezekhiyele 21:28

Se awe mwanana wa m'thu, profeta u txi khawe: Mkoma Txizimu a khene madingano ni kutxhipiswa ka vanana va ka Amoni: Womba ku khawe: Ditxhariu, ditxhari di hindisilwe ni kuswililikila kudaya ni kufuvisa, ni kuphatimaphatima;