Hoseya 9:8 - Bhiblia Yo Sawuleka

⁸ Efrayime i ti muwoneleli kumweko ni Txizimu txangu, kambe mprofeti a fana ni litshenga la mxoti wa sinyana ka totshe tinzila takwe, m'lala nyumbani ka Txizimu txakwe.

Hoseya 9:8 Referans Kwoze

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Ezekhiyele 3:17

Awe mwanana wa m'thu, ni kuvekile kuve muwoneleli wa nyumba ya ka Israyeli; se awe u na pfa dipswi da txisofu txangu, se u na va txharihisa wukhaloni kwangu.

Mika 7:4

Wa txukwana kwawe a fana ni mpa; wo lulama a pinda ni mndonga wa mipa; di tshuketile ditshiku da kutsayiswa ka vawoneleli vako, kutile kuendelwa kwako; konkuwa ku nava ni pfilu-pfilu.

Isaya 62:6

O Jerusalema! Ni vekile vawoneleli txitimwi ka maguma ako, ava va no mbi malala wusiku ni mitshikari; o anu mi khumbukako Mkoma, mi nga thukeni mi malala,

Vahebheru 13:17

Engisani vathangeli vanu, mi txi ti veka hahatshi masoni kwawe; nguko ngu vona va karatekelako mimoya yanu. Ngu vona va no ya angula ati ti dinganako vona. Ngu toneto, va na sikota kuthuma mthumo wawe ngu kutsaka, va si wu thumi ngu kudila. Nguko eto, nga ti si mi vhuni txilo.

Johani 15:24

Idiku ni ti sa thuma hagari kwawe mithumo yi yi nga mbi thumwa ngu mmwani m'thu, nga va si na txionho ni txa tximwetxo: Kambe vona va yi woni, se ve ni vengela ani ni Tate wangu;

Ezekhiyele 33:7

Awe koko mwanana wa m'thu, ni kumahile muwoneleli wa nyumba ya ka Israyeli; awe koko u na engisa dipswi da txisofuni kwangu, u na zivisa kwakwe wukhaloni kwangu.

Sidilo 4:13

Ngu mhaka ya sionho sa vaprofeti ni wubihi wa vaphaxeli vawe, i ku vona va nga daya vathu vale vo lulama va txi theketa mnoha amu m'tini se ku vangekile dikhombo diya.

Sidilo 2:14

Vaprofeti vako va ku wonete siwoniso sa manyala ni wuhundwa, kambe va tandekile kunuwela wubihi wako, kasi kuretha wukhumbi wako; aniko va woni tithundu ta walo, ni so dingana ku kutovelisa va txi kuxenga ngu tona.

Jeremiya 31:6

Nguko ku na hoka ditshiku dile vawoneleli va mimangoni ka Efrayime va no dhana ngu dona, va txi kha vona: Khukhani, ahiyeni Siyoni ka Mkoma, Txizimu txathu.

Jeremiya 14:13

Se ani ni ti khani: Ha, Mkoma, Txizimu, vaprofeti va womba kwawe, va txi kha vona: Kha mi na mbi wona ditxhari, hambi kuve ni nzala; aniko a na mi ninga kuthutha ko tsana ka wuwa wukhalo.

Jeremiya 6:17

Ni vekile vawoneleli hagari kwanu, ni txi khani: Pfanani kutuma ka mpundu. Aniko va xamute, va txi khani: Kha hi na mbi ku engisa.

Jeremiya 6:14

Kha va khatala kuthuma tivandwa ta vathu vangu va txi kha vona: Kuthuthile, kuthuthile! Na ku si nga ni kuthutha.

Ndando ya Tindando 3:3

Va to ni mana vawoneleli, vale va nga ti horolokela didhoropa; ni to va wotisa ni txi khani: Ina mi woni awule muhefemulo wangu wu mrandako kani?

2 Vafumeli 13:21

Ku to maheka ti to va txi tshotsha wamwamna wokari, va to wona sigevenga, se ve rinza wamwamna wule diphalani ka Elixa, se a to ya wa e peka marambu ya Elixa, a to wuka e ema ngu minenge yakwe.

2 Vafumeli 7:19

Se mthangeli wule wa yimbi a to xamula ka m'thu wa Txizimu, a txi khene: Hambi i ti ku Mkoma o tula mafasitela nzumani, ina ti da maheka nga toneto kani? Se m'thu wa Txizimu a ti nga khene: U na ti wona ngu maso ako, sekoko ngu toneto khu na mbi dya.

2 Vafumeli 7:2

Sekoko mthangeli wa yimbi awule a nga ti sanzekile kwakwe diwoko mfumeli, a to xamula ka Elixa, m'thu wa Txizimu, a txi khene: Hambi i ti ku Mkoma o maha mafasitela nzumani, ti ndi na maheka toneto kani? Se Elixa a to khene: Sekoko u na ti wona ngu maso ako, hambi keto kukhukhela ka koneho khu na mbi dya.

2 Vafumeli 5:27

Ngu kumaha keto, xokonho ya Nahanani yi na tshapela kwako, ni ka liveleko lako kala kupinduka. Se Gehazi a to khukha masoni ka Elixa, na a di ni xokonho yo maha ngu ku xwee, nga hunguva.

2 Vafumeli 5:14

Sekoko a to relela eya bhumwala kona Jordhani mtxhanu wa sikhati ni simbidi, madingano ni kuwomba ka m'thu wa Txizimu; se nyama yakwe yi to thunga, yi txi nga nyama ya mfana, se a to kalamuka.

2 Vafumeli 4:43

Sekoko txithumi txakwe txi to kha txona: Ni na si vekisa kutxani sona siya masoni ka 100 wa vathu kani? Se Elixa a to khene: Si ningele ka vathu va txi dya, nguko Mkoma a khene: Va nadye, si txi sala.

2 Vafumeli 4:41

Kambe Elixa a to khene: Ni tiseleni sipupwana. A to si thela khadini, a nje khene: Phamelani mi ninga vathu vedya. Se ku si nga ngadi ni phango khadini.

2 Vafumeli 2:21

Sekoko mnyu wuleya a to ya wu thela txisimani, e gwita a txi khene: Mkoma a khene: “Ni na basisa mati awa, kha ku na mbi ngadi kuva ni lifo, hambi ni wufule.”

2 Vafumeli 2:14

A to teka dijasi dile di nga ti wite ngu ka Elija, a to peka mati a txi khene: Ahani Mkoma, Txizimu txa Elija kani? Sekoko a to peka mati me abaneka meya khe ni khe; se Elixa a to pinda.

1 Vafumeli 22:28

Se Mikaya a to khene: Ngako awe u txo ya wuya ngu kuthutha, Mkoma kha womba-womba ngu ngani! Se Mikaya to khene kambe: Engisani motshenu anu vathu!

1 Vafumeli 22:22

Se moya wule wu to kha wona ni na huma ni maneka ni di moya wa makuhu, ngu sisofu sa votshe vaprofeti vako. Se Mkoma a to khene: Awe u na ya mxenga kambe u na ya zumba; huma u txi ya maha tona eto.

Varoma 3:7

Se ngako ditshuri da Txizimu di txi pfaliswa ngu makuhu angu, se ni ngadi ni txi lamulelwa txani nga muonhi kani?

1 Vafumeli 22:11

Se Zedhekiya, mwana Kenahani, a to ti mahela titxheho ta simbi, a txi khene ka Akabe: Mkoma Txizimu a khene: U na dayela Vasiro ngu tona txitheho tiya, uza u va heta.

1 Vafumeli 22:6

Sekoko mfumeli wa ka Israyeli a to sengeleta vaprofeti vo lava kudingana 400, a txi khene kwawe: Ina ni tsula mwendo ni nga tsule ku yalwa ni didhoropa da Ramoti-Gileyadhi kani? Se vaprofeti va to kha vona: Tsula nguko Mkoma a na di ningela manzani kwako awe mfumeli.

1 Vafumeli 18:19

Ngu toneto, gela votshe vathu va ka Israyeli ve tshangana ni nani mmangoni ka Karmeli, kumweko ni 450 wa vaprofeti va Bhahali, ni 400 wa vaprofeti va Aseri, va dyiswako ngu mfumeli wa txisikati Jezabheli.

1 Vafumeli 18:1

Se ku to maheka to msana ka masiku amangi, kutile dipswi da Mkoma ka Elija ngu dilembe da wuraru, di txi kha dona: Tsula u txi ya ti kombekisa ka Akabe, nguko ni na nisa mati txitimwi ka mafu.

1 Vafumeli 17:1

Sekoko Elija, wa Tisibha, mmweyo wa vaaki va Gileyadhi, a to khene ka Akabe: Ni xambanya ngu Mkoma a hanyako, Txizimu txa Israyeli, awu ni ku masoni kwakwe, ti to kha ku na mbiwa mati, hambi mwando, hahanze ka kuva ni kombela.

Masalmo 124:7

Kufana ni txinyana hi hulukile kubzwetwa; ngu mlawu wa mriyeli.

Ekleziyaste 9:12

Ni ti to m'thu kha yi zivi mbimo yakwe; kufana ni sihaka si dawako ngu likoka, ni kufana ni sinyana si bzwetwako ngu mlawu, ngu toneto va bzwetiswako tona vanana va vathu, ka mbimo yo biha, va txi welwa ngu dikhombo ngu txidhukisa.

Jeremiya 23:13

Ni wonile to nyenyeza, ni ka vprofeti va Samariya; va to profeta ditinani ka Bhahali, ve hambukisa vathu vangu va ka Israyeli.

Hoseya 9:7

Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.

Hoseya 9:9

Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.

Jeremiya 11:19

Ani ni fana ni hambana yo thutha yi yiswako kudawani; ni si ti zivi taku va ti ti ni txikungo txo ni wukela, txaku: A hi dikheni mndonga ni muhando wa wona, hi txi wudula ditikoni ka va va hanyako, kasi ditina dakwe di siswi di alakanywa.